'ದೊಡ್ಮನೆ ಹುಡುಗ'ನ ಬೆನ್ನಿಗೆ ನಿಂತಿರುವ 'ಯಜಮಾನ' ದರ್ಶನ್

ಸೂರಜ್ ಬೆನ್ನಿಗೆ ನಿಂತ ಡಿ ಬಾಸ್

ಪಾರ್ವತಮ್ಮ ರಾಜ್ ಕುಮಾರ್ ಸಹೋದರನ ಪುತ್ರ ಸೂರಜ್ ಗೆ ಬಾಕ್ಸ್ ಆಫೀಸ್ ಸುಲ್ತಾನ್ ದರ್ಶನ್ 'ಗಾಡ್ ಫಾದರ್'. ಹೀಗಂತ ಬೇರೆ ಯಾರು ಹೇಳುತ್ತಿಲ್ಲ. ಸ್ವತಃ ಸೂರಜ್ ಟಿವಿ ವಾಹಿನಿಯೊಂದರ ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾರೆ.

ದರ್ಶನ್ ಅವರನ್ನ ನೋಡಿ ಬೆಳೆದೆ

''ನನಗೆ ಬುದ್ದಿ ಬಂದಗಾನಿಂದಲೂ ದರ್ಶನ್ ಅವರನ್ನ ನೋಡುಕೊಂಡೇ ಬೆಳೆದೆ. ಮೊದಲಿನಿಂದಲೂ ನನಗೆ ಅವರು ಪರಿಚಯ. ನಾನು ಮೈಸೂರು, ಅವರು ಮೈಸೂರು''

ನನ್ನ ಸಿನಿವೃತ್ತಿಯಲ್ಲಿ ದರ್ಶನ್ ಸಲಹೆ ಮುಖ್ಯ

''ನನ್ನ ಪ್ರತಿಯೊಂದು ಹೆಜ್ಜೆಯಲ್ಲೂ ದರ್ಶನ್ ಅವರ ಸಲಹೆ ಇದ್ದೇ ಇರುತ್ತೆ. ಅವರ ಜೊತೆ ಎರಡು ಸಿನಿಮಾದಲ್ಲಿ ಕೆಲಸ ಮಾಡುವ ಅವಕಾಶ ಸಿಕ್ಕಿತ್ತು. ಅದು ನನ್ನ ಪುಣ್ಯ. ಅವರನ್ನ ನೋಡಿ ಕಲಿತಿದ್ದು ಹೆಚ್ಚಿದೆ''

'ಡಾ ರಾಜ್' ನನಗೆ ರೋಲ್ ಮಾಡೆಲ್

ಡಾ ರಾಜ್ ಕುಮಾರ್ ಅಂದ್ರೆ ಪಂಚಪ್ರಾಣ. ಅವರ ಪ್ರತಿಭೆ ಮತ್ತು ಅವರ ನಟನೆ ಮುಂದೆ ಯಾರು ಇಲ್ಲ. ಅವರನ್ನ ನೋಡಿ ಬೆಳದಿದ್ದೇನೆ. ಅವರೇ ನನಗೆ ರೋಲ್ ಮಾಡೆಲ್. ಶಿವಣ್ಣ ನನ್ನ ಫೇವರೆಟ್ ನಟ. ಯಾವಗಲೂ ಒಂದೇ ರೀತಿ ಇರ್ತಾರೆ. ರಾಘಣ್ಣನೂ ಅಷ್ಟೇ. ಅವರ ಮನೆಗೆ ಹೋದಾಗಲೂ ತುಂಬಾ ಫ್ರೆಂಡ್ಲಿ ಆಗಿ ಇರ್ತಾರೆ. ನನಗೆ ಆರ್ಶೀವಾದ ಕೂಡ ಮಾಡಿದ್ದಾರೆ.

ಪೂರ್ವ ತಯಾರಿ ಮಾಡ್ಕೊಂಡೆ ಬಂದಿದ್ದಾರೆ

ಸೂರಜ್ ಕುಮಾರ್ ಮೈಸೂರಿನಲ್ಲಿ ಡಿಗ್ರಿ ಮುಗಿಸಿ ಚಿತ್ರರಂಗಕ್ಕೆ ಬರುವ ತಯಾರಿಯನ್ನ ಮಾಡಿಕೊಂಡಿದ್ದಾರೆ. ನಿನಾಸಂ ನಲ್ಲಿ ಅಭಿನಯದ ತರಬೇತಿ ಪಡೆದುಕೊಂಡಿದ್ದು ಚೆನೈ ನಲ್ಲಿ ಡ್ಯಾನ್ಸ್ ಮತ್ತು ಫೈಟಿಂಗ್ ಟ್ರೈನಿಂಗ್ ಪಡೆದುಕೊಂಡಿದ್ದಾರೆ. ದರ್ಶನ್ ಅಭಿನಯದ 'ಐರಾವತ' ಹಾಗೂ 'ತಾರಕ್' ಸಿನಿಮಾಗಳಲ್ಲಿ ಸಹಾಯಕ ನಿರ್ದೇಶಕನಾಗಿ ಆಗಿ ಕೆಲಸ ಮಾಡಿದ್ದಾರೆ.