ಸ್ಟಾರ್ ನಟನಿಗೆ ಅಕ್ಕ ಆದ 'ಟಗರು' ಖ್ಯಾತಿಯ ಕಾನ್ಸ್ ಟೇಬಲ್ ಸರೋಜ

'ಕುಸ್ತಿ' ತಂಡ ಸೇರಿದ ಸರೋಜ

ನಟಿ ತ್ರಿವೇಣಿ ಈಗ 'ಕುಸ್ತಿ' ತಂಡವನ್ನು ಸೇರಿದ್ದಾರೆ. ಮೊದಲ ಬಾರಿಗೆ ದುನಿಯಾ ವಿಜಯ್ ಜೊತೆಗೆ ಅವರು ನಟಿಸುತ್ತಿದ್ದಾರೆ. ವಿಶೇಷ ಅಂದರೆ, ಈ ಸಿನಿಮಾದಲ್ಲಿ ದುನಿಯಾ ವಿಜಯ್ ಅಕ್ಕನ ಪಾತ್ರದಲ್ಲಿ ಅವರು ಕಾಣಿಸಿಕೊಳ್ಳುತ್ತಿದ್ದಾರೆ. 'ಕುಸ್ತಿ' ದುನಿಯಾ ವಿಜಯ್ ನಟನೆ ಹಾಗೂ ನಿರ್ಮಾಣದ ಹೊಸ ಸಿನಿಮಾವಾಗಿದೆ.

ಮೂರು ನಟಿಯರ ಎಂಟ್ರಿ

'ಕುಸ್ತಿ' ಸಿನಿಮಾದ ಲೀಡ್ ಪಾತ್ರಕ್ಕೆ ಅಧಿತಿ ಪ್ರಭುದೇವಾ ಆಯ್ಕೆ ಆಗಿದ್ದಾರೆ. ದುನಿಯಾ ವಿಜಯ್ ಜೋಡಿಯಾಗಿ ಅವರು ಕಾಣಿಸಿಕೊಳ್ಳಲಿದ್ದಾರೆ. ಜೊತೆಗೆ ನಟಿ ಕಲ್ಯಾಣಿ ಸಿನಿಮಾದ ದ ಮುಖ್ಯ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಈಗ ನಟಿ ತ್ರಿವೇಣಿ ಕೂಡ ಚಿತ್ರತಂಡವನ್ನು ಸೇರಿಕೊಂಡಿದ್ದಾರೆ.

ಸಾಕಷ್ಟು ಬ್ಯುಸಿ ಇದ್ದಾರೆ ತ್ರಿವೇಣಿ

'ಬಾಹುಬಲಿ' ಸಿನಿಮಾದಲ್ಲಿ ಒಂದು ಪಾತ್ರ ಮಾಡಿದ್ದರೂ ನಟಿ ತ್ರಿವೇಣಿ ಅವರಿಗೆ 'ಟಗರು' ಸಿನಿಮಾದ ನಂತರ ದೊಡ್ಡ ದೊಡ್ಡ ಅವಕಾಶ ಸಿಕ್ಕಿತು. ಸದ್ಯ ಅವರು 'ಐ ಲವ್ ಯೂ', 'ರಾಜಮಾರ್ತಾಂಡ', 'ತಾಯಿಗೆ ತಕ್ಕ ಮಗ' ಸೇರಿದಂತೆ ಅನೇಕ ಸಿನಿಮಾಗಳಲ್ಲಿ ತೊಡಗಿದ್ದಾರೆ.

ಕುಸ್ತಿ ಸಿನಿಮಾದ ಬಗ್ಗೆ

'ಕುಸ್ತಿ' ಚಿತ್ರವನ್ನು ರಘು ಶಿವಮೊಗ್ಗ ನಿರ್ದೇಶನ ಮಾಡುತ್ತಿದ್ದು, ಈ ಚಿತ್ರದ ಮೂಲಕ ದುನಿಯಾ ವಿಜಯ್ ಅವರ ಪುತ್ರ ಸಾಮ್ರಾಟ್ ಕನ್ನಡ ಸಿನಿಮಾರಂಗಕ್ಕೆ ಕಾಲಿಡುತ್ತಿದ್ದಾರೆ. ಸಿನಿಮಾದ ಹೆಸರೇ ಹೇಳುವ ಹಾಗೆ ಇದು ಕುಸ್ತಿಯ ಮೇಲೆ ನಿಂತಿರುವ ಸಿನಿಮಾವಾಗಿದೆ. ಉಳಿದಂತೆ, ಮಾಸ್ತಿ ಸಿನಿಮಾಗೆ ಸಂಭಾಷಣೆ ಬರೆಯುತ್ತಿದ್ದಾರೆ.