ಅಂಬಿ ಪುತ್ರ ಅಭಿಷೇಕ್ ಮತ್ತು 'ದೊಡ್ಮಗ' ದರ್ಶನ್ ಕೊಟ್ರು ಬ್ರೇಕಿಂಗ್ ನ್ಯೂಸ್

ಅಮರ್ ಚಿತ್ರದಲ್ಲಿ ದರ್ಶನ್.!

ಅಭಿಷೇಕ್ ನಟಿಸುತ್ತಿರುವ ಮೊದಲ ಸಿನಿಮಾದಲ್ಲಿ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅತಿಥಿ ಪಾತ್ರ ಮಾಡಲಿದ್ದಾರೆ ಎಂಬ ಸುದ್ದಿ ವೈರಲ್ ಆಗಿದೆ. ನಿಜಕ್ಕೂ ದರ್ಶನ್ ಎಂಟ್ರಿಯಾಗಿದ್ದಾರಾ? ಯಾವ ಪಾತ್ರ, ಎಷ್ಟು ನಿಮಿಷ ಇರ್ತಾರೆ ಎಂಬುದು ಈಗ ಕುತೂಹಲವಾಗಿದೆ.

ಶೂಟಿಂಗ್ ಮುಗಿಸಿದ್ರಾ ದಾಸ

ಇತ್ತೀಚಿಗಷ್ಟೆ ಅಮರ್ ಚಿತ್ರೀಕರಣದಲ್ಲಿ ದರ್ಶನ್ ಭಾವಹಿಸಿದ್ದಾರೆ ಎನ್ನಲಾಗಿದೆ. ಇದಕ್ಕೆ ಪುಷ್ಠಿ ನೀಡುವಂತೆ ಅಭಿಷೇಕ್ ಜೊತೆ ಕೂತು ದರ್ಶನ್ ಮೇಕಪ್ ಮಾಡಿಕೊಳ್ಳುತ್ತಿರುವ ವಿಡಿಯೋ ಬಹಿರಂಗವಾಗಿದೆ. ಅಲ್ಲಿಗೆ, ಅಮರ್ ಚಿತ್ರದಲ್ಲಿ ದರ್ಶನ್ ಆಕ್ಟ್ ಮಾಡಿರೋದು ಬಹುತೇಕ ಖಚಿತ ಎನ್ನಬಹುದು.

ಅಂಬಿ ಪುತ್ರನಿಗೆ ಸಿಕ್ತು ಡಿ ಬಾಸ್ ಬಲ

ಅಮರ್ ಚಿತ್ರದಲ್ಲಿ ಡಿ ಬಾಸ್ ಅಭಿನಯಿಸಿರುವುದರಿಂದ ಸಹಜವಾಗಿ ಈ ಚಿತ್ರಕ್ಕೆ ಮತ್ತಷ್ಟು ಶಕ್ತಿ ಸಿಕ್ಕಿದೆ. ಈಗ ದರ್ಶನ್ ಅಭಿಮಾನಿಗಳು ಅಮರ್ ಚಿತ್ರವನ್ನ ತಮ್ಮದೇ ಎಂದು ಸ್ವೀಕರಿಸ್ತಾರೆ.

ದರ್ಶನ್ ಜೊತೆ ಅಂಬರೀಶ್

ಹಾಗ್ನೋಡಿದ್ರೆ, ದರ್ಶನ್ ಅಭಿನಯಿಸಿದ್ದ ಹಲವು ಚಿತ್ರಗಳಲ್ಲಿ ರೆಬೆಲ್ ಸ್ಟಾರ್ ಅಂಬರೀಶ್ ಅತಿಥಿ ಮಾತ್ರ ಮಾಡಿದ್ದಾರೆ. ಮುಖ್ಯಪಾತ್ರವನ್ನ ನಿರ್ವಹಿಸಿದ್ದಾರೆ. ಅಣ್ಣಾವ್ರು, ಬುಲ್ ಬುಲ್, ಅಂಬರೀಶ್ ಅಂತಹ ಸಿನಿಮಾ ಅಂಬಿ ಮತ್ತು ದರ್ಶನ್ ಒಟ್ಟಿಗೆ ಅಭಿನಯಿಸಿದ್ದಾರೆ. ಈಗ ಅಂಬರೀಶ್ ಮಗನ ಜೊತೆ ದರ್ಶನ್ ಅಭಿನಯಿಸುವ ಮೂಲಕ ಅಂಬಿಯ ಅಭಿಮಾನವನ್ನ ಮೆರೆಯುತ್ತಿದ್ದಾರೆ.