ದರ್ಶನ್ ಹುಟ್ಟುಹಬ್ಬಕ್ಕೆ ಈ ಬಾರಿ ಎಲ್ಲವೂ ಸ್ಪೆಷಲ್

ಅಭಿಮಾನಿಗಳಿಂದ ಡಿ ಉತ್ಸವ

ಇದೇ ಮೊದಲ ಬಾರಿಗೆ ಕನ್ನಡ ಸಿನಿಮಾರಂಗದಲ್ಲಿ ನಟರೊಬ್ಬರ ಹುಟ್ಟುಹಬ್ಬವನ್ನ ಉತ್ಸವದ ರೀತಿಯಲ್ಲಿ ಆಚರಣೆ ಮಾಡಲು ಸಿದ್ದತೆ ಮಾಡಿಕೊಳ್ಳಲಾಗಿದೆ. ರಾಜ್ಯದ ಎಲ್ಲಾ ಅಭಿಮಾನಿ ಸಂಘಟನೆಗಳು ಡಿ ಉತ್ಸವದಲ್ಲಿ ಭಾಗಿ ಆಗಲಿದ್ದಾರೆ.

ಡಿ ಉತ್ಸವದ ಪೋಸ್ಟರ್ ಬಿಡುಗಡೆ

ಡಿ ಉತ್ಸವದ ಆಯೋಜನೆಯನ್ನ ಡಿ ಕಂಪನಿ ಫ್ಯಾನ್ಸ್ ಅಸೋಸಿಯೇಷನ್ ವಹಿಸಿಕೊಂಡಿದೆ. ಡಿ ಉತ್ಸವಕ್ಕಾಗಿ ದರ್ಶನ್ ಅವರ ವಿಭಿನ್ನವಾದ ಪೋಸ್ಟರ್ ಬಿಡುಗಡೆ ಮಾಡಲು ಸಿದ್ದತೆ ಮಾಡಿಕೊಳ್ಳಲಾಗಿದೆ.

ಹುಟ್ಟುಹಬ್ಬಕ್ಕಾಗಿ ಡ್ರಸ್ ಕೋಡ್

ದರ್ಶನ್ ಹುಟ್ಟುಹಬ್ಬ ತುಂಬಾ ಸಂಭ್ರಮದಿಂದ ನಡೆಸುವುದರ ಜೊತೆಯಲ್ಲಿ ಶಿಸ್ತು ಪಾಲಿಸುವುದು ಅಭಿಮಾನಿಗಳ ಉದ್ದೇಶ. ದರ್ಶನ್ ಅಭಿಮಾನಿಗಳು ಒಂದೇ ಡ್ರಸ್ ಕೋಡ್ ನಲ್ಲಿ ಹುಟ್ಟುಹಬ್ಬದಂದು ಕಾಣಿಸಿಕೊಳ್ಳಲಿದ್ದಾರೆ.

ಹೊಸ ಬಿರುದು ಪಡೆದುಕೊಂಡ ದರ್ಶನ್

ಸಿನಿ ಬದುಕಿನಲ್ಲಿ 50 ಚಿತ್ರಗಳನ್ನ ಪೂರೈಸಿರುವ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರಿಗೆ ಈಗ ಹೊಸ ಬಿರುದು ನೀಡಲಾಗುತ್ತಿದೆ. ದರ್ಶನ್ ಗೆ ಕಲೆಗೆ ಬೆಲೆ ನೀಡುತ್ತಿರುವ ಫ್ಯಾನ್ಸ್ 'ಕಲಾ ಸಾರ್ವಭೌಮ' ಎಂದು ಕರೆಯಲು ನಿರ್ಧರಿಸಿದ್ದಾರೆ. ಗಿರಿನಗರದ ಕರುನಾಡ ಕಲಾದೀಪ ದರ್ಶನ್ ತೂಗುದೀಪ ಅಭಿಮಾನಿಗಳ ಸಂಘ, 'ಕಲಾ ಸಾರ್ವಭೌಮ' ಎಂಬ ಬಿರುದು ನೀಡಿ ಸನ್ಮಾನಿಸಲು ನಿರ್ಧರಿಸಿದೆ.