ಚಿತ್ರದುರ್ಗದ ದರ್ಶನ್ ಅಭಿಮಾನಿಯ ಕೆಲಸಕ್ಕೆ 'ಡಿ' ಭಕ್ತರು ಖುಷಿಯೋ ಖುಷಿ

ದರ್ಶನ್ ಹೆಸರಲ್ಲಿ ಮನೆ ಕಟ್ಟಿದ ಅಭಿಮಾನಿ

ಅಭಿಮಾನ ಎನ್ನುವುದು ಹೇಗೆಲ್ಲಾ ಇರುತ್ತೆ ಎನ್ನುವುದಕ್ಕೆ ಇಲ್ಲೊಂದು ವಿಶೇಷ ನಿದರ್ಶನ ಸಿಕ್ಕಿದೆ. ಸ್ವಂತ ಮನೆ ಕಟ್ಟಬೇಕು ಎನ್ನುವುದು ಪ್ರತಿಯೊಬ್ಬ ವ್ಯಕ್ತಿಯ ಕನಸು. ಆ ಮನೆ ಕಟ್ಟಿದ ನಂತರ ಆ ಮನೆಗೆ ತಂದೆ-ತಾಯಿ ಅಥವಾ ದೇವರ ಹೆಸರು ಇಡುವುದು ಸಾಮಾನ್ಯ. ಆದ್ರೆ, ಇಲ್ಲೊಬ್ಬ ಅಭಿಮಾನಿ ತಾನು ಕಟ್ಟಿರುವ ಹೊಸ ಮನೆಗೆ ದರ್ಶನ್ ಹೆಸರಿಟ್ಟಿದ್ದಾರೆ.

'ಚಾಲೆಂಜಿಂಗ್ ಸ್ಟಾರ್' ನಿವಾಸ

ಚಿತ್ರದುರ್ಗದ ಯೋಗಿ ಎಂಬುವರು ತಮ್ಮ ಮನೆಗೆ 'ಚಾಲೆಂಜಿಂಗ್ ಸ್ಟಾರ್' ಎಂದು ನಾಮಕರಣ ಮಾಡಿದ್ದರು. ಈ ಫೋಟೋಗಳು ಈಗ ಸಾಮಾಜಿಕ ಜಾಲತಾಣದಲ್ಲಿ ಹೆಚ್ಚು ವೈರಲ್ ಆಗುತ್ತಿದೆ. ದರ್ಶನ್ ಅಭಿಮಾನಿಯ ಈ ಅಭಿಮಾನಕ್ಕೆ ಭಕ್ತಗಣ ಮೆಚ್ಚುಗೆ ವ್ಯಕ್ತಪಡಿಸುತ್ತಿದೆ.

'ಬಾಸ್' ಮನೆಗೆ ಗೃಹ ಪ್ರವೇಶ

ಇತ್ತೀಚಿಗಷ್ಟೆ ಈ ಮನೆಯ ಗೃಹ ಪ್ರವೇಶ ಕಾರ್ಯಕ್ರಮ ನಡೆದಿದೆ. ಈ ಮನೆ ಗ್ರೌಂಡ್ ಫ್ಲೋರ್ ಮತ್ತು ಫಸ್ಟ್ ಫ್ಲೋರ್ ಹೊಂದಿದೆ. ಯೋಗಿ ಎಂಬುವರು ದರ್ಶನ್ ಅವರ ಅಪ್ಪಟ ಅಭಿಮಾನಿಯಾಗಿದ್ದು, ದರ್ಶನ್ ನೆನಪಿಗಾಗಿ ಇಂತಹ ಕೆಲಸ ಮಾಡಿದ್ದಾರೆ.

ಅಭಿಮಾನಿಗೆ ಅಭಿಮಾನಿಗಳಾದ್ರು

ಇನ್ನು ಯೋಗಿ ಅವರ ಈ ಅಭಿಮಾನಕ್ಕೆ ಡಿ ಬಾಸ್ ಭಕ್ತು ಶುಭಾಶಯ ತಿಳಿಸಿ, ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಈ ಅಭಿಮಾನದ ಬಗ್ಗೆ ನೀವು ಕೂಡ ನಿಮ್ಮ ಅಭಿಪ್ರಾಯವನ್ನ ನಮ್ಮ ಕಾಮೆಂಟ್ ಬಾಕ್ಸ್ ನಲ್ಲಿ ಹಂಚಿಕೊಳ್ಳಬಹುದು.