ಚಂದನ್ ಶೆಟ್ಟಿ-ನವೀನ್ ಸಜ್ಜು ಕಾಂಬಿನೇಶನ್ ನಲ್ಲಿ ಮೂಡಿಬರಲಿದೆ 'ಎಣ್ಣೆ ಸಾಂಗು'.!

ಒಂದಾದ ಚಂದನ್ ಶೆಟ್ಟಿ-ನವೀನ್ ಸಜ್ಜು

ಒಂದು ಹಾಡಿಗಾಗಿ ಚಂದನ್ ಶೆಟ್ಟಿ ಮತ್ತು ನವೀನ್ ಸಜ್ಜು ಒಂದಾಗಿದ್ದಾರೆ. ಹೇಳಿ ಕೇಳಿ... ಇಬ್ಬರೂ ಜನಪ್ರಿಯತೆ ಪಡೆದಿದ್ದೇ 'ಮೂರು ಪೆಗ್ಗು...', 'ಎಣ್ಣೆ ನಮ್ದು...' ಎಂದುಕೊಂಡು. ಹೀಗಾಗಿ, ಇಬ್ಬರೂ ಸೇರಿ ಒಂದೊಳ್ಳೆ 'ಎಣ್ಣೆ ಸಾಂಗ್' ರೆಡಿ ಮಾಡಲು ಮುಂದಾಗಿದ್ದಾರೆ.

ಮಾತುಕತೆ ನಡೆದಿದೆ.!

ಈಗಾಗಲೇ ಚಂದನ್ ಶೆಟ್ಟಿ ಮತ್ತು ನವೀನ್ ಸಜ್ಜು ಭೇಟಿ ಆಗಿ 'ಎಣ್ಣೆ ಸಾಂಗ್' ಮಾಡುವ ಕುರಿತು ಮಾತುಕತೆ ನಡೆಸಿದ್ದಾರೆ. ಇನ್ನು ಕೆಲವೇ ದಿನಗಳಲ್ಲಿ ಸಾಹಿತ್ಯ ರಚನೆ, ಸಾಂಗ್ ರೆಕಾರ್ಡಿಂಗ್ ಶುರು ಆಗಲಿದೆ.

ಚಂದನ್ ಶೆಟ್ಟಿ ಬಿಜಿ

ಇತ್ತ ಚಂದನ್ ಶೆಟ್ಟಿ ಕೂಡ ಆಲ್ಬಂ ಒಂದನ್ನು ಸಿದ್ಧಪಡಿಸುವ ಕೆಲಸದಲ್ಲಿ ಬಿಜಿಯಾಗಿದ್ದಾರೆ. 'ಬಿಗ್ ಬಾಸ್' ವಿನ್ನರ್ ಆದ್ಮೇಲೆ ಚಂದನ್ ಶೆಟ್ಟಿ ಅದೃಷ್ಟ ಖುಲಾಯಿಸಿದೆ. ಚಂದನ್ ಶೆಟ್ಟಿಗೆ ಅವಕಾಶಗಳು ಹುಡುಕಿಕೊಂಡು ಬರುತ್ತಿವೆ.

ನವೀನ್ ಸಜ್ಜು ಗೆ ಆಫರ್ಸ್ ಸುರಿಮಳೆ

ಇನ್ನೂ ನವೀನ್ ಸಜ್ಜು ರವರಿಗೂ ಸ್ಯಾಂಡಲ್ ವುಡ್ ಹೊಸದೇನೂ ಅಲ್ಲ. ಅದ್ರಲ್ಲೂ, 'ಬಿಗ್ ಬಾಸ್' ಮನೆಗೆ ಹೋಗಿ ಬಂದ್ಮೇಲೆ ನವೀನ್ ಗೆ ಗಾಂಧಿನಗರದಲ್ಲಿ ಡಿಮ್ಯಾಂಡ್ ಹೆಚ್ಚಾಗಿದೆ. ಈ ನಡುವೆ ಚಂದನ್ ಶೆಟ್ಟಿ ಜೊತೆ ಸೇರಿ 'ಎಣ್ಣೆ ಸಾಂಗ್' ಮಾಡಲು ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ.