ಅಭಿಮಾನಿಗಳನ್ನ ಮನೆಗೆ ಕರೆಸಿ ಕಿವಿಮಾತು ಹೇಳಿದ ದಾಸ

ಅಭಿಮಾನಿಗಳಿಗೆ ಡಿ ಬಾಸ್ ಕಿವಿಮಾತು

ಚಾಲೆಂಜಿಂಗ್ ಸ್ಟಾರ್ ಅಭಿಮಾನಿಗಳನ್ನು ಮನೆಗೆ ಕರೆಸಿಕೊಂಡು ಷರತ್ತು ಹಾಕಿದ್ದಾರೆ. ದರ್ಶನ್ ಫ್ಯಾನ್ಸ್ ಪೇಜ್ ಗಳು ಹಾಗೂ ಅಭಿಮಾನಿ ಸಂಘಟನೆಯನ್ನು ನಡೆಸುವ ಅಭಿಮಾನಿಗಳನ್ನು ಕಳೆದ ಶನಿವಾರ ತಮ್ಮ ಮನೆಗೆ ಕರೆಸಿಕೊಂಡಿದ್ದರು.

ಫ್ಯಾನ್ಸ್ ಜೊತೆ ನೇರ ಮಾತು-ಕಥೆ

ಅಭಿಮಾನಿಗಳೊಂದಿಗೆ ನೇರವಾಗಿ ಮಾತನಾಡಿದ ದರ್ಶನ್, ಬೇರೆ ಯಾವುದೇ ನಟರ ವಿರುದ್ಧ ಕಮೆಂಟ್ ಮಾಡುವುದು, ಟ್ರೋಲ್ ಮಾಡೋದು ಅಥವಾ ಅಪಪ್ರಚಾರ ಹೇಳಿಕೆಗಳನ್ನು ನೀಡಬಾರದು ಎಂದು ಬುದ್ಧಿ ಮಾತು ಹೇಳಿದ್ದಾರಂತೆ.

ಫ್ಯಾರ್ ವಾರ್ ವಿಚಾರವಾಗಿ ಮಾತು

ಸ್ಯಾಂಡಲ್ ವುಡ್ ನಲ್ಲಿ ಕಳೆದ ಕೆಲವು ದಿನಗಳ ಹಿಂದೆಯಿಂದ ‘ಬಾಸ್` ಯಾರು ಎಂಬುದರ ಬಗ್ಗೆ ಕಳೆದ ಒಂದು ತಿಂಗಳಿನಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಚರ್ಚೆಗಳು ನಡೆಯುತ್ತಿವೆ. ಈ ಸಂಬಂಧ ನಟರ ಅಭಿಮಾನಿಗಳು ಬೇರೆ ಕಲಾವಿದರ ಬಗ್ಗೆ ಕೆಟ್ಟದಾಗಿ ಕಮೆಂಟ್, ಟ್ರೋಲ್ ಮಾಡತೊಡಗಿದ್ದರು. ಈ ಹಿನ್ನೆಲೆಯಲ್ಲಿ ಶನಿವಾರ ನಡೆದ ಸಭೆಯಲ್ಲಿ ತಮ್ಮ ಅಭಿಮಾನಿಗಳು ಶಿಸ್ತಿನಿಂದ ನಡೆದುಕೊಳ್ಳುವಂತೆ ಹೇಳಿದ್ದಾರೆ.

ಸಭೆಯಲ್ಲಿ ಅನೇಕ ಅಭಿಮಾನಿಗಳು

ಸಭೆಯಲ್ಲಿ 40ಕ್ಕೂ ಹೆಚ್ಚು ಅಭಿಮಾನಿ ಸಂಘಟನೆಯ ಹಾಗೂ ಫೇಸ್ ಬುಕ್ ಪೇಜ್ ನವರು ಭಾಗಿ ಆಗಿದ್ದರು. ದರ್ಶನ್ ಹೇಳಿದಂತೆ ಇನ್ನು ಮುಂದೆ ನಡೆದುಕೊಳ್ಳುವುದಾಗಿ ಅಭಿಮಾನಿಗಳು ತಿಳಿಸಿದ್ದಾರೆ.