'ದರ್ಶನ್ 56' ಕುರಿತು ಹೊಸ ಅಪ್‌ಡೇಟ್ ಕೊಟ್ಟ ರಾಕ್‌ಲೈನ್; ಪೋಸ್ಟರ್ ಅಂದ್ರೆ ಇದು!

ದರ್ಶನ್ ಹುಟ್ಟುಹಬ್ಬಕ್ಕೆ ಟೈಟಲ್

ಚಿತ್ರಕ್ಕೆ ಬಂಡವಾಳ ಹೂಡಲಿರುವ ರಾಕ್‌ಲೈನ್ ಎಂಟರ್‌ಟೈನ್‌ಮೆಂಟ್ ತನ್ನ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಈ ಅಪ್‌ಡೇಟ್ ಅನ್ನು ನೀಡಿದ್ದು, ದರ್ಶನ್ ಹುಟ್ಟುಹಬ್ಬದ ಪ್ರಯುಕ್ತ ಅಂದರೆ ಇದೇ ಫೆಬ್ರವರಿ 16ಕ್ಕೆ ಚಿತ್ರದ ಟೈಟಲ್ ಏನೆಂಬುದು ರಿವೀಲ್ ಆಗಲಿದೆ ಎಂಬುದನ್ನು ಪ್ರಕಟಿಸಿದೆ.

ಪೋಸ್ಟರ್ ಅಂದ್ರೆ ಇದು!

ಇನ್ನು ದರ್ಶನ್ ನಟನೆಯ ಹಿಂದಿನ ಚಿತ್ರಗಳ ಪೋಸ್ಟರ್ ಕುರಿತಾಗಿ ಅವರ ಅಭಿಮಾನಿಗಳಲ್ಲಿಯೇ ಬೇಸರ ಇದ್ದದ್ದು ಬಹುತೇಕರಿಗೆ ತಿಳಿದಿರುವ ವಿಷಯವೇ. ಪೋಸ್ಟರ್ ಕ್ವಾಲಿಟಿ ಚೆನ್ನಾಗಿಲ್ಲ ಎಂದು ಟ್ವೀಟ್ ಮಾಡಿ ಆಕ್ರೋಶ ವ್ಯಕ್ತಪಡಿಸಿದ್ದೂ ಇದೆ. ಇನ್ನು ಸ್ಟಾರ್ ನಟನೋರ್ವನ ಚಿತ್ರದ ಪೋಸ್ಟರ್ ಎಂದರೆ ಹೇಗಿರಬೇಕು ಗೊತ್ತಾ ಎಂದು ಅಂದು ಕಿಡಿಕಾರಿದ್ದ ಅಭಿಮಾನಿಗಳು ಈಗ ಈ ಅಪ್‌ಡೇಟ್ ಪೋಸ್ಟರ್ ನೋಡಿ ಪೋಸ್ಟರ್ ಎಂದರೆ ಹೀಗಿರಬೇಕು ಎಂದಿದ್ದಾರೆ. ಕೇವಲ ಅಪ್‌ಡೇಟ್ ನೀಡುವುದಕ್ಕಾಗಿ ಬಿಡುಗಡೆ ಮಾಡಲಿರುವ ಪೋಸ್ಟರ್ ಸಖತ್ ಕ್ಯಾಚಿಯಾಗಿದ್ದು, ಚಿತ್ರದ ಉಳಿದ ಪೋಸ್ಟರ್‌ಗಳು ನೆಕ್ಸ್ಟ್ ಲೆವೆಲ್‌ನಲ್ಲಿ ಇರುವುದಂತೂ ಖಚಿತ. ಈ ಪೋಸ್ಟರ್‌ನಲ್ಲಿ D56 ಎಂದು ದೊಡ್ಡದಾಗಿ ಬರೆಯಲಾಗಿದ್ದು, ಪೋಸ್ಟರ್‌ನಲ್ಲಿ ಲಾಂಗ್ ಸೇರಿದಂತೆ ಹಲವು ಅಸ್ತ್ರಗಳು ಹಾಗೂ ಬೆಂಕಿ ಉರಿಯುತ್ತಿರುವುದು ಚಿತ್ರ ಹೋರಾಟವೊಂದರ ಕಥೆ ಹೊಂದಿರಲಿದೆ ಎಂಬುದನ್ನು ತಿಳಿಸುತ್ತಿದೆ.

ಚಿತ್ರದ ಟೈಟಲ್ ಏನು?

ಸದ್ಯ ಈ ಚಿತ್ರದ ಟೈಟಲ್ ಏನಿರಬಹುದು ಎಂಬ ಕುತೂಹಲ ಹಾಗೂ ಊಹೆ ಹೆಚ್ಚಾಗಿದ್ದು, ಕಾಟೇರ ಎಂದ ಈ ಚಿತ್ರಕ್ಕೆ ಹೆಸರಿಡಲಾಗಿದೆ ಎಂದು ಕೆಲ ದಿನಗಳಿಂದ ಹಿಂದೆ ಸುದ್ದಿ ಹಬ್ಬಿತ್ತು ಹಾಗೂ ಇತ್ತೀಚೆಗಿನ ಕೆಲ ದಿನಗಳ ಹಿಂದೆ ಈ ಚಿತ್ರದ ಹೆಸರು ಚೌಡಯ್ಯ ಅಂತೆ ಎಂದೂ ಸಹ ಸುದ್ದಿ ಹರಿದಾಡಿತ್ತು. ಈ ಎರಡರಲ್ಲಿ ಯಾವುದು ಚಿತ್ರದ ಟೈಟಲ್ ಅಥವಾ ಈ ಎರಡನ್ನು ಹೊರತುಪಡಿಸಿ ಬೇರೆ ಶೀರ್ಷಿಕೆ ಏನಾದರೂ ಇರಬಹುದಾ ಎಂಬ ಪ್ರಶ್ನೆಯೂ ಸಹ ಮೂಡಿದೆ.