ಹಾಸ್ಯ ನಟ ಚಿಕ್ಕಣ್ಣ ಈಗ ಸಿನಿಮಾ ನಿರ್ಮಾಪಕ!

'ರಾಂಬೋ 2'

ಶರಣ್ ಅಭಿನಯದ 'ರಾಂಬೋ 2' ಸಿನಿಮಾದ ಮೂಲಕ ನಟ ಚಿಕ್ಕಣ್ಣ ನಿರ್ಮಾಪಕ ಆಗಿದ್ದಾರೆ. ಈ ಚಿತ್ರದ ನಿರ್ಮಾಪಕರ ಪೈಕಿ ಅವರು ಒಬ್ಬರಾಗಿದ್ದಾರೆ.

ತಂತ್ರಜ್ಞರ ಸಿನಿಮಾ

ಚಿಕ್ಕಣ್ಣ ಮಾತ್ರವಲ್ಲದೆ ಈ ಸಿನಿಮಾದಲ್ಲಿ ಕೆಲಸ ಮಾಡಿರುವ ಅನೇಕ ತಂತ್ರಜ್ಞರು ಸಿನಿಮಾಗೆ ಬಂಡವಾಳ ಹಾಕಿದ್ದಾರೆ. ಎಲ್ಲ ಸೇರಿ ಈ ಸಿನಿಮಾವನ್ನು ನಿರ್ಮಾಣ ಮಾಡುತ್ತಿದ್ದಾರೆ.

ಶರಣ್ ಮತ್ತು ಆಶಿಕಾ ಜೋಡಿ

'ರಾಂಬೋ 2' ಸಿನಿಮಾ ಒಂದು ಕಾಮಿಡಿ ಸಿನಿಮಾವಾಗಿದೆ. ಅನಿಲ್ ಈ ಚಿತ್ರವನ್ನು ನಿರ್ದೇಶನ ಮಾಡಿದ್ದಾರೆ. ಮೊದಲ ಬಾರಿಗೆ ಶರಣ್ ಮತ್ತು ಆಶಿಕಾ ಜೋಡಿಯಾಗಿದ್ದಾರೆ. ಚಿಕ್ಕಣ್ಣ ಕೂಡ ಚಿತ್ರದಲ್ಲಿ ನಟಿಸಿದ್ದಾರೆ. ಈ ಸಿನಿಮಾದ ಇನ್ನೊಂದು ಹಾಡನ್ನು ಅರುಣ್ ಸಾಗರ್ ಪುತ್ರಿ ಅದಿತಿ ಸಾಗರ್ ಹಾಡಿದ್ದಾರೆ.

'ಯವ್ವ ಯವ್ವ..' ಹಾಡು

ನಿನ್ನೆ ಶರಣ್ ಹುಟ್ಟುಹಬ್ಬದ ವಿಶೇಷವಾಗಿ 'ರಾಂಬೋ 2' ಸಿನಿಮಾದ 'ಯವ್ವ ಯವ್ವ..' ಎಂಬ ಒಂದು ಹಾಡಿನ ಟೀಸರ್ ರಿಲೀಸ್ ಆಗಿದೆ. ಯೂ ಟ್ಯೂಬ್ ನಲ್ಲಿ ಬಿಡುಗಡೆಯಾಗಿರುವ ಈ ಹಾಡು ದೊಡ್ಡ ಜನಪ್ರಿಯತೆ ಗಳಿಸುತ್ತಿದೆ.

ಚಿಕ್ಕಣ್ಣ ಮಾತು

ತಮ್ಮ 'ರಾಂಬೋ 2' ಸಿನಿಮಾದ ಬಗ್ಗೆ ಮಾತನಾಡಿರುವ ಚಿಕ್ಕಣ್ಣ ''ಶರಣ್ ಸರ್ ಮತ್ತು ನಾನು ಈ ಹಿಂದೆ ಮಾಡಿದ ಸಿನಿಮಾಗಳು ಹಳ್ಳಿಯ ಹಿನ್ನಲೆಯ ಕಥೆ ಹೊಂದಿತ್ತು. ಆದರೆ ಈ ಸಿನಿಮಾ ಜರ್ನಿಯಲ್ಲಿ ನಡೆಯುತ್ತದೆ. ಸಿನಿಮಾದ ಚಿತ್ರೀಕರಣವನ್ನು ರಾಮೇಶ್ವರ, ರಾಜಸ್ಥಾನ, ಗೋವದಲ್ಲಿ ಮಾಡಿದ್ದೇವೆ'' ಎಂದು ತಮ್ಮ ಅನುಭವವನ್ನು ಹಂಚಿಕೊಂಡರು.