ರಾಮನ ಕಥೆ ಕಂಡು ಧನ್ಯನಾದ ಚಾಲೆಂಜಿಂಗ್ ಸ್ಟಾರ್

ರಾಮನನ್ನು ಕಂಡು ಧನ್ಯರಾದ ಡಿ ಬಾಸ್

ಸಂತ ಕವಿ ಕನಕದಾಸರ ಜೀವನ ಸಾಧನೆ ಆಧಾರಿತ ರಾಮಧಾನ್ಯ ಚಿತ್ರಕ್ಕೆ ದರ್ಶನ್ ಹಿನ್ನಲೆ ಧ್ವನಿ ನೀಡಿದ್ದಾರೆ. ನಟ ಯಶಸ್ ಸೂರ್ಯ ಸಿನಿಮಾದಲ್ಲಿ ನಾಯಕನಾಗಿ ಅಭಿನಯ ಮಾಡಿದ್ದು ಪೌರಾಣಿಕ, ಐತಿಹಾಸಿಕ ಹಾಗೂ ಸಾಮಾಜಿಕ ಮೂರು ಕಥೆಯನ್ನು ಹೊಂದಿರುವ ಚಿತ್ರವಾಗಿದೆ.

ಕನಕದಾಸರ ಆಶಯ ಡಿ ಬಾಸ್ ಧ್ವನಿಯಲ್ಲಿ

ರಾಮಧಾನ್ಯ ಚಿತ್ರ ಶುರುವಾಗುವ ಮೊದಲು ಮತ್ತು ಚಿತ್ರದ ಕೊನೆಯಲ್ಲಿ ಕನಕದಾಸರ ಆಶಯವನ್ನು ಡಿ ಬಾಸ್ ಧ್ವನಿಯಲ್ಲಿ ಕೇಳಬಹುದಾಗಿದೆ. ಚಿತ್ರ ನೋಡುವ ಪ್ರೇಕ್ಷಕರಿಗೆ ದಾಸ ಆಶಯವನ್ನು ತಿಳಿಸಿ ಹೇಳಲಿದ್ದಾರೆ ದರ್ಶನ್.

ಉತ್ತಮ ಪ್ರಯತ್ನಕ್ಕೆ ಬೆಂಬಲ ನೀಡಿ

ಸಿನಿಮಾಗೆ ಧ್ವನಿ ನೀಡಿದ ನಂತರ ಚಿತ್ರದ ಬಗ್ಗೆ ಮಾತನಾಡಿರುವ ದರ್ಶನ್ ರಾಮಧಾನ್ಯ ಚಿತ್ರ ಇದೇ ತಿಂಗಳು ಬಿಡುಗಡೆ ಆಗುತ್ತಿದೆ. ಹೊಸ ರೀತಿಯ ಹಾಗೂ ಒಳ್ಳೆ ಪ್ರಯತ್ನಗಳಿಗೆ ಅವಕಾಶ ನೀಡಿ ಎಂದು ಸ್ನೇಹಿತನಿಗಾಗಿ ಮನವಿ ಮಾಡಿದ್ದಾರೆ.

ಕುತೂಹಲ ಮೂಡಿಸಿರುವ ರಾಮಧ್ಯಾನ

ರಾಮಧ್ಯಾನ ಸಿನಿಮಾವನ್ನ ದಶಮುಖ ವೆಂಚರ್ಸ್ ನಿರ್ಮಾಣ ಮಾಡಿದ್ದು ಟಿ ಎನ್ ನಾಗೇಶ ನಿರ್ದೇಶನ ಮಾಡಿದ್ದಾರೆ. ಬೆನಕರಾಜು ಕ್ಯಾಮೆರಾ ವರ್ಕ್ ಇರುವ ಚಿತ್ರಕ್ಕೆ ವೀರ್ ಸಮರ್ಥ್ ಅವರ ಸಂಗೀತ ನಿರ್ದೇಶನವಿದೆ . ಇನ್ನು ತಾರಾಗಣದಲ್ಲಿ ಯಶಸ್ ಸೂರ್ಯ, ನಿಮಿಕ ರತ್ನಾಕರ್, ಮಂಡ್ಯ ರಮೇಶ್, ಶಿವರಾಂ, ಅರುಣಾ ಬಾಲರಾಜ್ ಇನ್ನು ಅನೇಕರು ಅಭಿನಯಿಸಿದ್ದಾರೆ. ಇದೇ ತಿಂಗಳ 25 ರಂದು ಸಿನಿಮಾ ರಾಜ್ಯಾದ್ಯಂತ ಬಿಡುಗಡೆ ಆಗುತ್ತಿದೆ.