ದರ್ಶನ್ ಮನೆಗೆ ಮತ್ತೊಂದು ಕಾಸ್ಟ್ಲಿ ಕಾರ್: ಇನ್ನೊಬ್ಬ ನಟನ ಬಳಿಯೂ ಇದೆ ಈ ಕಾರು.!

ಡಿ-ಬಾಸ್ ಮನೆಗೆ ಬಂತು ಲಂಬೋರ್ಗಿನಿ ಕಾರು

ಡಿ ಬಾಸ್ ಬಳಿ ಈಗಾಗಲೇ ಲಂಬೋರ್ಗಿನಿ ಕಾರು ಒಂದಿದೆ. ಈಗ ಇನ್ನೊಂದು ಲಂಬೋರ್ಗಿನಿ ಕಾರನ್ನ ಖರೀದಿಸಿದ್ದಾರೆ. ಹೌದು, ಬಿಳಿ ಬಣ್ಣದ ಲಂಬೋರ್ಗಿನಿ ಅವೆಂಟೆಡರ್ ಇಟ್ಟುಕೊಂಡಿದ್ದ ದರ್ಶನ್ ಈಗ ಲಂಬೋರ್ಗಿನಿ ಉರುಸ್ ಕಾರು ಖರೀದಿ ಮಾಡಿದ್ದಾರೆ.

ಈ ಕಾರಿನೆ ಬೆಲೆ ಎಷ್ಟಿದೆ

ಅಂದ್ಹಾಗೆ, ಲಂಬೋರ್ಗಿನಿ ಅವೆಂಟೆಡರ್ 5 ಕೋಟಿ ಬೆಲೆ ಹೊಂದಿದೆ. ಈಗ ದರ್ಶನ್ ಖರೀದಿ ಮಾಡಿರುವ ಕಾರಿನ ಬೆಲೆ ಸುಮಾರು 3 ಕೋಟಿ. ಹಳದಿ ಬಣ್ಣ ಕಾರು ಈಗ ತೂಗುದೀಪ ನಿಲಯಕ್ಕೆ ಮತ್ತಷ್ಟು ಮೆರಗು ನೀಡಿದೆ.

ಮೈಸೂರು ರಸ್ತೆಯಲ್ಲಿ ಹೊಸ ಕಾರ್ ಶೋ

ಯಾವುದೇ ಕಾರು ಖರೀದಿಸಿರೂ ಮೈಸೂರಿನ ಚಾಮುಂಡಿ ಬೆಟ್ಟದಲ್ಲಿ ಪೂಜೆ ಮಾಡಿಸುವ ದರ್ಶನ್, ಹೊಸ ಕಾರಿಗೂ ದೇವಿ ದರ್ಶನ ಮಾಡಿಸಿ, ಪೂಜೆ ಮಾಡಿಸಿದ್ದಾರೆ. ನಂತರ ಮೈಸೂರು ರಸ್ತೆಯಲ್ಲಿ ಕಾರು ಡ್ರೈವ್ ಮಾಡಿ ಅಭಿಮಾನಿಗಳ ಕಣ್ಣಿಗೆ ಬಿದ್ದಿದ್ದಾರೆ.

ಡಿ ಬಾಸ್ ಕಾರಿನ ಜೊತೆ ಧನ್ವೀರ್

ಸಹಜವಾಗಿ ದರ್ಶನ್ ಹೊಸ ಕಾರು ಖರೀದಿಸಿದಾಗ ಕೆಲವು ಸ್ನೇಹಿತರು, ಆತ್ಮೀಯರು ಅವರ ಮನೆಗೆ ಹೋಗುವುದು ಸಾಮಾನ್ಯ. ಈಗ ಡಿ ಬಾಸ್ ಖರೀದಿ ಮಾಡಿರುವ ಹೊಸ ಕಾರಿನ ಬಳಿ ಡಿ ಬಾಸ್ ಜೊತೆ ಬಜಾರ್ ಖ್ಯಾತಿಯ ಧನ್ವೀರ್ ಫೋಟೋ ತೆಗೆಸಿಕೊಂಡಿದ್ದಾರೆ. ಈ ಫೋಟೋ ಕೂಡ ಈಗ ವೈರಲ್ ಆಗಿದೆ.

ಪುನೀತ್ ಬಳಿಯೂ ಈ ಕಾರಿದೆ

ಅಂದ್ಹಾಗೆ, ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಕೂಡ ಮಾರ್ಚ್ ತಿಂಗಳಲ್ಲಿ ಲಂಬೋರ್ಗಿನಿ ಉರುಸ್ ಕಾರು ಖರೀದಿ ಮಾಡಿದ್ದರು. ನೀಲಿ ಬಣ್ಣದ ಕಾರನ್ನ ಪುನೀತ್ ದಂಪತಿ ತೆಗೆದುಕೊಂಡಿದ್ದರು.

ಇಂಡಸ್ಟ್ರಿಯಲ್ಲಿ ಮೂವರ ಬಳಿ ಲಂಬೋರ್ಗಿನಿ

ಹಾಗ್ನೋಡಿದ್ರೆ ಲಂಬೋರ್ಗಿನಿ ಕಾರು ಇಂಡಸ್ಟ್ರಿಯಲ್ಲಿ ಮೂವರು ಬಳಿ ಇದೆ. ಸಿಎಂ ಕುಮಾರಸ್ವಾಮಿ ಮಗ ನಿಖಿಲ್ ಕುಮಾರ್, ಚಾಲೆಜಿಂಗ್ ಸ್ಟಾರ್ ದರ್ಶನ್ ಬಳಿ ಎರಡು ಹಾಗೂ ಪುನೀತ್ ಬಳಿ ಒಂದು ಲಂಬೋರ್ಗಿನಿ ಕಾರು ಹೊಂದಿದ್ದಾರೆ.

ದರ್ಶನ್ ಬಳಿ ಇರುವ ಕಾರುಗಳು

ದರ್ಶನ್ ಬಳಿ ಜಾಗ್ವಾರ್, Porsche, ಆಡಿ ಕ್ಯೂ 7, ಐ 20, ರೇಂಜ್ ರೋವರ್, ಫಾರ್ಚೂನರ್, ಬೆಂಜ್, ಮಿನಿ ಕೂಪರ್, ಹಮ್ಮರ್, ಲಂಬೋರ್ಗಿನಿ ಅಂತಹ ಕಾರುಗಳನ್ನ ದರ್ಶನ್ ಹೊಂದಿದ್ದರು.