'ಕಾಮಿಡಿ ಕಿಲಾಡಿ' ಲೋಕೇಶ್ ಕುಮಾರ್ ಈಗ 'ಭಾಗ್ಯವಂತ'

'ಕಾಮಿಡಿ ಕಿಲಾಡಿಗಳು' ಖ್ಯಾತಿಯ ಲೋಕೇಶ್ ಕುಮಾರ್ ಮತ್ತೆ ನಿಮ್ಮುಂದೆ 'ಕಿಲಾಡಿ ಕುಟುಂಬ'ದ ಮೂಲಕ ಬಂದಿದ್ದಾರೆ. ಇದರ ಜೊತೆಗೆ ಲೋಕೇಶ್ ಅವರಿಗೆ ಸ್ಯಾಂಡಲ್ ವುಡ್ ನಲ್ಲಿ ಕೂಡ ಬ್ಯುಸಿಯಾಗಿದ್ದಾರೆ.

ಲೋಕೇಶ್ ಕುಮಾರ್ ನಿಜಕ್ಕೂ 'ಭಾಗ್ಯವಂತ'. ಅದಕ್ಕೆ ಈಗ 'ಭಾಗ್ಯವಂತರು' ಎಂಬ ಹೊಸ ಸಿನಿಮಾದಲ್ಲಿ ನಾಯಕನಾಗಿ ಅಭಿನಯಿಸುತ್ತಿದ್ದಾರೆ. ಲೋಕೇಶ್ ಜೊತೆಯಲ್ಲಿ ಶ್ರವಂತ್ ಮತ್ತು ಸೂರಜ್ ಕೂಡ ನಾಯಕರಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಕಥೆ-ಚಿತ್ರಕಥೆ ಬರೆದು ಈ ಚಿತ್ರವನ್ನ ನಿರ್ದೇಶನ ಮಾಡುತ್ತಿರುವುದು ಎಂ. ಹರಿಕೃಷ್ಣ. ಎಂ ಪ್ರಕಾಶ್ ಕುಮಾರ್ ಈ ಚಿತ್ರಕ್ಕೆ ಬಂಡವಾಳ ಹಾಕುತ್ತಿದ್ದಾರೆ. ಬಸವಣ್ಣ ಮೆಳ್ಳಹಳ್ಳಿ ಅವರ ಸಂಗೀತ, ಕುಮಾರ್ ಗೌಡ ಅವರ ಛಾಯಾಗ್ರಹಣ ಈ ಚಿತ್ರಕ್ಕಿದೆ. ಇನ್ನುಳಿದಂತೆ ಶ್ರೀನಾಥ್, ಸುಧಾರಾಣಿ, ಸುಚೇಂದ್ರ ಪ್ರಸಾದ್, ಹಾಗೂ ಕಾಮಿಡಿ ಕಿಲಾಡಿಗಳು ಖ್ಯಾತಿಯ ಪ್ರವೀಣ್ ಕೂಡ ಈ ಚಿತ್ರದಲ್ಲಿ ನಟಿಸುತ್ತಿದ್ದಾರೆ.