ದರ್ಶನ್ ಮಾತ್ರವಲ್ಲ ಇನ್ನು ಹಲವು ನಟರು ರಾಜಕೀಯಕ್ಕೆ ಬರ್ತಾರಂತೆ.!

'ಕೈ' ಹಿಡಿಯುತ್ತಾರಾ ದರ್ಶನ್?

ಅವರು, ಇವರು ಹೇಳುತ್ತಿರುವ ಪ್ರಕಾರ ನಟ ದರ್ಶನ್ ಕಾಂಗ್ರೆಸ್ ಪಕ್ಷವನ್ನ ಸೇರಲಿದ್ದಾರೆ ಎನ್ನಲಾಗುತ್ತಿದೆ. ಆದ್ರೆ, ಇದರ ಬಗ್ಗೆ ದರ್ಶನ್ ಆಗಲಿ, ಅವರ ಕುಟುಂಬಸ್ಥರಾಗಲಿ ಯಾವುದೇ ಮಾಹಿತಿ ನೀಡಿಲ್ಲ.

ರಾಜಕೀಯಕ್ಕೆ ದರ್ಶನ್ 'ಸೈ' ಅಂತಾರ?

ದರ್ಶನ್ ಅವರ ತಾಯಿ ಮೀನಾ ತೂಗುದೀಪ ಅವರು ಕಾಂಗ್ರೆಸ್ ಪಕ್ಷದಲ್ಲಿ ಇದ್ದಾರೆ. ಇದಕ್ಕು ಮುಂಚೆ ಅಂಬರೀಶ್, ಆನಂದ್ ಅಪ್ಪುಗೋಳ್ ಅವರ ಪರವಾಗಿ ದರ್ಶನ್ ಕ್ಯಾಂಪೈನ್ ಮಾಡಿದ್ದರು. ಹೀಗಾಗಿ, ದರ್ಶನ್ ರಾಜಕೀಯಕ್ಕೆ ಬರೋದು ಖಚಿತ ಎನ್ನಲಾಗುತ್ತಿದೆ. ಆದ್ರೆ, ಅಧಿಕೃತವಾಗಿ ಘೋಷಣೆ ಆಗುವವರೆಗೂ ಇದು ನಂಬಲು ಸಾಧ್ಯವಿಲ್ಲ.

'ಕಮಲ'ಕ್ಕೆ ದೇವರಾಜ್.!

ಕಳೆದ ಕೆಲ ದಿನಗಳಿಂದ ಡೈನಾಮಿಕ್ ಹೀರೋ ದೇವರಾಜ್ ಅವರು ಬಿಜೆಪಿ ಪಕ್ಷಕ್ಕೆ ಸೇರಲಿದ್ದಾರೆ ಎನ್ನುವ ಮಾತುಗಳು ಕೇಳಿ ಬರುತ್ತಿದೆ. ನಟಿ ಹಾಗೂ ಪರಿಷತ್ ಸದಸ್ಯೆ ತಾರಾ ಅವರು ದೇವರಾಜ್ ಅವರನ್ನ ಪಕ್ಷಕ್ಕೆ ಕರೆತರುವ ಹಾಡಿಯಲ್ಲಿದ್ದಾರೆ ಎನ್ನಲಾಗಿದೆ. ಇದು ಕೂಡ ಅಧಿಕೃತವಾಗಬೇಕಿದೆ.

ಯಶ್ ಮೇಲು ಇದೆ ಕಣ್ಣು

ಇನ್ನು ನಟನೆ ಜೊತೆ ಸ್ವತಂತ್ರವಾಗಿ ಜನಪರ ಕೆಲಸ ಮಾಡುತ್ತಿರುವ ರಾಕಿಂಗ್ ಸ್ಟಾರ್ ಯಶ್ ಅವರ ಮೇಲೆ ಕೂಡ ರಾಜಕಾರಣಿಗಳ ಕಣ್ಣು ಬಿದ್ದಿದೆ. ಯಶ್ ಅವರನ್ನ ಕೂಡ ರಾಜಕೀಯಕ್ಕೆ ಕರೆ ತರುವ ಯೋಚನೆ ಮಾಡುತ್ತಿದ್ದಾರೆ.

'ಪ್ರಜಾಕೀಯ' ಕಟ್ಟಿದ ಉಪೇಂದ್ರ

ಸಿನಿಮಾಗಳಲ್ಲಿ ಸದಾ ಡಿಫ್ರೆಂಟ್ ಎನಿಸಿಕೊಂಡಿದ್ದ ಉಪೇಂದ್ರ ಅವರು ಪ್ರಜಾನೀತಿ, ಪ್ರಜಾಕೀಯ, ಪ್ರಜಾಕಾರಣ ಎಂದು ಹೊಸ ಪಕ್ಷವನ್ನ ಕಟ್ಟಿದ್ದಾರೆ. ಈ ಪಕ್ಷಕ್ಕೆ ಹಲವು ಸಿನಿಮಾ ತಾರೆಯರು ಸೇರಿದಂತೆ ರಾಜಕೀಯ ಗಣ್ಯರು ಕೂಡ ಬೆಂಬಲ ವ್ಯಕ್ತಪಡಿಸಿದ್ದಾರೆ.

'ರಾಜಕೀಯ'ದಲ್ಲಿ ಶಿವಣ್ಣ, ಚೇತನ್ ಹೆಸರು ಇದೆ

ಇನ್ನುಳಿದಂತೆ ಶಿವರಾಜ್ ಕುಮಾರ್, ಆ ದಿನಗಳು ಖ್ಯಾತಿಯ ಚೇತನ್, ಗೋಲ್ಡನ್ ಸ್ಟಾರ್ ಗಣೇಶ್ ಅವರ ಹೆಸರುಗಳು ಕೂಡ ರಾಜಕೀಯ ರಂಗದಲ್ಲಿ ಚರ್ಚೆ ಆಗುತ್ತಿದೆ. ಆದ್ರೆ, ಯಾವ ಯಾವ ನಟರು ಸಿನಿಮಾ ಕ್ಷೇತ್ರದಿಂದ ಬಣ್ಣದ ಲೋಕಕ್ಕೆ ಜಿಗಿಯುತ್ತಾರೆ ಎಂಬುದನ್ನ ಕಾದುನೋಡಬೇಕಿದೆ.