ಚಾರ್ಲಿಯ ಹಳೆ ಗೆಳೆಯ ದರ್ಶನ್: ಸೋಶಿಯಲ್ ಮೀಡಿಯಾದಲ್ಲಿ ವಿಡಿಯೋ ವೈರಲ್!

ದರ್ಶನ್ ಹಳೆ ಗೆಳೆಯ 'ಚಾರ್ಲಿ'

ಚಾಲೆಂಜಿಂಗ್ ಸ್ಟಾರ್ ದರ್ಶನ್‌ಗೆ ಪ್ರಾಣಿಗಳೆಂದರೆ ಅದೆಷ್ಟು ಪ್ರೀತಿ ಅನ್ನುವುದು ಗೊತ್ತಿರುವ ವಿಚಾರವೇ. ಆದರೆ, ಚಾರ್ಲಿಗೂ ದರ್ಶನ್‌ಗೂ ಏನು ಸಂಬಂಧ ಅನ್ನುವ ಕುತೂಹಲ ಮೂಡದೆ ಇರುವುದಿಲ್ಲ. ಅಂದ್ಹಾಗೆ ಸೋಶಿಯಲ್ ಮೀಡಿಯಾದಲ್ಲಿ ಒಂದು ವಿಡಿಯೋ ಹರಿದಾಡುತ್ತಿದೆ. ಈ ವಿಡಿಯೋವನ್ನು ದರ್ಶನ್ ಅಭಿಮಾನಿಗಳು ಟ್ರೋಲ್ ಮಾಡುತ್ತಿದ್ದಾರೆ. ಚಾರ್ಲಿ ಚಾಲೆಂಜಿಂಗ್‌ಸ್ಟಾರ್ ದರ್ಶನ್ ಅವರ ಹಳೆಯ ಗೆಳೆಯ ಎಂದು ಹೇಳುತ್ತಿದ್ದಾರೆ.

ವೀಕೆಂಡ್ ಬಾಕ್ಸಾಫೀಸ್‌ನಲ್ಲಿ '777 ಚಾರ್ಲಿ' ಜೊತೆ ಗೆದ್ದು ಬೀಗಿದ ಸಿನಿಮಾಗಳ ಕಲೆಕ್ಷನ್ ಎಷ್ಟು?

ಶ್ವಾನದೊಂದಿಗೆ ದರ್ಶನ್ ಆಟ

ಹಲವು ವರ್ಷಗಳ ಹಿಂದೆ ವಿಡಿಯೋವೊಂದು ದರ್ಶನ್ ಅಭಿಮಾನಿಗಳಿಗೆ ಇಷ್ಟ ಆಗಿತ್ತು. ಅದೇ ವಿಡಿಯೋ ಈಗ ಮತ್ತೆ ಸೋಶಿಯಲ್ ಮೀಡಿಯಾದಲ್ಲಿ ಸದ್ದು ಮಾಡುತ್ತಿದೆ. '777 ಚಾರ್ಲಿ' ಸದ್ದು ಮಾಡುತ್ತಿರುವ ಬೆನ್ನಲ್ಲೇ ಹಳೆ ವಿಡಿಯೋ ಕೂಡ ಸದ್ದು ಮಾಡುತ್ತಿದೆ. ಐರಾವತ ಸಿನಿಮಾದ ಶೂಟಿಂಗ್ ವೇಳೆ ದರ್ಶನ್ ಶ್ವಾನಕ್ಕೆ ಪಾಠ ಹೇಳಿಕೊಟ್ಟ ವಿಡಿಯೋ ವೈರಲ್ ನಾಲ್ಕೈದು ವರ್ಷಗಳ ಹಿಂದೆನೇ ಸದ್ದು ಮಾಡಿತ್ತು. ಈ ಚಾರ್ಲಿ ಹವಾ ಹೆಚ್ಚಾದಂತೆ ಮತ್ತೆ ಈ ವಿಡಿಯೋ ವೈರಲ್ ಆಗುತ್ತಿದೆ.

ಶ್ವಾನಕ್ಕೆ ಚಾರ್ಲಿ ಬಿಸ್ಕೆಟ್

ಈ ವಿಡಿಯೋದಲ್ಲಿ ದರ್ಶನ್ ಚಾರ್ಲಿಯಂತಿರುವ ಶ್ವಾನಕ್ಕೆ ಬಿಸ್ಕೆಟ್ ತಿನ್ನಿಸುತ್ತಾ ಪಾಠ ಹೇಳಿಕೊಡುವ ವಿಡಿಯೋ ಅದು. ನಾಯಿಯೊಂದಿಗೆ ತಾನೂ ಕೆಲ ಹೊತ್ತು ಫ್ರಿಯಾಗಿ ಕಾಲ ಕಳೆದ ವಿಡಿಯೋ. ಶ್ವಾನಕ್ಕೆ ತಮಾಷೆ ಮಾಡುವ ದರ್ಶನ್ ವಿಡಿಯೋ ಕಂಡ ಫ್ಯಾನ್ಸ್ ಖುಷಿಯಾಗಿದ್ದಾರೆ. ಚಾರ್ಲಿಯನ್ನು ಚಾಲೆಂಜಿಂಗ್ ಸ್ಟಾರ್ ದರ್ಶನ್‌ನೊಂದಿಗೆ ಕನೆಕ್ಟ್ ಮಾಡುತ್ತಿದ್ದಾರೆ. ಇದೇ ವಿಡಿಯೋ ಈ ವೈರಲ್ ಆಗಿದೆ.

ರಕ್ಷಿತ್ ಶೆಟ್ಟಿಯ '777 ಚಾರ್ಲಿ' ನೋಡಿ ಶ್ವಾನ ಪ್ರಿಯೆ ರಮ್ಯಾ ಭಾವನಾತ್ಮಕವಾಗಿ ಹೇಳಿದ್ದೇನು?

ಚಾರ್ಲಿ 5ನೇ ದಿನದ ಕಲೆಕ್ಷನ್ ಎಷ್ಟು?

'777 ಚಾರ್ಲಿ' ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಕ್ಲಾಸಿ ಕಲೆಕ್ಷನ್ ಮಾಡುತ್ತಿದೆ. ಬಿಡುಗಡೆಯಾದ 5 ದಿನಗಳಲ್ಲಿ 4 ಕೋಟಿ ರೂ. ಲೂಟಿ ಮಾಡಿದ್ದು, ಸಿನಿಮಾ 32.7 ಕೋಟಿ ರೂ. ಗಳಿಸಿದೆ. ಬಾಲಿವುಡ್, ಟಾಲಿವುಡ್, ಕಾಲಿವುಡ್‌ನಲ್ಲೂ ಸಿನಿಮಾ ಬಗ್ಗೆ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಬಾಲಿವುಡ್‌ ನಿರ್ಮಾಪಕ ಬೋನಿ ಕಪೂರ್ ಕೂಡ '777 ಚಾರ್ಲಿ' ಸಿನಿಮಾ ನೋಡಿ ಮೆಚ್ಚಿಕೊಂಡಿದ್ದಾರೆ. ಈ ಕಾರಣಕ್ಕೆ ಸಿನಿಮಾ ಮುಂದಿನ ದಿನಗಳಲ್ಲಿ ಬಾಕ್ಸಾಫೀಸ್‌ನಲ್ಲಿ ಯಾವ ರೀತಿ ಪ್ರತಿಕ್ರಿಯೆ ನೋಡಿತ್ತೆ ಎನ್ನುವುದು ಕುತೂಹಲ ಕೆರಳಿಸಿದೆ.