Don't Miss!
- Finance ಡಾ. ರಾಜ್ಕುಮಾರ್ ಜನ್ಮದಿನದಂದು ಹೊಸ ಉದ್ಯಮ ಆರಂಭಿಸಿದ ಅಶ್ವಿನಿ ಪುನೀತ್ ರಾಜ್ಕುಮಾರ್
- Lifestyle ಮಲೆನಾಡ ಶೈಲಿನ ಮೃದುವಾದ ಕಡುಬು ಮಾಡೋದು ಹೇಗೆ.? ಸಿಂಪಲ್ ತಿಂಡಿ ರೆಸಿಪಿ
- News Realme Narzo 70: ಭರ್ಜರಿ ಕ್ಯಾಮೆರಾ ಫೀಚರ್ಗಳೊಂದಿಗೆ ರಿಯಲ್ಮಿ ನಾರ್ಜೊ 70 ಗ್ರ್ಯಾಂಡ್ ಲಾಂಚ್
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಲವ್ ಮಾಕ್ಟೆಲ್ 2' ಟ್ರೇಲರ್: ನಿಧಿಮಾಳ ಮರೆತು ಮತ್ತೆ ಮದ್ವೆಗೆ ಆದಿ ರೆಡಿ!
ಕೆಲವು ದಿನಗಳ ಹಿಂದಷ್ಟೆ ನಟ, ನಿರ್ದೇಶಕ ಡಾರ್ಲಿಂಗ್ ಕೃಷ್ಣರ ಪತ್ನಿ ಮಿಲನಾ ನಾಗರಾಜ್ ಪತಿ ಮೇಲೆ ಜಗಳ ಮಾಡಿದ್ದು, 'ಲವ್ ಮಾಕ್ಟೆಲ್ 2' ಟ್ರೇಲರ್ ಯಾವಾಗ ಬಿಡುಗಡೆ ಮಾಡುತ್ತೀರೆಂದು. ಹೆಂಡತಿ ಕೋಪಕ್ಕೆ ಹೆದರಿ ಟ್ರೇಲರ್ ಬಿಡುಗಡೆ ಮಾಡಿದ್ದಾರೆ ಡಾರ್ಲಿಂಗ್ ಕೃಷ್ಣ.
2020ರಲ್ಲಿ ಬಿಡುಗಡೆ ಆಗಿದ್ದ 'ಲವ್ ಮಾಕ್ಟೆಲ್' ಸಿನಿಮಾ ಹಿಟ್ ಆಗಿತ್ತು. ಅದರಲ್ಲಿಯೂ ಒಟಿಟಿಯಲ್ಲಿ ದೊಡ್ಡ ಸಂಖ್ಯೆಯ ಜನ ಸಿನಿಮಾ ನೋಡಿ ಮೆಚ್ಚಿದ್ದರು. 2020ರಲ್ಲಿ ಬಿಡುಗಡೆ ಆಗಿದ್ದ 'ಲವ್ ಮಾಕ್ಟೆಲ್' ಸಿನಿಮಾದ ಮುಂದಿನ ಭಾಗವೇ 'ಲವ್ ಮಾಕ್ಟೆಲ್ 2'.
'ಲವ್ ಮಾಕ್ಟೆಲ್' ಸಿನಿಮಾದಲ್ಲಿ ನಾಯಕ ಆದಿ ಹಲವು ಪ್ರೇಮ ವೈಫಲ್ಯಗಳನ್ನು ಅನುಭವಿಸಿ ಕೊನೆಗೆ ನಿಧಿಮಾಳನ್ನು ವಿವಾಹವಾಗುತ್ತಾನೆ. ಆದರೆ ಅವನ ದುರಾದೃಷ್ಟಕ್ಕೆ ನಿಧಿಮಾ ಕ್ಯಾನ್ಸರ್ಗೆ ಬಲಿಯಾಗುತ್ತಾಳೆ. ಈ ಕತೆಯನ್ನು ಯುವತಿಯೊಬ್ಬಳಿಗೆ ಆದಿ ಹೇಳುತ್ತಿರುವಂತೆ ಸಿನಿಮಾ ಮುಗಿದಿತ್ತು.
ನಿಧಿಮಾಳನ್ನು ಕಳೆದುಕೊಳ್ಳುವ ಆದಿ ಮುಂದೇನು ಮಾಡುತ್ತಾನೆ ಎಂಬುದು 'ಲವ್ ಮಾಕ್ಟೆಲ್ 2' ಕತೆ. ಟ್ರೇಲರ್ನಲ್ಲಿರುವಂತೆ 'ಲವ್ ಮಾಕ್ಟೆಲ್' ಸಿನಿಮಾದಲ್ಲಿರುವ ಕೆಲವು ಮುಖ್ಯ ಪಾತ್ರಗಳು 'ಲವ್ ಮಾಕ್ಟೆಲ್ 2' ಸಿನಿಮಾದಲ್ಲಿಯೂ ಮುಂದುವರೆದಿವೆ.
ವಿಶೇಷವೆಂದರೆ 'ಲವ್ ಮಾಕ್ಟೆಲ್ 2' ಸಿನಿಮಾದಲ್ಲಿ ಆದಿ ಮತ್ತೊಮ್ಮೆ ಮದುವೆ ಆಗುವ ನಿಶ್ಚಯ ಮಾಡಿದ್ದಾನೆ. ಆದರೆ ಈ ಬಾರಿ ಯಾರನ್ನು ಮದುವೆ ಆಗುತ್ತಾನೆ ಎಂಬುದು ಕುತೂಹಲ. ಈ ಕುತೂಹಲ ತಣಿಯಲು ಸಿನಿಮಾವನ್ನೇ ನೋಡಬೇಕು.
'ಲವ್ ಮಾಕ್ಟೆಲ್ 2' ಟ್ರೇಲರ್ನಲ್ಲಿ ಸಾಕಷ್ಟು ಯುವತಿಯರು ಕಾಣಿಸಿಕೊಳ್ಳುತ್ತಾರೆ ಅವರಲ್ಲಿ ಯಾರನ್ನು ಆದಿ ವರಿಸುತ್ತಾನೆ ಎಂಬುದು ಕುತೂಹಲ. ಆದಿಯ ಮದುವೆ ವಿಷಯ ಪೊಲೀಸ್ ಠಾಣೆ ಮೆಟ್ಟಿಲೇರಿರುವ ದೃಶ್ಯವೂ ಟ್ರೇಲರ್ನಲ್ಲಿದೆ.
ಚಿತ್ರೀಕರಣ ನಡೆಸಿರುವ ಸುಂದರ ತಾಣಗಳು, ಹಿನ್ನೆಲೆ ಸಂಗೀತ ಟ್ರೇಲರ್ನಲ್ಲಿಯೇ ಗಮನ ಸೆಳೆಯುತ್ತಿದೆ. ಸಿನಿಮಾದ ಬಿಡುಗಡೆ ದಿನಾಂಕವನ್ನು ಚಿತ್ರತಂಡ ಇನ್ನೂ ಘೋಷಿಸಿಲ್ಲ. ಸಿನಿಮಾವನ್ನು ಡಾರ್ಲಿಂಗ್ ಕೃಷ್ಣ ನಿರ್ದೇಶನ ಮಾಡಿದ್ದು, ಡಾರ್ಲಿಂಗ್ ಕೃಷ್ಣ ಹಾಗೂ ಪತ್ನಿ ಮಿಲನಾ ನಾಗರಾಜ್ ಒಟ್ಟಾಗಿ ಬಂಡವಾಳ ಹೂಡಿದ್ದಾರೆ.