ಅಂದು ದರ್ಶನ್ ಚಿತ್ರಕ್ಕೆ ರವಿ ಬೆಂಬಲ, ಇಂದು ರವಿ ಸಿನಿಮಾಗೆ ದಾಸ ಸಾಥ್

'ಅಯ್ಯ' ಸಿನಿಮಾಗೆ ರವಿ ಮ್ಯೂಸಿಕ್

ದರ್ಶನ್ ಹಾಗೂ ರಕ್ಷಿತಾ ಕಾಂಬಿನೇಶನ್ ನಲ್ಲಿ ಬಂದ 'ಅಯ್ಯ' ಸಿನಿಮಾ ಮ್ಯೂಸಿಕಲಿ ದೊಡ್ಡ ಹಿಟ್ ಆಗಿತ್ತು. ಈ ಸಿನಿಮಾಗೆ ಸಂಗೀತ ನೀಡಿದ್ದು, ರವಿಚಂದ್ರನ್. ಆ ವರೆಗೆ ತಮ್ಮ ಸಿನಿಮಾಗಳಿಗೆ ಮಾತ್ರ ಮ್ಯೂಸಿಕ್ ಮಾಡುತ್ತಿದ್ದ ರವಿಚಂದ್ರನ್ 'ಅಯ್ಯ' ಹಾಡುಗಳನ್ನು ನೀಡಿ ಸಿನಿಮಾದ ಗೆಲುವಿಗೆ ಕಾರಣರಾದರು.

ರವಿ ಸಿನಿಮಾಗೆ ದರ್ಶನ್ ಧ್ವನಿ

ಇದೀಗ ರವಿಚಂದ್ರನ್ ನಟನೆಯ 'ದಶರಥ' ಸಿನಿಮಾದ ಹಾಡಿಗೆ ದರ್ಶನ್ ಧ್ವನಿ ನೀಡಿದ್ದಾರೆ. ಇದು ಎಂ ಎಸ್ ರಮೇಶ್ ನಿರ್ದೇಶನದ ಸಿನಿಮಾವಾಗಿದೆ. ಚಿತ್ರದ ನಾಯಕನ ಪಾತ್ರವನ್ನು ದರ್ಶನ್ ವಿವರಿಸಲಿದ್ದಾರೆ. 'ಚಂದು' ಸಿನಿಮಾದ ನಟಿ ಸೋನಿಯಾ ಅಗರ್ವಾಲ್ ಈ ಚಿತ್ರದ ಮೂಲಕ ಕಮ್ ಬ್ಯಾಕ್ ಮಾಡಿದ್ದಾರೆ.

'ಕುರುಕ್ಷೇತ್ರ' ಸಿನಿಮಾದಲ್ಲಿ ಒಟ್ಟಿಗೆ ನಟನೆ

ರವಿಚಂದ್ರನ್ ಹಾಗೂ ದರ್ಶನ್ 'ಕುರುಕ್ಷೇತ್ರ' ಸಿನಿಮಾದಲ್ಲಿ ಒಟ್ಟಿಗೆ ನಟಿಸುತ್ತಿದ್ದಾರೆ. ಸಿನಿಮಾದಲ್ಲಿ ದರ್ಶನ್ ದುರ್ಯೋಧನ ಪಾತ್ರದಲ್ಲಿ ಹಾಗೂ ರವಿಚಂದ್ರನ್ ಕೃಷ್ಣನಾಗಿ ನಟಿಸುತ್ತಿದ್ದಾರೆ. 'ಕುರುಕ್ಷೇತ್ರ' ಬಹು ತಾರಾಗಣದ ಸಿನಿಮಾವಾಗಿದ್ದು, ಈ ಇಬ್ಬರು ನಟರು ಒಂದೇ ಸಿನಿಮಾದಲ್ಲಿ ನೋಡುವ ಅವಕಾಶ ಅಭಿಮಾನಿಗಳದ್ದಾಗಿದೆ.

'ಭರ್ಜರಿ' ಚಿತ್ರಕ್ಕೆ ಧ್ವನಿ ನೀಡಿದ್ದ ಡಿ ಬಾಸ್

ಈ ಹಿಂದೆ 'ಭರ್ಜರಿ' ಸಿನಿಮಾಗೆ ದರ್ಶನ್ ಧ್ವನಿ ನೀಡಿದ್ದರು. ಸಿನಿಮಾದ ನಿರೂಪಣೆಯನ್ನು ಡಿ ಬಾಸ್ ತಮ್ಮದೆ ಸ್ಟೈಲ್ ನಲ್ಲಿ ಮಾಡಿದ್ದರು. ಧ್ರುವ ಸರ್ಜಾ ಸಿನಿಮಾಗೆ ದರ್ಶನ್ ಧ್ವನಿ ಶಕ್ತಿ ತುಂಬಿತ್ತು. ಸಿನಿಮಾ ನೂರು ದಿನಗಳ ಯಶಸ್ವಿ ಪ್ರದರ್ಶನ ಕಂಡಿತ್ತು.