ಸೆಟ್ಟೇರಿತು ಡಿ ಬಾಸ್ ಅಭಿನಯದ 51ನೇ ಚಿತ್ರ

ದರ್ಶನ್ ಸಿನಿಮಾ ಮಹೂರ್ತ ಸಮಾರಂಭ

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ 51 ನೇ ಚಿತ್ರದ ಮಹೂರ್ತ ಸಮಾರಂಭ ನಡೆದಿದೆ. ಸಿಂಪಲ್ ಆಗಿ ಸಂಕ್ರಾಂತಿ ಹಬ್ಬದ ವಿಶೇಷವಾಗಿ ನಗರದ ಚಂದ್ರಲೇಔಟ್ ನಲ್ಲಿರುವ ಗಣಪತಿ ದೇವಸ್ಥಾನದಲ್ಲಿ ಚಿತ್ರದ ಪೂಜೆ ಮಾಡಿ ಮುಗಿಸಿ ಚಿತ್ರತಂಡ.

ಚಾಲೆಂಜಿಂಗ್ ಸ್ಟಾರ್ ಜೊತೆ ಕರ್ನಾಟಕ ಕ್ರಶ್

ಇದೇ ಮೊದಲ ಬಾರಿಗೆ ಚಾಲೆಂಜಿಂಗ್ ಸ್ಟಾರ್ ಜೊತೆ ರಶ್ಮಿಕಾ ಮಂದಣ್ಣ ನಾಯಕಿಯಾಗಿ ಅಭಿನಯಿಸುತ್ತಿದ್ದಾರೆ. ರಚಿತಾ, ರಶ್ಮಿಕಾ ಇಬ್ಬರಲ್ಲಿ ಯಾರು ನಾಯಕಿ ಆಗುತ್ತಾರೆ ಎನ್ನುವ ಗೊಂದಲ ಬಗೆಹರಿದಿದೆ. ಮಹೂರ್ತ ಪೂಜೆಯಲ್ಲಿ ರಶ್ಮಿಕಾ ಕೂಡ ಭಾಗಿ ಆಗಿದ್ದಾರೆ.

ದರ್ಶನ್ ಚಿತ್ರಕ್ಕೆ ಶ್ರೀಶ ಕ್ಯಾಮೆರಾ ವರ್ಕ್

ಪಿ ಕುಮಾರ್ ದರ್ಶನ್ ಹಾಗೂ ರಶ್ಮಿಕಾ ಮಂದಣ್ಣ ಅಭಿನಯದ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ಭರ್ಜರಿ ಸಿನಿಮಾ ಖ್ಯಾತಿಯ ಕ್ಯಾಮೆರಾ ಮ್ಯಾನ್ ಶ್ರೀಶ ಕೂದುವಳ್ಳಿ ಚಿತ್ರಕ್ಕೆ ಸಿನಿಮಾಟೋಗ್ರಾಫ್ ಮಾಡಲಿದ್ದಾರೆ. ಹರಿಕೃಷ್ಣ ಮ್ಯೂಸಿಕ್ ಮ್ಯಾಜಿಕ್ ಚಿತ್ರಕ್ಕಿರಲಿದೆ.

ಪಕ್ಕಾ ಕಮರ್ಷಿಯಲ್ ಸಿನಿಮಾ

ಮಹೂರ್ತ ಮುಗಿಸಿರುವ ಸಿನಿಮಾತಂಡ ಫೆಬ್ರವರಿಯಲ್ಲಿ ಚಿತ್ರೀಕರಣ ಶುರು ಮಾಡಲಿದೆ. ಒಂದೇ ಶೆಡ್ಯೂಲ್ ನಲ್ಲಿ ಶೂಟಿಂಗ್ ಪ್ಲಾನ್ ಮಾಡಲಿದ್ದು ದರ್ಶನ್ ಅಭಿನಯದ ಮತ್ತೊಂದು ಕಮರ್ಷಿಯಲ್ ಚಿತ್ರದ ಇದಾಗಲಿದೆ.