ರಾವಣ-ವಿಲನ್ ಅಂತ ಹೇಳಿ ಹೇಳಿ ಕನ್ ಫ್ಯೂಸ್ ಮಾಡಿದ್ರಾ ಪ್ರೇಮ್.?

ಇಬ್ಬರದ್ದು ನೆಗಿಟೀವ್ ಪಾತ್ರ

'ದಿ ವಿಲನ್' ಸಿನಿಮಾದಲ್ಲಿ ಸುದೀಪ್ ಮತ್ತು ಶಿವರಾಜ್ ಕುಮಾರ್ ಇಬ್ಬರದ್ದು ನೆಗಿಟೀವ್ ಪಾತ್ರಗಳೇ. ಒಬ್ಬರು ಪಾಸಿಟೀವ್ ಆಗಿ, ಮತ್ತೊಬ್ಬರು ನೆಗಿಟೀವ್ ಆಗಿ ಇಲ್ಲ. ಅಥವಾ ಒಬ್ಬರು ಪೊಲೀಸ್ ಮತ್ತೊಬ್ಬರ ಕಳ್ಳ ಅಂತಾನೂ ಇಲ್ಲ. ಬಹುಶಃ ಇಬ್ಬರು ಪಕ್ಕಾ ರೌಡಿಗಳೇ.

ಇಬ್ಬರು 'ವಿಲನ್'

ಇಬ್ಬರು ಹೀರೋಗಳಲ್ಲಿ ವಿಲನ್ ಯಾರು ಎಂಬುದು ದೊಡ್ಡ ಪ್ರಶ್ನೆಯಾಗಿದೆ. ಬಹುಶಃ ಈ ಚಿತ್ರದಲ್ಲಿ ಇಬ್ಬರು ವಿಲನ್ ಗಳೇ ಎಂದು ಮಾತನಾಡಿಕೊಳ್ಳುತ್ತಿದ್ದಾರೆ. ಇಬ್ಬರದ್ದು ನೆಗಿಟೀವ್ ಶೇಡ್ ಇರುವುದರಿಂದ ಇಬ್ಬರು ವಿಲನ್ ಗಳೇ. ಲೋಕಲ್ ಇಂದ ಇಂಟರ್ ನ್ಯಾಷನಲ್ ಮಟ್ಟಕ್ಕೆ ಬೆಳೆಯೋ ಡಾನ್ ಗಳ ಕಥೆ ಇರಬಹುದು.

ಇಬ್ಬರಲ್ಲೂ ರಾವಣ ಇರಬಹುದು

'ದಿ ವಿಲನ್' ಚಿತ್ರದ ಹಾಡುಗಳಲ್ಲಿ ರಾಮ-ರಾವಣನ ಕಥೆ ಹೇಳಲಾಗಿದೆ. ಅಷ್ಟೇ ಅಲ್ಲದೇ ಆರಂಭದಲ್ಲಿ ಬಿಡುಗಡೆಯಾಗಿದ್ದ ಮೋಷನ್ ಪೋಸ್ಟರ್ ನಲ್ಲಿ ಒಬ್ಬರೊಳಗೆ ಒಬ್ಬರ ಮುಖವಾಡ ಕಳಚಿತ್ತು. ಅಲ್ಲಿಗೆ, ಇಬ್ಬರಲ್ಲೂ ಒಬ್ಬ ರಾವಣ ಮತ್ತು ಇಬ್ಬರಲ್ಲೂ ಒಬ್ಬ ವಿಲನ್ ಇದ್ದಾನೆ ಎನ್ನುವುದು ಪಕ್ಕಾ.

ಇದೊಂದು ಭೇಟೆಯ ಕಥೆ

ಟೀಸರ್ ಗಮನಿಸಿದ್ರೆ ಇದೊಂದು ಹಂಟಿಂಗ್ ಕಥೆ ಎನ್ನುವುದರ ಸುಳಿವು ಸಿಗುತ್ತಿದೆ. ಇಲ್ಲಿ ಸುದೀಪ್ ಮತ್ತು ಶಿವರಾಜ್ ಕುಮಾರ್ ನಡುವೆ ಹಂಟಿಂಗ್ ಇರಬಹುದು. ಯಾಕಂದ್ರೆ, ಸಿನಿಮಾದಲ್ಲಿ ನಿಖರವಾದ ವಿಲನ್ ಇಲ್ಲ. ಇವರಿಬ್ಬರ ನಡುವೆಯೇ ಕಥೆ ಸಾಗುತ್ತೆ. ಇಬ್ಬರ ಮಧ್ಯೆ ಆಮಿ ಜಾಕ್ಸನ್. ಇಡೀ ಸಿನಿಮಾಗೆ ಟ್ವಿಸ್ಟ್ ನೀಡುವಂತಹ ಪಾತ್ರ ಆಮಿ ಜಾಕ್ಸನ್ ಅವರದ್ದು ಇರಬಹುದು.

ಮಿಥುನ್, ಶ್ರೀಕಾಂತ್ ಪಾತ್ರವೇನು.?

ಇಲ್ಲಿಯವರೆಗೂ ಬಾಲಿವುಡ್ ನಟ ಮಿಥುನ್ ಚಕ್ರವರ್ತಿ ಮತ್ತು ತೆಲುಗು ನಟ ಶ್ರೀಕಾಂತ್ ಅವರ ಪಾತ್ರದ ಬಗ್ಗೆ ಸುಳಿವು ನೀಡಿಲ್ಲ. ಆದ್ರೆ, ಮಿಥುನ್ ಚಕ್ರವರ್ತಿ ಪೊಲೀಸ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ ಎನ್ನಲಾಗಿದೆ. ಶ್ರೀಕಾಂತ್ ಅವರು ಬಹುಶಃ ತನಿಖಾಧಿಕಾರಿ ಇರಬಹುದು. ಆದ್ರೆ, ಪಕ್ಕಾ ಅಲ್ಲ. ಈ ಎಲ್ಲ ಕುತೂಹಲಕ್ಕೆ ಅಕ್ಟೋಬರ್ 18 ರಂದು ಬ್ರೇಕ್ ಬೀಳಲಿದೆ.