ದೇವರಾಜ್ ಹುಟ್ಟುಹಬ್ಬವನ್ನ ಆಚರಿಸಿದ ದರ್ಶನ್-ಪ್ರಜ್ವಲ್

ಅಪ್ಪನಿಗೆ ಶುಭಕೋರಿದ ಪ್ರಜ್ವಲ್

ದೇವರಾಜ್ ಅವರ ಹುಟ್ಟುಹಬ್ಬವನ್ನ ಸಂಭ್ರಮಿಸಿದ ಮಗ ಪ್ರಜ್ವಲ್ ದೇವರಾಜ್ ಅಪ್ಪನಿಗೆ ಶುಭಾಶಯ ತಿಳಿಸಿದ್ದಾರೆ. ಅಭಿಮಾನಿಗಳ ಜೊತೆ ಜನುಮದಿನ ಆಚರಿಸಿ, ಅಪ್ಪನಿಗೆ ತಾನೊಬ್ಬ ಅಭಿಮಾನಿಯಂತೆ ಕೇಕ್ ತಿನ್ನಿಸಿ ಸಂಭ್ರಮಿಸಿದ್ದಾರೆ.

ಅಪ್ಪ ನೀನೇ ದೇವರು....

''ನಿಮ್ಮ ಬಗ್ಗೆ ವಿವರಿಸಲು ಪದಗಳೇ ಇಲ್ಲ. ನಿಮಗೆ ಎಷ್ಟೇ ಧನ್ಯವಾದ, ಕೃತಜ್ಞತೆಗಳನ್ನ ಹೇಳಿದ್ರು ಕಮ್ಮಿಯೇ. ನೀವು ನನ್ನ ದೇವರು, ನನ್ನ ಶಕ್ತಿ, ನನ್ನ ಎಲ್ಲವೂ ನೀವೇ.. ಸದಾ ನಿಮ್ಮ ಮುಖದಲ್ಲಿ ನಗು ಮೂಡಿಸಲು ನಾನು ಪ್ರಯತ್ನ ಪಡುತ್ತೇನೆ....'' ಎಂದು ಹೃದಯಪೂರ್ವಕವಾಗಿ ಬರೆದುಕೊಂಡಿದ್ದಾರೆ.

'ಯಜಮಾನ'ನ ಜೊತೆ ಬರ್ತಡೇ

ಮತ್ತೊಂದೆಡೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರು ಕೂಡ ದೇವರಾಜ್ ಅವರ ಹುಟ್ಟುಹಬ್ಬವನ್ನ ಆಚರಿಸಿದ್ದಾರೆ. 'ಯಜಮಾನ' ಚಿತ್ರದ ಸೆಟ್ ನಲ್ಲಿ ಭಾಗಿಯಾಗಿದ್ದ ದೇವರಾಜ್ ಅವರಿಗೆ ಕೇಕ್ ತಿನ್ನಿಸಿ ಬರ್ತಡೇ ಸಲೆಬ್ರೇಟ್ ಮಾಡಿದ್ದಾರೆ ಡಿ ಬಾಸ್.

ದರ್ಶನ್ ಜೊತೆ ಅಭಿನಯ

ದರ್ಶನ್ ಮತ್ತು ದೇವರಾಜ್ ಅವರು ಉತ್ತಮ ಬಾಂಧವ್ಯ ಹೊಂದಿದ್ದಾರೆ. ಪ್ರಜ್ವಲ್ ದೇವರಾಜ್ ಅವರನ್ನ ಸಹೋದರನಂತೆ ಕಾಣುವ ಡಿ-ಬಾಸ್, ದೇವರಾಜ್ ಅವರಿಗೆ ಹೆಚ್ಚು ಗೌರವ ನೀಡ್ತಾರೆ. 'ತಾರಕ್' ಚಿತ್ರದಲ್ಲಿ ತಾತ-ಮೊಮ್ಮಗನಾಗಿ ಇವರಿಬ್ಬರ ಕಾಂಬಿನೇಷನ್ ಹಿಟ್ ಆಗಿತ್ತು. ಈಗ 'ಯಜಮಾನ' ಚಿತ್ರದಲ್ಲಿ ಇಬ್ಬರು ಒಟ್ಟಿಗೆ ಅಭಿನಯಿಸ್ತಿದ್ದಾರೆ. ಮುಂದೆ 'ಒಡೆಯ' ಚಿತ್ರದಲ್ಲೂ ದರ್ಶನ್ ಜೊತೆ ದೇವರಾಜ್ ಬಣ್ಣ ಹಚ್ಚುತ್ತಿದ್ದಾರೆ.