ಚಂದನ್ ಶೆಟ್ಟಿ ಫೇಸ್‌ಬುಕ್ ಖಾತೆ ಹ್ಯಾಕ್‌

ಹಣದ ಬೇಡಿಕೆ ಇಡಲಾಗುತ್ತದೆ

ಸಾಮಾನ್ಯವಾಗಿ ಫೇಸ್‌ಬುಕ್‌ ಹ್ಯಾಕ್‌ಗಳಲ್ಲಿ ಹಣದ ಬೇಡಿಕೆ ಇಡಲಾಗುತ್ತದೆ. ಈಗಾಗಲೇ ಚಂದನ್ ಶೆಟ್ಟಿ ಖಾತೆಯು ಹ್ಯಾಕರ್‌ ಕೈಸೇರಿರುವ ಕಾರಣ. ಆತ ಹಣದ ಬೇಡಿಕೆ ಇಟ್ಟು ಖಾತೆಯನ್ನು ಮರಳಿ ಪಡೆಯುವಂತೆ ಸಂದೇಶ ಕಳಿಸಿರುವ ಸಾಧ್ಯತೆ ಇದೆ. ಹಲವಾರು ಪ್ರಕರಣಗಳಲ್ಲಿ ಈ ರೀತಿಯಾಗಿ ಆಗಿದೆ.

ಚಂದನ್ ಶೆಟ್ಟಿ ಖಾತೆಯಿಂದ ಗೆಳೆಯರಿಗೆ ಸಂದೇಶ?

ಚಂದನ್ ಶೆಟ್ಟಿ ಖಾತೆಯಿಂದ ಚಂದನ್ ಶೆಟ್ಟಿ ಫೇಸ್‌ಬುಕ್ ಗೆಳೆಯರಿಗೆ ಸಂದೇಶ ಕಳುಹಿಸಿ ಹಣಕ್ಕೆ ಬೇಡಿಕೆ ಇಡುವ ಸಾಧ್ಯತೆಯನ್ನು ತಳ್ಳಿಹಾಕುವಂತಿಲ್ಲ. ಇತ್ತೀಚೆಗೆ ಇಂಥಹಾ ಕೆಲವು ಪ್ರಕರಣಗಳು ನಡೆದಿವೆ.

ಜಿ-ಮೇಲ್ ಹ್ಯಾಕ್ ಆದರೆ ಇದೆ ನಿಜವಾದ ಸಂಕಷ್ಟ

ಫೇಸ್‌ಬುಕ್ ಹ್ಯಾಕ್‌ ತೀರಾ ಕಷ್ಟದ ಹ್ಯಾಕ್ ಅಲ್ಲ ಎನ್ನಲಾಗುತ್ತದೆ. ಆದರೆ ಆತಂಕ ಪಡಬೇಕಿರುವ ಸಂಗತಿಯೆಂದರೆ ಫೇಸ್‌ಬುಕ್‌ ನಲ್ಲಿ ನಮ್ಮ ಜಿ-ಮೇಲ್ ಖಾತೆ ಹಾಗೂ ಮೊಬೈಲ್ ಸಂಖ್ಯೆ ಮಾಹಿತಿ ಇರುತ್ತದೆ. ಯುಪಿಐ ಖಾತೆಗಳಿಗೂ ಮೊಬೈಲ್ ಸಂಖ್ಯೆ, ಜಿ-ಮೇಲ್ ಬಳಸುವುದು ಸಾಮಾನ್ಯ. ಹ್ಯಾಕರ್‌ ಜಿ-ಮೇಲ್ ಹಾಗೂ ಆ ಮೂಲಕ ಮೊಬೈಲ್ ಹ್ಯಾಕ್‌ ಮಾಡಿದರೆ ನಿಜವಾದ ಇಕ್ಕಟ್ಟು ಶುರುವಾಗುತ್ತದೆ.

ಈಗಾಗಲೇ ಸಂಕಷ್ಟದಲ್ಲಿರುವ ಚಂದನ್ ಶೆಟ್ಟಿ

'ಕೋಲುಮಂಡೆ' ರೀಮಿಕ್ಸ್ ಹಾಡಿನಿಂದ ಈಗಾಗಲೇ ಸಂಕಷ್ಟಕ್ಕೆ ಸಿಲುಕಿರುವ ಚಂದನ್ ಶೆಟ್ಟಿ ಈಗ ಇದೊಂದು ಹೊಸ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಕೋಲುಮಂಡೆ ಹಾಡಿನಲ್ಲಿ ಶಿವಶರಣೆ ಶಂಕಮ್ಮ ಹಾಗೂ ಮಾದಪ್ಪನಿಗೆ ಅಪಮಾನ ಮಾಡಲಾಗಿದೆ ಎಂದು ಚಂದನ್ ಶೆಟ್ಟಿ ವಿರುದ್ಧ ದೂರು ನೀಡಲಾಗಿದೆ.