ಡಾಲಿ 26ನೇ ಸಿನಿಮಾ: "ಕ್ವಾಲಿಟಿ ಬೇಕು, ಕ್ವಾಂಟಿಟಿ ಅಲ್ಲ".. "ದೊಡ್ಡ ಸಿನಿಮಾ ಮಾಡಿ ಚಿಕ್ಕದು ಬೇಡ"

ದೊಡ್ಡ ಸಿನಿಮಾ ಮಾಡಿ ಚಿಕ್ಕದು ಬೇಡ

ನಟ ಧನಂಜಯ್ ಟ್ವೀಟ್ ಮಾಡಿ ತಮ್ಮ 26ನೇ ಸಿನಿಂಆ ಅನೌನ್ಸ್ ಮಾಡುತ್ತಿದ್ದಂತೆ ಸಾಕಷ್ಟು ಜನ ಕಾಮೆಂಟ್ ಮಾಡಿ ಶುಭಾಶಯ ಕೋರುತ್ತಿದ್ದಾರೆ. ಆದರೆ ಕೆಲವರು ಸಲಹೆಗಳನ್ನು ಕೊಡುತ್ತಿದ್ದಾರೆ. "ದೊಡ್ಡ ಸಿನಿಮಾ ಮಾಡಿ. ಸಣ್ಣ ಚಿತ್ರಗಳಿಗೆ ಸಹಿ ಮಾಡುವುದುನ್ನು ನಿಲ್ಲಿಸಿ. 'ಹೆಡ್‌ಬುಷ್' ಹಾಗೂ 'ಹೊಯ್ಸಳ' ನೀವು ದೊಡ್ಡ ದೊಡ್ಡ ಸಿನಿಮಾಗಳನ್ನು ಮಾಡಬೇಕು ಎಂದಿದ್ದಾರೆ". ಇದಕ್ಕೆ ಪ್ರತಿಕ್ರಿಯಿಸಿರುವ ಧನಂಜಯ್ "ಅನೌನ್ಸ್‌ಮೆಂಟ್ ನೋಡಿ ನೀವು ದೊಡ್ಡದು ಚಿಕ್ಕದು ಎಂದು ಹೇಗೆ ನಿರ್ಧರಿಸುತ್ತೀರಾ?" ನಿಮ್ಮ ಕಾಳಜಿಗೆ ಧನ್ಯವಾದ" ಎಂದಿದ್ದಾರೆ.

ಕ್ವಾಲಿಟಿ ಸಿನಿಮಾ ಬೇಕು, ಕ್ವಾಂಟಿಟಿ ಅಲ್ಲ

ಮತ್ತೊಬ್ಬ ನೆಟ್ಟಿಗ ಕಾಮೆಂಟ್ ಮಾಡಿ "ಜಾಸ್ತಿ ಸಿನಿಮಾಗಳನ್ನು ಮಾಡ್ತಿದ್ದೀರಾ. ಕ್ವಾಲಿಟಿ ಇರುವ ಸಿನಿಮಾಗಳು ಬೇಕು. ಕ್ವಾಂಟಿಟಿ ಮುಖ್ಯ ಅಲ್ಲ" ಎಂದಿದ್ದಾರೆ. ಮತ್ತೊಬ್ಬರು ರೀಮೆಕ್ ಮಾಡಬೇಡಿ ಎಂದು ಮನವಿ ಮಾಡಿಕೊಂಡಿದ್ದಾರೆ. ಹೀಗೆ ಧನಂಜಯ್ ಟ್ವೀಟ್‌ಗೆ ತರಹೇವಾರಿ ಕಾಮೆಂಟ್‌ಗಳು ಬರ್ತಿದೆ.

ಸಖತ್ ಕಿಕ್ ಕೊಡಲಿದೆ ಸಿನಿಮಾ

ಕ್ರೈಂ ಥ್ರಿಲ್ಲರ್ ಜಾನರ್ ಸಿನಿಮಾ ಇದು ಎನ್ನಲಾಗ್ತಿದೆ. ಮಣಿಕಂಠನ್ ಕೃಷ್ಣಮಾಚಾರಿ ಸಿನಿಮಾಟೋಗ್ರಫಿ ಚಿತ್ರಕ್ಕಿದೆ. 'ಟಗರು' ಸಿನಿಮಾ ಖ್ಯಾತಿಯ ಸೆನ್ಸೇಷನಲ್ ಸಂಗೀತ ನಿರ್ದೇಶಕ ಚರಣ್‌ ರಾಜ್ ಈ ಚಿತ್ರಕ್ಕೆ ಟ್ಯೂನ್ ಹಾಕಲಿದ್ದಾರೆ. ವಿಶೇಷ ಅಂದರೆ ಧನಂಜಯ ಜೊತೆಗೆ ತೆಲುಗು ನಟ ಸತ್ಯದೇವ್ ಕೂಡ ಲೀಡ್ ರೋಲ್ ಪ್ಲೇ ಮಾಡ್ತಿದ್ದಾರೆ.

ಡಾಲಿ- ಸತ್ಯದೇವ್ ಇಬ್ಬರಿಗೂ 26ನೇ ಸಿನಿಮಾ

ಅಂದಹಾಗೆ ಪ್ರೊಡಕ್ಷನ್‌ ನಂ.1 ಮಲ್ಟಿಸ್ಟಾರರ್ ಸಿನಿಮಾ. ಧನಂಜಯ್ ಜೊತೆ ತೆಲುಗು ನಟ ಸತ್ಯದೇವ್ ಕೂಡ ನಟಿಸ್ತಿದ್ದಾರೆ. ವಿಶೇಷ ಅಂದರೆ ಇಬ್ಬರಿಗೂ ಇದು ತಮ್ಮ ಕರಿಯರ್‌ನ 26ನೇ ಸಿನಿಮಾ. ಎರಡು ಬೇರೆ ಬೇರೆ ಥೀಮ್‌ನಲ್ಲಿ ಪೋಸ್ಟರ್ ರಿಲೀಸ್‌ ಆಗಿದೆ. ತೆಲುಗು ಪೋಸ್ಟರ್‌ ಕೆಂಪು ಬಣ್ಣದಲ್ಲಿದ್ದು, ಕುದುರೆಯ ಚಿತ್ರವಿದೆ. ಕನ್ನಡ ಪೋಸ್ಟರ್‌ನಲ್ಲಿ ಗ್ರೇ ಥೀಮ್ ಹೈಲೆಟ್ ಆಗಿದೆ. ವಿಭಿನ್ನ ಪೋಸ್ಟರ್‌ಗಳ ಮೂಲಕ ಇಬ್ಬರ ಪಾತ್ರಗಳ ಬಗ್ಗೆ ಹಿಂಟ್ ಕೊಟ್ಟಿದೆ ಚಿತ್ರತಂಡ.