'ಮದಕರಿ ನಾಯಕ' ಚಿತ್ರದ ಬಗ್ಗೆ ಸುದೀಪ್ ಹೇಳಿದ್ದನ್ನೇ ದರ್ಶನ್ ಹೇಳಿದ್ರಂತೆ.!

ಯಾರೂ ಬೇಕಾದರು ಮಾಡಬಹುದು

''ಒಂದೇ ವಿಷಯ, ಒಬ್ಬನೇ ವ್ಯಕ್ತಿಯ ಮೇಲೆ ಈಗಾಗಲೇ ಒಂದಕ್ಕಿಂತ ಹೆಚ್ಚು ಸಿನಿಮಾಗಳು ತೆರೆಕಂಡ ಉದಾಹರಣೆಗಳಿವೆ. ನಾನೊಬ್ಬನೇ ಮದಕರಿ ನಾಯಕನ ಪಾತ್ರ ನಿರ್ವಹಿಸಬೇಕು ಎಂಬುದು ಎಷ್ಟು ಸರಿ? ಆತ ಕರ್ನಾಟಕದ ವೀರಪುತ್ರ. ಅವರ ಬಗ್ಗೆ ಸಿನಿಮಾ ಯಾರಾದರೂ ಮಾಡಬಹುದು'' ಎಂದು ಸುದೀಪ್ ಹೇಳಿದ್ದರು.

ನಮ್ಮ ಚಿತ್ರಕ್ಕೆ ಅಡ್ಡಿಯಿಲ್ಲ

''ನಾನು ಮತ್ತು ನನ್ನ ತಂಡವು ಮಾಡ ಹೊರಟಿರುವ ಚಿತ್ರಕ್ಕೆ ಇದು ಅಡ್ಡಿಯಾಗುವುದಿಲ್ಲ. ಇದು ನಮ್ಮ ಕನಸೂ ಕೂಡಾ. ಇದು ಬರೀ ನನ್ನೊಬ್ಬನ ಕನಸಲ್ಲ. ಇಡೀ ತಂಡದ ಕನಸನ್ನು ನಾನು ಭಗ್ನಗೊಳಿಸಲು ಇಚ್ಛಿಸುವುದಿಲ್ಲ. ಇದರ ಬದಲಿಗೆ ಮಾಡಿ ಮಡಿಯುವುದೇ ಮೇಲು. ನಾನೂ ಒಬ್ಬ ಮದಕರಿ'' ಎಂದು ಕಿಚ್ಚ ಸ್ಪಷ್ಟಪಡಿಸಿದ್ದಾರೆ.

ದರ್ಶನ್ ಮನಸ್ಸಿನಲ್ಲೂ ಅದೇ ಭಾವನೆ

ಇನ್ನು ಈ ವಿಚಾರದ ಬಗ್ಗೆ ದರ್ಶನ್ ಕೂಡ ಮಾತನಾಡಿದ್ದು, ''ಅವರು ಒಬ್ಬ ನಾಯಕನನ್ನ ಬಿಂಬಿಸುತ್ತಾರೆ. ನಾವು ಒಬ್ಬ ನಾಯಕನನ್ನ ಬಿಂಬಿಸುತ್ತಾರೆ. ಇಬ್ಬರು ಆರೋಗ್ಯವಾಗಿ ತೆಗೆದುಕೊಳ್ಳೋಣ. ಅವರ ಚಿತ್ರವನ್ನ ಅವರು ಮಾಡಲಿ, ನಾವು ನಮ್ಮ ಚಿತ್ರವನ್ನ ನಾವು ಮಾಡೋಣ'' ಎಂದಿದ್ದಾರೆ ಎಂದು ನಿರ್ಮಾಪಕ ರಾಕ್ ಲೈನ್ ವೆಂಕಟೇಶ್ ತಿಳಿಸಿದ್ದಾರೆ.

'ಕುರುಕ್ಷೇತ್ರ' ಗೆಟಪ್ ನೋಡಿ ದರ್ಶನ್ ಆಯ್ಕೆ

ಇನ್ನು 'ಮದಕರಿ ನಾಯಕ'ನ ಕುರಿತು ಸಿನಿಮಾ ಮಾಡಬೇಕೆಂದು ಸಂಶೋಧನೆ ಮಾಡುವಾಗ, ಹೀರೋ ಯಾರು ಎಂದು ಊಹಿಸಿರಲಿಲ್ಲ. 'ಕುರುಕ್ಷೇತ್ರ' ಸಿನಿಮಾದ ಗೆಟಪ್ ನೋಡಿದ ಮೇಲೆ ದರ್ಶನ್ ಸೂಕ್ತ ಎಂಬ ನಿರ್ಧಾರಕ್ಕೆ ಬಂದೆ ಎಂದು ನಿರ್ಮಾಪಕ ರಾಕ್ ಲೈನ್ ವೆಂಕಟೇಶ್ ಹೇಳಿಕೊಂಡಿದ್ದಾರೆ.

'ಕುರುಕ್ಷೇತ್ರ' ಸೆಟ್ ನಲ್ಲಿ ಒಪ್ಪಿಗೆ

ನಂತರ ಈ ವಿಷ್ಯವನ್ನ ದರ್ಶನ್ ಅವರ ಬಳಿ ಹೇಳಿದೆ. ಆಗ ಅವರು ಕುರುಕ್ಷೇತ್ರ ಸೆಟ್ ನಲ್ಲಿದ್ದರು. ದೊಡ್ಡಣ್ಣ, ಶ್ರೀನಿವಾಸ್ ಮೂರ್ತಿ ಅವರು ಇದ್ದರು. ದರ್ಶನ್ ಕೂಡ ಮಾಡೋಣ ಅಣ್ಣಾ....ನಿಮ್ಮ ಜೊತೆ ಸಿನಿಮಾ ಮಾಡೋ ಅವಕಾಶ ಬಿಡೋಕಾಗುತ್ತಾ ಎಂದು ಒಪ್ಪಿಕೊಂಡರು ಎಂದು ರಾಕ್ ಲೈನ್ ಹೇಳಿದ್ದಾರೆ.