ವಿಡಿಯೋ ವೈರಲ್: ಕುದುರೆ ಆರೈಕೆಯಲ್ಲಿ ಡಿ ಬಾಸ್ ದರ್ಶನ್

ತೋಟದ ಮನೆಯಲ್ಲಿ ದರ್ಶನ್

ದರ್ಶನ್ ಮೈಸೂರಿನ ತೋಟದ ಮನೆಯಲ್ಲಿ ಕಾಲಕಳೆಯುತ್ತಿದ್ದಾರೆ. ಚಿತ್ರೀಕರಣ ಇಲ್ಲದ ಕಾರಣ ದರ್ಶನ್ ತೋಟದ ಮನೆಯಲ್ಲಿಯೆ, ಪ್ರಾಣಿ ಪಕ್ಷಿಗಳ ಜೊತೆ ಇದ್ದಾರೆ. ನೆಚ್ಚಿನ ಪ್ರಾಣಿಗಳನ್ನು ಪ್ರೀತಿಯಿಂದ ಆರೈಕೆ ಮಾಡುತ್ತಿದ್ದಾರೆ. ದರ್ಶನ್ ಗೆ ಕುದುರೆ ಎಂದರೆ ತುಂಬ ಇಷ್ಟ. ಫಾರ್ಮ್ ಹೌಸ್ ನಲ್ಲಿ ಸಾಕಷ್ಟು ಕುದುರೆಗಳನ್ನು ಸಾಕಿದ್ದಾರೆ.

ಕುದುರೆ ಆರೈಕೆಯಲ್ಲಿ ದರ್ಶನ್

ದರ್ಶನ್ ತೋಟದ ಮನೆಯಲ್ಲಿರುವ ಕುದುರೆಗಳ ಆರೈಕೆ ಮಾಡುತ್ತಿದ್ದಾರೆ. ದರ್ಶನ್ ಮತ್ತು ತೋಟದ ಮನೆಯಲ್ಲಿರುವ ಸ್ನೇಹಿತರು ಕುದುರೆಯನ್ನು ಆರೈಕೆ ಮಾಡುತ್ತಿದ್ದಾರೆ. ಕುದುರೆ ಜೊತೆ ಕಾಲಕಳೆಯುತ್ತಿರುವ ದರ್ಶನ್ ವಿಡಿಯೋ ಎಲ್ಲಾ ಕಡೆ ಹರಿದಾಡುತ್ತಿದೆ. ದರ್ಶನ್ ಕುದುರೆ ಪ್ರೀತಿಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ.

ದರ್ಶನ್ ತೋಟದ ಮನೆಯಲ್ಲಿ ದೇವರಾಜ್

ಇತ್ತೀಚಿಗೆ ದೇವರಾಜ್ ಕುಟುಂಬ ದರ್ಶನ್ ಫಾರ್ಮ್ ಹೌಸ್ ನಲ್ಲಿ ಕಾಣಿಸಿಕೊಂಡು ಅಚ್ಚರಿ ಮೂಡಿಸಿದ್ದರು. ದೇವರಾಜ್ ಮತ್ತು ಮಕ್ಕಳು ಪ್ರಜ್ವಲ್ ಹಾಗೂ ಪ್ರಣವ್ ದೇವರಾಜ್ ಜೊತೆಗೆ ಯಶಸ್ ಸೂರ್ಯ ಮತ್ತು ಚಿಕ್ಕಣ್ಣ ತೋಟದ ಮನೆಗೆ ಭೇಟಿ ನೀಡಿದ್ದಾರೆ. ದೇವರಾಜ್ ಕುಟುಂಬದ ಜೊತೆ ಕಾಣಿಸಿಕೊಂಡಿರುವ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು.

ರಾಬರ್ಟ್ ಸಿನಿಮಾ ರಿಲೀಸ್ ಗೆ ರೆಡಿಯಾಗಿದೆ

ದರ್ಶನ್ ಅಭಿನಯದ ರಾಬರ್ಟ್ ಸಿನಿಮಾ ರಿಲೀಸ್ ಗೆ ರೆಡಿಯಾಗಿದ್ದು, ಭಾರಿ ನಿರೀಕ್ಷೆ ಮೂಡಿಸಿದೆ. ಅಂದುಕೊಂಡಂತೆ ಆಗಿದ್ದರೆ ಸಿನಿಮಾ ಈಗಾಗಲೆ ರಿಲೀಸ್ ಆಗಬೇಕಿತ್ತು. ಆದರೆ ಕೊರೊನಾ ಹಾವಳಿಯ ಪರಿಣಾಮ ಸಿನಿಮಾ ಮುಂದಕ್ಕೆ ಹೋಗಿದೆ. ಇನ್ನೂ ದರ್ಶನ್ ಮದಕರಿನಾಯಕ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಲಾಕ್ ಡೌನ್ ಮುಗಿಯುತ್ತಿದ್ದಂತೆ ದರ್ಶನ್ ಚಿತ್ರೀಕರಣಕ್ಕೆ ಹೊರಡುವ ಸಾಧ್ಯತೆ ಇದೆ.