ತಾರಕ್ ನಂತರ 'ದಿಟ್ಟ ನಿರ್ಧಾರ' ಕೈಗೊಂಡ ದರ್ಶನ್

65 ದಿನ ಮಾತ್ರ ಕಾಲ್ ಶೀಟ್

ಇನ್ಮುಂದೆ ಒಂದು ಚಿತ್ರಕ್ಕೆ ದರ್ಶನ್ ಅವರು ಕಾಲ್ ಶೀಟ್ ನೀಡುವುದು ಕೇವಲ 65 ದಿನ ಮಾತ್ರ. ಅಷ್ಟು ದಿನದೊಳಗೆ ಚಿತ್ರದ ಕಂಪ್ಲೀಟ್ ಶೂಟಿಂಗ್ ಮುಗಿಸಬೇಕು.

5 ದಿನ ಬೋನಸ್

ಒಂದು ವೇಳೆ 65 ದಿನದಲ್ಲಿ ಚಿತ್ರೀಕರಣ ಮುಗಿಯದಿದ್ದರೇ, ಇನ್ನು 5 ದಿನಗಳು ಹೆಚ್ಚವರಿಯಾಗಿ ಬೋನಸ್ ನೀಡಲಿದ್ದಾರೆ. ತದ ನಂತರ ಮುಗಿಸಲ್ಲ ಅಂದ್ರೆ, ಕಷ್ಟವಾಗಬಹುದು. ಅಲ್ಲಿಗೆ 70 ದಿನಗಳಿಗಿಂತ ಹೆಚ್ಚಾಗಿ ಡೇಟ್ಸ್ ಕೊಡಬಾರದು ಎಂಬ ತೀರ್ಮಾನಕ್ಕೆ ದರ್ಶನ್ ಬಂದಿದ್ದಾರೆ.

ಆ ನಂತರವೂ ಡೇಟ್ ಬೇಕಂದ್ರೆ ಫೈನ್ ಕಟ್ಟಬೇಕು

70 ದಿನಗಳ ನಂತರವೂ ಡೇಟ್ಸ್ ಬೇಕೆಂದರೆ ಹೆಚ್ಚುವರಿ ಫೈನ್ ಕಟ್ಟಬೇಕೆಂದು ಬದಲಿ ಐಡಿಯಾ ಕೊಟ್ಟಿದ್ದಾರೆ. ಅಂದ್ಹಾಗೆ, ದರ್ಶನ್ ಅವರ ಈ ನಿರ್ಧಾರ 'ತಾರಕ್' ಚಿತ್ರದಿಂದಲೇ ಜಾರಿಗೆ ಬಂದಿದೆಯಂತೆ.

64 ದಿನದಲ್ಲಿ ತಾರಕ್ ಕಂಪ್ಲೀಟ್

ಮಿಲನ ಪ್ರಕಾಶ್ ನಿರ್ದೇಶನದ 'ತಾರಕ್' ಸಿನಿಮಾ ಕೇವಲ 64 ದಿನದಲ್ಲಿ ಕಂಪ್ಲೀಟ್ ಆಗಿದೆಯಂತೆ. ನಿರ್ದೇಶಕ ಪ್ರಕಾಶ್ ಅವರು ಅಂದುಕೊಂಡಿದ್ದ ದಿನದಲ್ಲಿ ಚಿತ್ರೀಕರಣ ಮುಗಿಸಿದ ಮೇಲೆ ಇಂತಹದೊಂದು ನಿರ್ಧಾರಕ್ಕೆ ಬಂದಿದ್ದಾರೆ. ಪ್ರಕಾಶ್ ಅವರು ಮಾಡಿಕೊಂಡಿದ್ದ ಸಿದ್ಧತೆಗಳು ಹಾಗೂ ಅದರಂತೆ ಚಿತ್ರೀಕರಣ ಮುಗಿಸಿರುವ ಬಗ್ಗೆ ದರ್ಶನ್ ಸಂತಸ ವ್ಯಕ್ತಪಡಿಸಿದ್ದಾರೆ.