ಸುದೀಪ್ ಮನೆಯಲ್ಲಿ ಈಗಲೂ ದರ್ಶನ್ ಫೋಟೋ ಇದೆಯಂತೆ.!

ಎಲ್ಲೂ ಬಿಟ್ಟುಕೊಟ್ಟಿಲ್ಲ ಸುದೀಪ್-ದರ್ಶನ್

ಇಬ್ಬರ ನಡುವೆ ಮನಸ್ತಾಪ ಉಂಟಾದ ಮೇಲೂ, ಒಬ್ಬರನ್ನ ಒಬ್ಬರು ಬಿಟ್ಟುಕೊಟ್ಟಿಲ್ಲ. ದರ್ಶನ್ ಟ್ವೀಟ್ ಮಾಡಿದ್ದು ಬಿಟ್ಟರೇ ಅದಾದ ಬಳಿಕ ಸುದೀಪ್ ಬಗ್ಗೆ ಏನೂ ಮಾತಾಡಿಲ್ಲ. ಅದೇ ರೀತಿ ಸುದೀಪ್ ಕೂಡ ಇದುವರೆಗೂ ದರ್ಶನ್ ಬಗ್ಗೆ ಆಗಲಿ ಅಥವಾ ಅವರಿಬ್ಬರ ಸ್ನೇಹದಲ್ಲಿ ಮೂಡಿರುವ ಬಿರುಕಿಗೆ ಕಾರಣವೇನು ಎಂಬುದರ ಬಗ್ಗೆ ನೆಗಿಟೀವ್ ಆಗಿ ಚರ್ಚೆ ಮಾಡೇ ಇಲ್ಲ. ದರ್ಶನ್ ನನ್ನ ಒಳ್ಳೆಯ ಫ್ರೆಂಡ್ ಎಂದೇ ಹೇಳಿದ್ದಾರೆ.

ಸುದೀಪ್ ಮನೆಯಲ್ಲಿ ದರ್ಶನ್ ಫೋಟೋ ಇದೆ

ದರ್ಶನ್ ಮತ್ತು ಸುದೀಪ್ ನಡುವೆ ಅದ್ಯಾವುದೋ ಕಾರಣಕ್ಕೆ, ಅದೇನೋ ಆಗೋಗಿದೆ ಎನ್ನುವುದಾದರೇ ಒಬ್ಬರ ಮುಖ ಇನ್ನೊಬ್ಬರು ನೋಡುತ್ತಿರಲಿಲ್ಲ. ಬಟ್, ಹಾಗೆ ಆಗಿಲ್ಲ. ಯಾರಿಗೂ ಗೊತ್ತಿಲ್ಲದೇ ವಿಷ್ಯ ಅಂದ್ರೆ, ಸುದೀಪ್ ಮನೆಯಲ್ಲಿ ಈಗಲೂ ದರ್ಶನ್ ಅವರ ಫೋಟೋ ಇದೆಯಂತೆ. ಮನೆಗೆ ಹೋದವರಿಗೆ ಸುದೀಪ್ ಮತ್ತು ದರ್ಶನ್ ಒಟ್ಟಿಗೆ ಇರುವ ಫೋಟೋ ಕಾಣಿಸುತ್ತೆ.

ದಿಗ್ಗಜರ ಫೋಟೋ ಇದೆ

ಅಂದ್ಹಾಗೆ, ಸುದೀಪ್ ಮನೆಯಲ್ಲಿ ಚಿತ್ರರಂಗಕ್ಕೆ ಸಂಬಂಧಪಟ್ಟಂತೆ ಹಲವು ದಿಗ್ಗಜರ ಫೋಟೋ ಇದೆ. ಅದಕ್ಕಾಗಿ ಒಂದು ವಿಶೇಷ ಸ್ಥಾನವಿದೆ. ರಾಜ್, ವಿಷ್ಣು, ಶಂಕರ್ ನಾಗ್, ಅನಂತ್ ನಾಗ್, ಶಿವರಾಜ್ ಕುಮಾರ್ ಹೀಗೆ ಬಹುತೇಕರ ಫೋಟೋ ಇದೆ. ಆದ್ರೆ, ಸುದೀಪ್ ಮತ್ತು ದರ್ಶನ್ ಫೋಟೋ ಕೂಡ ಇನ್ನೊಂದು ಕಡೆ ಇದೆ ಎಂದು ಇತ್ತೀಚಿಗಷ್ಟೆ ಸಂದರ್ಶನವೊಂದರಲ್ಲಿ ಬಹಿರಂಗವಾಯಿತು.

'ಮದಕರಿ' ಚಿತ್ರವನ್ನ ಕೈಬಿಡಲು ಕಾರಣ ಬಿಚ್ಚಿಟ್ಟ ಸುದೀಪ್

ದರ್ಶನ್ ಮನೆಯಲ್ಲೂ ಇರಬಹುದು?

ಸುದೀಪ್ ಮನೆಯಲ್ಲಿ ಹೇಗೆ ದರ್ಶನ್ ಫೋಟೋ ಇದೆಯೋ ಅದೇ ರೀತಿ ದರ್ಶನ್ ಅವರ ಮನೆಯಲ್ಲೂ ಸೇಮ್ ಫೋಟೋ ಇರಬಹುದು. ಇರುತ್ತೆ ಎಂಬ ನಂಬಿಕೆ ಅಭಿಮಾನಿಗಳದ್ದು.

ಸಮಯ ಬರಬೇಕು

ಇಬ್ಬರು ಒಟ್ಟಿಗೆ ಯಾವಾಗ ಕಾಣಿಸಿಕೊಳ್ಳುತ್ತೀರಾ ಎಂದು ಸುದೀಪ್ ಅವರನ್ನ ಕೇಳಿದ್ರೆ, ''ಮನಸ್ತಾಪಕ್ಕೆ ಕಾರಣವೇನು ಎಂಬುದೇ ನನಗೆ ಗೊತ್ತಿಲ್ಲ. ಗೊತ್ತಾದ್ರೆ ಮಾತಾಡಬಹುದು, ಅದನ್ನ ಹೊರತು ನಮ್ಮಿಬ್ಬರ ಮಧ್ಯೆ ಏನೂ ಆಗಿಲ್ಲ. ಇಷ್ಟವಿಲ್ಲದ ಸ್ನೇಹವನ್ನ ಬಲವಂತವಾಗಿ ಮಾಡುವುದು ಕಷ್ಟ'' ಎಂದು ಹೇಳಿದ್ದಾರೆ. ಬಟ್, ಇದೆಕ್ಕೆಲ್ಲಾ ಸಮಯ ಬರಬೇಕು. ಆ ಸಮಯ ಬಂದಾಗ ಇಬ್ಬರು ಒಟ್ಟಿಗೆ ಕಾಣಿಸಿಕೊಳ್ಳುತ್ತಾರೆ, ಒಟ್ಟಿಗೆ ಸಿನಿಮಾನೂ ಮಾಡ್ತಾರೆ.