ದರ್ಶನ್ ಮನೆ ಮುಂದೆ ಕಟೌಟ್ ಗಳ ದರ್ಬಾರ್

Recommended Video

ಚಾಲೆಂಜಿಂಗ್ ಸ್ಟಾರ್ ಬರ್ತಡೇಗೆ ಇನ್ನು ನಾಲ್ಕು ದಿನಗಳು ಬಾಕಿ ಇದೆ. ಅಭಿಮಾನಿಗಳು ದರ್ಶನ್ ಸಿನಿಮಾ ಬಿಡುಗಡೆ ಆಗುವ ಮುಂಚೆ ಥಿಯೇಟರ್ ನ ಸಿಂಗಾರ ಮಾಡು ರೀತಿಯಲ್ಲಿ ಚಾಲೆಂಜಿಂಗ್ ಸ್ಟಾರ್ ಮನೆ ಮುಂದೆ ಸಂಭ್ರಮಕ್ಕೆ ತಯಾರಿ ಮಾಡಿಕೊಂಡಿದ್ದಾರೆ.

ಸಾಮಾನ್ಯವಾಗಿ ಸ್ಟಾರ್ ಗಳ ಹುಟ್ಟುಹಬ್ಬ ಅಂದರೆ ವಿಶೇಷವಾದ ಕೇಕ್ ಮಾಡಿಸಿಕೊಂಡು ಬರುವುದು, ಉಡುಗೊರೆಗಳನ್ನ ಕೊಟ್ಟು ಫೋಟೋ ತೆಗಿಸಿಕೊಳ್ಳುವುದು . ಆದರೆ ಚಾಲೆಂಜಿಂಗ್ ಸ್ಟಾರ್ ಅವರ ಈ ಬಾರಿಯ ಹುಟ್ಟುಹಬ್ಬ ಮಾತ್ರ ಸ್ಪೆಷಲ್ ಆಗಿದೆ.

ಶುಕ್ರವಾರ ದರ್ಶನ್ ತಮ್ಮ ಹುಟ್ಟುಹಬ್ಬವನ್ನ ಅಭಿಮಾನಿಗಳ ಜೊತೆ ಆಚರಣೆ ಮಾಡಿಕೊಳ್ಳಲಿದ್ದಾರೆ. ಫ್ಯಾನ್ಸ್ ಇದೇ ಖುಷಿಯಲ್ಲಿ ಆರ್ ಆರ್ ನಗರದ ಡಿ ಬಾಸ್ ಮನೆ ಮುಂದೆ ಕಟೌಟ್ ನಿಲ್ಲಿಸಿ ಹಾರಗಳನ್ನ ಹಾಕಿದ್ದಾರೆ.

ಇನ್ನು ಕೆಲ ಅಭಿಮಾನಿಗಳು ಕಟೌಟ್ ಗೆ ಹಾಲಿನ ಅಭಿಷೇಕವನ್ನೂ ಮಾಡಿ ಮುಗಿಸಿದ್ದಾರೆ. ಒಟ್ಟಾರೆ ಈ ವರ್ಷದ ದರ್ಶನ್ ಬರ್ತಡೇಯನ್ನು ಎಲ್ಲರ ಮನಸ್ಸಿನಲ್ಲಿ ಉಳಿಯುವಂತೆ ಮಾಡುವುದೇ ಅಭಿಮಾನಿಗಳ ಉದ್ದೇಶ.