'ಗಿರ್ಮಿಟ್' ಹುಡುಗರ ಆಸೆ ಈಡೇರಿಸ್ತಾರಾ ಡಿ-ಬಾಸ್ ಮತ್ತು ಯಶ್?

ಡಿ ಬಾಸ್ ಜೊತೆ ಸಿನಿಮಾ ನೋಡ್ಬೇಕಂತೆ

ಗಿರ್ಮಿಟ್ ಚಿತ್ರದಲ್ಲಿ ನಟಿಸಿರುವ ಕೆಲವು ಬಾಲನಟರು ದರ್ಶನ್ ಅವರ ಅಭಿಮಾನಿಗಳು. ಹಾಗಾಗಿ, ಗಿರ್ಮಿಟ್ ಚಿತ್ರವನ್ನ ದರ್ಶನ್ ಅವರ ಜೊತೆ ನೋಡಬೇಕು ಎಂಬ ಆಸೆ ಹೊರಹಾಕಿದ್ದಾರೆ. ಮಕ್ಕಳ ಕಮರ್ಷಿಯಲ್ ಚಿತ್ರಕ್ಕೆ ಹಲವು ಸ್ಟಾರ್ ನಟರು ಸಾಥ್ ನೀಡಿದ್ದಾರೆ. ಮಕ್ಕಳ ಈ ಆಸೆಯನ್ನ ಡಿ ಬಾಸ್ ಈಡೇರಿಸ್ತಾರಾ?

ಯಶ್-ರಾಧಿಕಾ ಜೊತೆ ಸಿನಿಮಾ ನೋಡ್ಬೇಕು

ಚಿತ್ರದ ಹೀರೋ ಮತ್ತು ಹೀರೋಯಿನ್ ಪಾತ್ರಗಳಿಗೆ ರಾಕಿಂಗ್ ಸ್ಟಾರ್ ಯಶ್ ಮತ್ತು ರಾಧಿಕಾ ಪಂಡಿತ್ ವಾಯ್ಸ್ ಕೊಟ್ಟಿದ್ದಾರೆ. ಈ ಮಕ್ಕಳ ಪೈಕಿ ಕೆಲವು ಯಶ್ ಮತ್ತು ರಾಧಿಕಾ ಪಂಡಿತ್ ಜೊತೆ ಕೂತು ಈ ಸಿನಿಮಾ ನೋಡ್ಬೇಕು ಎಂಬ ಆಸೆ ಹೇಳಿಕೊಂಡಿದ್ದಾರೆ. ಈ ಆಸೆಯನ್ನ ರಾಕಿಂಗ್ ಜೋಡಿ ಈಡೇರಿಸುತ್ತಾ?

ಇಂತಹ ಸಿನಿಮಾಗಳು ಹೆಚ್ಚು ಬರಲಿ

''ಗಿರ್ಮಿಟ್ ಚಿತ್ರದ ಟ್ರೈಲರ್ ನೋಡಿ ಶಿವರಾಜ್ ಕುಮಾರ್ ಮೆಚ್ಚಿಕೊಂಡಿದ್ದರು. ಈ ಚಿತ್ರಕ್ಕೆ ನನ್ನ ಕೇಳಿದ್ರು ವಾಯ್ಸ್ ಕೊಡ್ತಿದ್ದೆ ಎಂದು ಸೆಂಚುರಿಸ್ಟಾರ್ ಹೇಳಿದ್ದರು. ತೆಲುಗು ಮತ್ತು ತಮಿಳಿನಲ್ಲಿ ಇಂತಹ ಪ್ರಯತ್ನಗಳು ಬರುತ್ತೆ. ಕನ್ನಡದಲ್ಲಿ ಹೆಚ್ಚು ಬರಲಿ'' ಎಂದು ಶಿವಣ್ಣ ಹೇಳಿದ್ದರು.

ಗಿರ್ಮಿಟ್ ಸಿನಿಮಾ ಬಗ್ಗೆ

ರವಿಬಸ್ರೂರು ನಿರ್ದೇಶನದ ಈ ಚಿತ್ರದಲ್ಲಿ ಸ್ಲಾಗಾ ಸಾಲಿಗ್ರಾಮ, ಅಶ್ಲೇಶ್ ರಾಜ್, ಆರಾಧ್ಯ ಶೆಟ್ಟಿ ಸೇರಿದಂತೆ ಹಲವು ಮಕ್ಕಳು ನಟಿಸಿದ್ದಾರೆ. ಎನ್.ಎಸ್ ರಾಜಕುಮಾರ್ ಈ ಚಿತ್ರಕ್ಕೆ ಬಂಡವಾಳ ಹಾಕಿದ್ದಾರೆ.