ಕನ್ವರ್ ಲಾಲ್ ಜೊತೆಗೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಸೆಲ್ಫಿ.!

ಕನ್ವರ್ ಲಾಲ್ ಜೊತೆಗೆ ದರ್ಶನ್ ಸೆಲ್ಫಿ

ಅಂಬರೀಶ್ ಸಾಕಿ ಸಲುಹಿದ್ದ ಸೇಂಟ್ ಬರ್ನಾಡ್ ತಳಿಯ ಶ್ವಾನ ಕನ್ವರ್ ಲಾಲ್ ಅಂದ್ರೆ ನಟ ದರ್ಶನ್ ಗೂ ಅಚ್ಚುಮೆಚ್ಚು. ಇತ್ತೀಚೆಗೆಷ್ಟೇ ಅಂಬರೀಶ್ ಮನೆಗೆ ಭೇಟಿ ಕೊಟ್ಟಿದ್ದ ನಟ ದರ್ಶನ್, ಕನ್ವರ್ ಲಾಲ್ ಜೊತೆಗೂ ಕಾಲ ಕಳೆದು, ಅವನೊಟ್ಟಿಗೆ ಸೆಲ್ಫಿ ಕ್ಲಿಕ್ ಮಾಡಿಕೊಂಡಿದ್ದಾರೆ.

ಶ್ವಾನ ಪ್ರಿಯ ಅಂಬರೀಶ್

ಅಸಲಿಗೆ, ರೆಬೆಲ್ ಸ್ಟಾರ್ ಅಂಬರೀಶ್ ಕೂಡ ಶ್ವಾನ ಪ್ರಿಯ. ತಮ್ಮ ಮನೆಯಲ್ಲಿ ಎರಡು ನಾಯಿಗಳನ್ನು ಅಂಬರೀಶ್ ಪ್ರೀತಿಯಿಂದ ಸಾಕಿದ್ದರು. ತಮ್ಮ ಜನಪ್ರಿಯ ಡೈಲಾಗ್ ಗಳಾದ 'ಕನ್ವರ್ ಲಾಲ್' ಮತ್ತು 'ಬುಲ್ ಬುಲ್' ನ ಪ್ರತಿ ದಿನ ನೆನಪಿಸಿಕೊಳ್ಳಲು ಶ್ವಾನಗಳಿಗೆ ಅದೇ ಹೆಸರುಗಳನ್ನಿಟ್ಟು ಅಂಬರೀಶ್ ನಾಮಕರಣ ಮಾಡಿದ್ದರು.

ಅಂಬಿ ನಿಧನಹೊಂದಿದ ಮೇಲೆ...

ಸಮಯ ಸಿಕ್ಕಾಗಲೆಲ್ಲಾ ಕನ್ವರ್ ಲಾಲ್ ಮತ್ತು ಬುಲ್ ಬುಲ್ ಜೊತೆಗೆ ಅಂಬರೀಶ್ ಆಟವಾಡುತ್ತಿದ್ದರು. ಅಂಬಿ ನಿಧನ ಹೊಂದಿದ ಮೇಲೆ ಕನ್ವರ್ ಲಾಲ್ ಮತ್ತು ಬುಲ್ ಬುಲ್ ಮಂಕಾಗಿ ಮನೆಯ ಮೂಲೆ ಸೇರಿದ್ದರು. ನೆಚ್ಚಿನ ಒಡೆಯ ಅಂಬಿಯನ್ನ ಮಿಸ್ ಮಾಡಿಕೊಳ್ಳುತ್ತಿದ್ದ ಕನ್ವರ್ ಲಾಲ್ ಮತ್ತು ಬುಲ್ ಬುಲ್ ಶ್ವಾನಗಳನ್ನು ಮತ್ತೆ ನಾರ್ಮಲ್ ಟ್ರ್ಯಾಕ್ ಗೆ ತರುವಲ್ಲಿ ಅಭಿಶೇಕ್ ಅಂಬರೀಶ್ ಯಶಸ್ವಿ ಆಗಿದ್ದಾರೆ.

ವೈರಲ್ ಆದ ಫೋಟೋ

ಮೊನ್ನೆಯಷ್ಟೇ ಅಂಬಿ ಮನೆಗೆ ಭೇಟಿ ಕೊಟ್ಟ ದಾಸ ದರ್ಶನ್, ಕನ್ವರ್ ಲಾಲ್ ನನ್ನು ನೋಡಿ ಖುಷಿ ಪಟ್ಟು ತಕ್ಷಣ ಸೆಲ್ಫಿ ತೆಗೆದುಕೊಂಡಿದ್ದಾರೆ. ಈ ಫೋಟೋ ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.