ಮದುವೆ ಆಗ್ಬಿಟ್ರಾ ಚಂದನ್.! ಫೋಟೋ ನೋಡಿ ಫುಲ್ ಕನ್ಫ್ಯೂಷನ್

ಮದುವೆ ನಿಜ, ಆದ್ರೆ....

ನಟ ಚಂದನ್ ಮದುವೆ ಆಗಿರುವುದು ನಿಜ. ಆದ್ರೆ, ಇದು ನಿಜ ಜೀವನದಲ್ಲಲ್ಲ. ಬದಲಾಗಿ ಚಂದನ್ ಅಭಿನಯಿಸುತ್ತಿರುವ ಹೊಸ ತೆಲುಗು ಧಾರಾವಾಹಿಯಲ್ಲಿ. ಸಹ ನಟಿ ಆಯೇಶಾ ಜೊತೆ ನಟಿಸುತ್ತಿರುವ ಚಂದನ್, ಈ ಸಿರೀಯಲ್ ನಲ್ಲಿ ಗಂಡ-ಹೆಂಡತಿ ಪಾತ್ರ ಮಾಡುತ್ತಿದ್ದಾರೆ.

ಕನ್ ಫ್ಯೂಸ್ ಆದ ಫ್ಯಾನ್ಸ್

ಚಂದನ್ ಈ ಫೋಟೋ ಹಾಕಿ ಇದು ''ಸಾವಿತ್ರಮ್ಮಗಾರಿ ಅಬ್ಬಾಯಿ'' ಧಾರಾವಾಹಿಯ ಮೊದಲ ಫೋಟೋ ಎಂದು ಕ್ಯಾಪ್ಷನ್ ಕೂಡ ಕೊಟ್ಟಿದ್ದಾರೆ. ಅದ್ರೆ, ಅದನ್ನ ಅರ್ಥೈಸಿಕೊಳ್ಳದ ಕೆಲವು ಫ್ಯಾನ್ಸ್ ಚಂದನ್ ಮದುವೆ ಆಗಿದ್ದಾರೆ ಎಂದು ನಂಬಿ ಇಬ್ಬರಿಗೂ ಶುಭಕೋರಿದ್ದಾರೆ. ಅದಕ್ಕೆ ಮತ್ತೆ ಕೆಲವರು ಪ್ರತಿಕ್ರಿಯಿಸಿ, ಇದು ನಿಜ ಅಲ್ಲ, ಧಾರಾವಾಹಿ ಎಂದು ಸ್ಪಷ್ಟನೆ ನೀಡಿದ್ದಾರೆ.

ಸಾವಿತ್ರಮ್ಮಗಾರಿ ಅಬ್ಬಾಯಿ

ಕನ್ನಡದಲ್ಲಿ ಲಕ್ಷ್ಮಿ ಬಾರಮ್ಮ, ರಾಧಾ ಕಲ್ಯಾಣ, ಸರ್ವಮಂಗಳ ಮಾಂಗಲ್ಯೆ ಅಂತಹ ಧಾರಾವಾಹಿಯಲ್ಲಿ ನಟಿಸಿರುವ ಚಂದನ್ ಈಗ ತೆಲುಗು ಕಿರುತೆರೆಗೂ ಕಾಲಿಟ್ಟಿದ್ದಾರೆ. 'ಸಾವಿತ್ರಮ್ಮಗಾರಿ ಅಬ್ಬಾಯಿ' ಮೊದಲ ತೆಲುಗು ಧಾರಾವಾಹಿಯಾಗಿದ್ದು, ಚಂದನ್ ಗೆ ಉತ್ತಮ ಪ್ರತಿಕ್ರಿಯೆ ಸಿಗುತ್ತಿದೆ.

ಯಾವ ಸಿನಿಮಾ ಮಾಡ್ತಿದ್ದಾರೆ?

'ಪ್ರೇಮ ಬರಹ' ಮುಗಿದ ಮೇಲೆ ಧಾರಾವಾಹಿಗೆ ಮರಳಿರುವ ಚಂದನ್, ಕನ್ನಡ ಮೆಗಾ ಸಿನಿಮಾ 'ಕುರುಕ್ಷೇತ್ರ'ದಲ್ಲಿ ಸಹದೇವನ ಪಾತ್ರ ಮಾಡಿದ್ದಾರೆ. ಆ ಸಿನಿಮಾ ಬಿಡುಗಡೆಯಾಗಬೇಕಿದೆ. ಬಹುಭಾಷೆಯಲ್ಲೂ ಚಂದನ್ ಮಿಂಚುತ್ತಿದ್ದು ಅಧಿಕೃತವಾಗಿ ಯಾವ ಚಿತ್ರವನ್ನ ಘೋಷಣೆ ಮಾಡಿಲ್ಲ.