ನಟ ಕಿರಣ್ ರಾಜ್ ಹಾಗೂ ಯಾಸ್ಮಿನ್ ನೀಡಿದ ದೂರಿನಲ್ಲಿ ಏನಿದೆ?

ಪರಸ್ಪರ ದೂರು ದಾಖಲಿಸಿದ ಕಿರಣ್-ಯಾಸ್ಮಿನ್

ಕನ್ನಡ ಹಾಗೂ ಹಿಂದಿ ಕಿರುತೆರೆಯಲ್ಲಿ ಗುರುತಿಸಿಕೊಂಡಿರುವ ನಟ ಕಿರಣ್ ರಾಜ್ ಹಾಗೂ ಹಿಂದಿ ನಟಿ ಯಾಸ್ಮಿನ್ ಪಠಾಣ್ ಇಬ್ಬರು ಪರಸ್ಪರ ದೂರು ದಾಖಲು ಮಾಡಿದ್ದಾರೆ. ಯಾಸ್ಮಿನ್ ಮುಂಬೈನಲ್ಲಿ ದೂರು ದಾಖಲಿಸಿದರೇ ಕಿರಣ್ ಬೆಂಗಳೂರಿನ ಆರ್ ಆರ್ ನಗರದಲ್ಲಿ ದೂರು ದಾಖಲಿಸಿದ್ದಾರೆ.

ಪ್ರೇಯಸಿ ವಿರುದ್ದ ಕಿರಣ್ ರಾಜ್ ದೂರು

"ಯಾಸ್ಮಿನ್ ಮಾರ್ಚ್ 31 ರಂದು ನಮ್ಮ ಮನೆಗೆ ಬಂದು ನನ್ನ ತಂದೆ ಹಾಗೂ ತಾಯಿ ಮೇಲೆ ಹಲ್ಲೆ ಮಾಡಿದ್ದಾಳೆ. ಅದಷ್ಟೇ ಅಲ್ಲದೇ ನನ್ನ ಕಾರ್ ಗ್ಲಾಸ್ ಹೊಡೆದು ಹಾಕಿದ್ದಾಳೆ. ಅದಕ್ಕಾಗಿ ದೂರು ದಾಖಲು ಮಾಡಿದ್ದೇನೆ ನಾನು ಎಫ್ ಐ ಆರ್ ಹಾಕಿಲ್ಲ ಕಾರಣ ಇದು ಹೀಗೆ ಮುಂದುವರೆಸಲು ನನಗೆ ಇಷ್ಟವಿಲ್ಲ. ಯಾಸ್ಮಿನ್ ತುಂಬಾ ಜನಕ್ಕೆ ಮೋಸ ಮಾಡಿದ್ದಾಳೆ ಈಗಾಗಲೇ ಅವಳ ವಿರುದ್ದ ಮೂರ್ನಾಲ್ಕು ಕೇಸ್ ಗಳಿವೆ. ಹನಿ ಟ್ರ್ಯಾಪ್ ಮಾಡಿ ಜನರಿಗೆ ಮೋಸ ಮಾಡುವುದೆ ಅವಳ ಉದ್ದೇಶ. ನಮ್ಮ ಸಂಬಂಧ ಎಂದಿಗೂ ಚೆನ್ನಾಗಿ ಇರಲಿಲ್ಲ" ಎಂದು ದೂರಿನಲ್ಲಿದೆ.

ದೂರು ದಾಖಲಿಸಿರುವ ಯಾಸ್ಮಿನ್ ಪಠಾಣ್

"ಮಾರ್ಚ್ 29 ರಂದು ಕಿರಣ್ ನನ್ನ ಮೇಲೆ ಹಲ್ಲೆ ಮಾಡಿದ್ದಾರೆ. ಅವರ ಕಾರಿನಲ್ಲೇ ನನಗೆ ಮನಬಂದಂತೆ ತಳಿಸಿದ್ದಾರೆ. ನಂತರ ನಾನು ಕಾರಿನ ಗ್ಲಾಸ್ ಹೊಡೆದು ಕಿರುಚಲು ಆರಂಭಿಸಿದೆ ತದ ನಂತರ ಒಂದು ಗ್ಯಾರೆಜ್ ಗೆ ನನ್ನನ್ನು ಕರೆದುಕೊಂಡು ಹೋಗಿ ಅಲ್ಲಿಯೂ ರಕ್ತ ಬರುವಂತೆ ಹಲ್ಲೆ ಮಾಡಿದ್ದಾರೆ. ಈ ವಿಚಾರವನ್ನು ನಾನು ಅವರ ತಂದೆ ತಾಯಿಗೆ ತಿಳಿಸಿದೆ. ಅವರು ಪೋಲೀಸರಿಗೆ ವಿಚಾರ ತಿಳಿಸದಂತೆ ನನ್ನನ್ನು ತಡೆದರು. ಆದರೆ ಕಿರಣ್ ಕಾಟ ತಡೆಯಲಾರದೆ" ನಾನು ಪೋಲಿಸರಿಗೆ ದೂರು ನೀಡಿದ್ದೇನೆ ಎಂದು ತಿಳಿಸಿದ್ದಾರೆ.

ಪ್ರೇಮಿಗಳೇ ಈಗ ದುಶ್ಮನ್

ಯಾಸ್ಮಿನ್ ಹಾಗೂ ಕಿರಣ್ ರಾಜ್ ಸಾಕಷ್ಟು ದಿನಗಳಿಂದ ಪರಿಚಿತರು. ಸುಮಾರು ಐದು ವರ್ಷ ಲಿವಿಂಗ್ ಟು ಗೆದರ್ ನಲ್ಲಿದ್ದರು. ಮದುವೆ ಆಗಬೇಕೆಂದು ತೀರ್ಮಾನಿಸಿದ್ದರು. ಆದರೆ ಈಗ ಇಬ್ಬರು ಪರಸ್ಪರ ದೂರುತ್ತಾ ದೂರವಾಗಲು ನಿರ್ಧರಿಸಿದ್ದಾರೆ.