ಚಂದನ್ ಶೆಟ್ಟಿ-ನಿವೇದಿತಾ ಗೌಡ ಮದುವೆ ದಿನಾಂಕ ನಿಗದಿ: ಎಲ್ಲಿ, ಯಾವಾಗ.?

ಚಂದನ್ ಶೆಟ್ಟಿ-ನಿವೇದಿತಾ ಗೌಡ ಮದುವೆ ಯಾವಾಗ.?

'ಬಿಗ್ ಬಾಸ್' ಕಾರ್ಯಕ್ರಮದಿಂದ ಪರಿಚಯವಾಗಿ, ಪ್ರೇಮಿಗಳಾಗಿರುವ ಚಂದನ್ ಶೆಟ್ಟಿ ಮತ್ತು ನಿವೇದಿತಾ ಗೌಡ ಮದುವೆ ದಿನಾಂಕ ಫಿಕ್ಸ್ ಆಗಿದೆ. ಮುಂದಿನ ತಿಂಗಳು... ಅಂದ್ರೆ ಫೆಬ್ರವರಿ 25 ಮತ್ತು 26 ರಂದು ಚಂದನ್ ಶೆಟ್ಟಿ ಮತ್ತು ನಿವೇದಿತಾ ಗೌಡ ವಿವಾಹ ಮಹೋತ್ಸವ ನಡೆಯಲಿದೆ.

ಮದುವೆ ಎಲ್ಲಿ.?

ಮೈಸೂರಿನ ಸ್ಪೆಕ್ಟ್ರಾ ಕನ್ವೆನ್ಷನ್ ಹಾಲ್ ನಲ್ಲಿ ದಾಂಪತ್ಯ ಜೀವನಕ್ಕೆ ಚಂದನ್ ಶೆಟ್ಟಿ ಮತ್ತು ನಿವೇದಿತಾ ಗೌಡ ಕಾಲಿಡಲಿದ್ದಾರೆ. ಚಂದನ್ ಶೆಟ್ಟಿ ಆಸೆಯಂತೆ, ನಿವೇದಿತಾ ಗೌಡ ಕನಸಿನಂತೆ ಮದುವೆ ಗ್ರ್ತಾಂಡ್ ಆಗಿ ನಡೆಯಲಿದೆ. ಮದುವೆ ತಯಾರಿಯಲ್ಲಿ ಇಬ್ಬರ ಕುಟುಂಬದವರೂ ಬಿಜಿಯಾಗಿದ್ದಾರೆ.

ಭಾವಿ ಪತ್ನಿಗೆ ಸರ್ಪ್ರೈಸ್ ಕೊಟ್ಟಿದ್ದ ಚಂದನ್ ಶೆಟ್ಟಿ

ಹೊಸ ವರ್ಷದಂದು ನಿವೇದಿತಾ ಗೌಡ ಜೊತೆಗೆ ಚಂದನ್ ಶೆಟ್ಟಿ ಇರಲಿಲ್ಲ. ಕೆನಡಾಗೆ ಹಾರಿದ್ದ ಚಂದನ್ ಶೆಟ್ಟಿ, ಅಲ್ಲಿ ಸ್ನೋ ಏಂಜಲ್ ತಯಾರಿಸಿ ಭಾವಿ ಪತ್ನಿ ನಿವೇದಿತಾ ಗೌಡಗೆ ಸರ್ಪ್ರೈಸ್ ನೀಡಿದ್ದರು.

ವಯಸ್ಸಿನ ಅಂತರ

ಕನ್ನಡ ರಾಪರ್ ಚಂದನ್ ಶೆಟ್ಟಿಗೆ 30 ವರ್ಷ. ಇನ್ನೂ 20ರ ಆಸುಪಾಸಿನಲ್ಲಿದ್ದಾರೆ ನಿವೇದಿತಾ ಗೌಡ. ಇಬ್ಬರ ನಡುವೆ ಸುಮಾರು 10 ವರ್ಷಗಳ ವಯಸ್ಸಿನ ಅಂತರವಿದೆ. ವಯಸ್ಸಿನ ಗ್ಯಾಪ್ ಬಗ್ಗೆ ಯಾರು ಏನೇ ಟ್ರೋಲ್ ಮಾಡಿದರೂ ಚಂದನ್ ಶೆಟ್ಟಿ ಮತ್ತು ನಿವೇದಿತಾ ಗೌಡ ತಲೆ ಕೆಡಿಸಿಕೊಂಡಿಲ್ಲ. ಪ್ರೀತಿಯ ಅಲೆಯಲ್ಲಿ ತೇಲುತ್ತಿರುವ ಈ ಜೋಡಿ ಇನ್ನೊಂದು ತಿಂಗಳಲ್ಲಿ ದಂಪತಿಗಳಾಗಲಿದ್ದಾರೆ.