ಏಪ್ರಿಲ್ 9 ರ ಆಟ: ದರ್ಶನ್ ಗೆ ಎದುರು ಗೆಲ್ಲುತ್ತಾರಾ ವಿಜಯ್?

ದರ್ಶನ್-ವಿಜಯ್ ಸಿನಿಮಾ ನಡುವೆ ಪೈಪೋಟಿ

ಇತ್ತೀಚಿನ ದಿನಗಳಲ್ಲಿ ತಮಿಳು, ತೆಲುಗು ಭಾಷೆಯ ಚಿತ್ರಗಳಿಗೆ ಕರ್ನಾಟಕದಲ್ಲಿ ಹೆಚ್ಚಿನ ಚಿತ್ರಮಂದಿರಗಳು ಸಿಗುತ್ತಿರುವುದರಿಂದ ದರ್ಶನ್ ಮತ್ತು ವಿಜಯ್ ಸಿನಿಮಾ ನಡುವೆ ಪೈಪೋಟಿ ನಡೆಯುವುದಂತೂ ಗ್ಯಾರೆಂಟಿ.

ವಿಜಯ್‌ ಗೂ ಇದ್ದಾರೆ ಸಾಕಷ್ಟು ಅಭಿಮಾನಿಗಳು

ಕರ್ನಾಟಕದಲ್ಲಿ ದರ್ಶನ್ ಸಿನಿಮಾಗಳಿಗೆ ಸಿಗುವ ಓಪನಿಂಗ್ ಬೇರೆ ಭಾಷೆಯ ಸಿನಿಮಾಗಳಿಗೆ ದೊರಕುವುದು ಬಹುತೇಕ ಅಸಾಧ್ಯ. ಆದರೆ ವಿಜಯ್ ಗೆ ಕರ್ನಾಟಕದಲ್ಲಿ ಸಾಕಷ್ಟು ಅಭಿಮಾನಿಗಳು ಇರುವುದಂತೂ ಸುಳ್ಳಲ್ಲ.

ವಿಜಯ್ ಸಿನಿಮಾಗೆ ಹೆಚ್ಚಿನ ಚಿತ್ರಮಂದಿರಗಳು ಸಿಗುತ್ತಿವೆ

ವಿಜಯ್ ಸಿನಿಮಾಗಳು ಕರ್ನಾಟಕದಲ್ಲಿ ಹೆಚ್ಚಿನ ಥಿಯೇಟರ್‌ಗಳಲ್ಲಿ ತೆರೆ ಕಾಣುತ್ತಿವೆ. ಆದರೆ ಈ ಬಾರಿ ಎದುರಿಗೆ ದರ್ಶನ್ ಸಿನಿಮಾ ಇರುವ ಕಾರಣ, ಚಿತ್ರಮಂದಿರದ ಸಮಸ್ಯೆ ಮತ್ತೆ ಎದುರಾಗುವುದು ಪಕ್ಕಾ.

ತೆರೆಗೆ ಬರಲಿವೆ ಸಾಲು-ಸಾಲು ಚಿತ್ರಗಳು

ಏಪ್ರಿಲ್ 3 ರಂದು ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅವರ ಚಿತ್ರ ಚಿತ್ರಮಂದಿರಗಳಿಗೆ ಲಗ್ಗೆ ಇಡಲಿದೆ. ಏಪ್ರಿಲ್ ಒಂದತ್ತರಂದು ರಾಬರ್ಟ್ ತೆರೆಗೆ ದಾಂಗುಡಿ ಇಟ್ಟರೆ ನಂತರದ ಸರದಿ ಕೋಟಿಗೊಬ್ಬ 2. ಆ ನಂತರ ಧೃವ ಸರ್ಜಾ ನಟನೆಯ ಪೊಗರು ತೆರೆಗೆ ಅಪ್ಪಳಿಸಲಿದೆ. ಒಟ್ಟಿನಲ್ಲಿ ಏಪ್ರಿಲ್ ಕನ್ನಡ ಸಿನಿ ಪ್ರೇಮಿಗಳ ಪಾಲಿಗೆ ಹಬ್ಬ.