ದರ್ಶನ್ 'ಲಂಬೋರ್ಗಿನಿ' ಮೇಲೆ ಆರ್.ಟಿ.ಓ ಕಣ್ಣು: ಕಾರಣ ಏನು?

ದರ್ಶನ್ ಕಾರಿನ ಸಂಖ್ಯೆ

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಖರೀದಿಸಿರುವ ಲಂಬೋರ್ಗಿನಿ ಕಾರಿನ ನೋಂದಣಿ ಸಂಖ್ಯೆ ಹೀಗಿದೆ. (PY01 CD 5008)....ಇದು ಪಾಂಡಿಚೇರಿ ನೋಂದಣಿ ಹೊಂದಿರುವ ಕಾರು.

ತೆರಿಗೆ ಕಡಿಮೆ

ಕರ್ನಾಟಕಕ್ಕೆ ಹೋಲಿಸಿಕೊಂಡ್ರೆ ಪುದುಚೇರಿಯಲ್ಲಿ ಕಡಿಮೆ ತೆರಿಗೆ ಹೊಂದಿದೆ. ಶೇಕಡಾ 20ರಷ್ಟು ತೆರಿಗೆ ಕಡಿಮೆ ಇರಲಿದೆ. ಹೀಗಾಗಿ, ಬಹುತೇಕ ದುಬಾರಿ ಕಾರುಗಳು ಇಲ್ಲಿಯೇ ನೋಂದಣಿ ಮಾಡಿಸುವ ಪ್ರಕ್ರಿಯೆ ದೇಶದಲ್ಲಿದೆ. ದರ್ಶನ್ ಕೊಂಡುಕೊಂಡಿರುವ ಕಾರಿನ ಬೆಲೆ ಸುಮಾರು 6 ಕೋಟಿ ಇದೆ ಎನ್ನಲಾಗಿದೆ.

ಯಾವುದೇ ಅಪರಾಧವಿಲ್ಲ

ಕರ್ನಾಟಕ ಬಿಟ್ಟು ಪುದುಚೇರಿಯಲ್ಲಿ ದರ್ಶನ್ ಕಾರಿನ ನೋಂದಣಿ ಮಾಡಿಸಿರುವುದು ಯಾವುದೇ ಅಪರಾಧವಿಲ್ಲ. ಒಂದು ವೇಳೆ ಒಂದು ವರ್ಷಕ್ಕಿಂತ ಹೆಚ್ಚು ಕಾಲ ಬೇರೆ ನೋಂದಣಿ ವಾಹನ ಕರ್ನಾಟಕದಲ್ಲಿ ಸಂಚರಿಸಿದ್ರೆ, ಸ್ಥಳೀಯ ಆರ್.ಟಿ.ಓ ದಲ್ಲಿ ದಂಡ ಕಟ್ಟಬೇಕಾಗುತ್ತೆ. ಹೀಗಾಗಿ, ಲಂಬೋರ್ಗಿನಿ ಕಾರಿನ ಮೇಲೆ ಆರ್.ಟಿ.ಓ ಅಧಿಕಾರಿಗಳು ಗಮನವಿಟ್ಟಿದ್ದಾರೆ.

ಅಮಲಾ ಮೇಲೆ ಕೇಸ್ ದಾಖಲಾಗಿತ್ತು

ಈ ಹಿಂದೆ ಬಹುಭಾಷಾ ನಟಿ ಅಮಲಾ ಪೌಲ್ ಮತ್ತು ಫಾವದ್ ಫಾಸಿಲ್ ತಮ್ಮ ದುಬಾರಿ ಕಾರ್ ನ್ನ ತೆರಿಗೆಯಿಂದ ತಪ್ಪಿಸಿಕೊಳ್ಳಲು ಪುದುಚೇರಿಯಲ್ಲಿ ನೋಂದಣಿ ಮಾಡಿಸಿದ್ದರು. ಇಬ್ಬರ ವಿರುದ್ಧ ಪ್ರಕರಣ ಕೂಡ ದಾಖಲಾಗಿತ್ತು.