ನಟ ದರ್ಶನ್+ ಡೈರೆಕ್ಟರ್ ಸೂರಿ= ಪ್ಯಾನ್ ಇಂಡಿಯಾ ಮೂವಿ!

ಸೂರಿ ನಿರ್ದೇಶನದಲ್ಲಿ ದರ್ಶನ್ ಪ್ಯಾನ್ ಇಂಡಿಯಾ ಸಿನಿಮಾ!

ನಟ ದರ್ಶನ್ ಮತ್ತು ದುನಿಯಾ ಸೂರಿ ಜೊತೆಯಾಗಿ ಸಿನಿಮಾ ಮಾಡುತ್ತಾರೆ ಎನ್ನುವ ಬಗ್ಗೆ ಹಲವು ಬಾರಿ ಸುದ್ದಿ ಆಗಿದೆ. ಆದರೆ ಬಹುತೇಕ ಸ್ಕ್ರಿಪ್ಟ್ ಓಕೆ ಆಗಿ ಲಾಕ್ ಆಗಿದೆ ಎನ್ನಲಾಗಿದೆ. ಇವರಿಬ್ಬರ ಕಾಂಬಿನೇಶನ್‌ನಲ್ಲಿ ಸಿನಿಮಾ ಬರುತ್ತೆ ಎನ್ನುವ ಸುದ್ದಿಯೇ ಕ್ರೇಜ್ ಹುಟ್ಟು ಹಾಕುತ್ತೆ. ಸುಕ್ಕಾ ಸೂರಿ, ಮಾಸ್ ನಟ ದರ್ಶನ್ ಒಂದಾದರೆ ಸಿನಿಮಾ ಮತ್ತೊಂದು ರೇಂಜಿಗೆ ಇರುತ್ತೆ ಎನ್ನುವುದರಲ್ಲಿ ಎರಡು ಮಾತಿಲ್ಲ. ದರ್ಶನ್‌ಗಾಗಿ ಸೂರಿ ಮಾಡುತ್ತಿರುವ ಸಿನಿಮಾ ಪ್ಯಾನ್ ಇಂಡಿಯಾ ಸಿನಿಮಾ ಆಗಿರಲಿದೆಯಂತೆ.

ಟೈಟಲ್ 'ಕದನ ವಿರಾಮ'!

ಇನ್ನು ಈ ಚಿತ್ರಕ್ಕೆ ಟೈಟಲ್ ಕೂಡ ಫಿಕ್ಸ್ ಆಗಿದೆ ಎನ್ನಲಾಗುತ್ತಿದೆ. ಸೂರಿ ಮತ್ತು ದರ್ಶನ್ ಮುಂದಿನ ಚಿತ್ರಕ್ಕೆ 'ಕದನ ವಿರಾ' ಎನ್ನುವ ಟೈಟಲ್ ಫಿಕ್ಸ್ ಆಗಿದ್ದರ ಬಗ್ಗೆ ಸುದ್ದಿ ಹರಿದಾಡುತ್ತಾ ಇದೆ. ಈ ಟೈಟಲ್‌ಗೆ ತಕ್ಕ ಹಾಗೆ ಸಿನಿಮಾ ಮಾಸ್ ಫೀಲ್‌ನಲ್ಲಿ ಇರಲಿದೆಯಂತೆ. ಆದರೆ ಈ ಬಗ್ಗೆ ಸೂರಿ ಅಥವಾ ಸಿನಿಮಾ ತಂಡವೇ ಉತ್ತರ ನೀಡಬೇಕು.

'ಕ್ರಾಂತಿ' ಚಿತ್ರದಲ್ಲಿ ದರ್ಶನ್ ಬ್ಯುಸಿ!

ಸದ್ಯ ನಟ ದರ್ಶನ್ ಕ್ರಾಂತಿ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ರಾಬರ್ಟ್ ಬಳಿಕ ಕೊರೊನಾ ಕಾರಣಕ್ಕೆ ದರ್ಶನ್ ರವರ ಯಾವುದೇ ಸಿನಿಮಾ ಬಂದಿಲ್ಲ. ಹಾಗಾಗಿ ಈಗ ಸಾಲು-ಸಾಲು ಸಿನಿಮಾ ಮಾಡಲು ದರ್ಶನ್ ಮುಂದಾಗಿದ್ದಾರೆ. 'ಕ್ರಾಂತಿ' ಚಿತ್ರೀಕರಣ ವೇಗವಾಗಿ ನಡೆಯುತ್ತಿದ್ದು, ಸದ್ಯದಲ್ಲೇ ಶೂಟಿಂಗ್ ಮುಗಿಯಲಿದೆ. ದರ್ಶನ್ ಜೊತೆಗೆ ನಟಿ ರಚಿತಾ ರಾಮ್ ಕಾಣಿಸಿಕೊಂಡಿದ್ದಾರೆ.

ದರ್ಶನ್ 'ಗೋಲ್ಡ್ ರಿಂಗ್' ಸಿನಿಮಾ ಕಥೆ ಏನು?

ಕಳೆದ ಬಾರಿ ದರ್ಶನ್ ಹುಟ್ಟುಹಬ್ಬಕ್ಕೆ ಹಲವು ಸಿನಿಮಾಗಳು ಅನೌನ್ಸ್ ಆಗಿವೆ. ಅದರಲ್ಲಿ 'ಗೋಲ್ಡ್‌ ರಿಂಗ್' ಸಿನಿಮಾ ಕೂಡ ಒಂದು. 'ಗೋಲ್ಡ್ ರಿಂಗ್' ಸಿನಿಮಾದಲ್ಲಿ ನಟ ದರ್ಶನ್ ನೇವಿ ಆಫಿಸರ್ ಆಗಿ ಕಾಣಸಿಕೊಳ್ಳಲಿದ್ದಾರೆ. ಆದರೆ ಈ ಸಿನಿಮಾ ಯಾವಾಗ ಸೆಟ್ಟೇರಲಿದೆ ಎನ್ನುವುದನ್ನು ನೋಡಬೇಕಿದೆ. ಇದರ ಜೊತೆಗೆ 'ರಾಜ ವೀರಮದಕರಿ ನಾಯಕ' ಸಿನಿಮಾದ ಶೂಟಿಂಗ್ ಆರಂಭ ಆಗಿತ್ತು. ಆದರೆ ಅದು ಕೂಡ ನಿಂತು ಬಿಟ್ಟಿದೆ.