D55: 'ಯಜಮಾನ' ಭೇಟಿ ಮಾಡಿದ ಶೈಲಜಾ ನಾಗ್: ಸಿಕ್ಕ ಸುಳಿವು ಏನು?

D55 ಆರಂಭಕ್ಕೆ ತಯಾರಿ

'ಯಜಮಾನ' ಸಿನಿಮಾದ ಸಕ್ಸಸ್ ಆದ ಬೆನ್ನಲ್ಲೇ ನಿರ್ಮಾಪಕಿ ಶೈಲಜಾ ನಾಗ್ ಅವರ ಜೊತೆ ಇನ್ನೊಂದು ಚಿತ್ರ ಮಾಡ್ತೇನೆ ಎಂದು ನಟ ದರ್ಶನ್ ಘೋಷಿಸಿದ್ದರು. ಈ ಸಿನಿಮಾ ಯಾವಾಗ ಎನ್ನುವುದಕ್ಕೆ ಈಗ ಬಹಿರಂಗವಾಗಿರುವ ಫೋಟೋ ಉತ್ತರವಾಗಿದೆ. ಬಹುಶಃ ಸಿನಿಮಾದ ಸ್ಕ್ರಿಪ್ಟ್ ಕೆಲಸ ಮುಗಿಸಿರುವ ನಿರ್ಮಾಪಕಿ, ಡಿ ಬಾಸ್ ಭೇಟಿ ಮಾಡಿ ಮುಂದಿನ ಹಂತದ ಮಾತುಕತೆ ನಡೆಸಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ.

ಹರಿಕೃಷ್ಣ ನಿರ್ದೇಶನ

ದರ್ಶನ್-ಶೈಲಜಾ ನಾಗ್ ಕಾಂಬಿನೇಷನ್‌ನಲ್ಲಿ ಮೂಡಿ ಬರಲಿರುವ ಹೊಸ ಚಿತ್ರಕ್ಕೆ ಹರಿಕೃಷ್ಣ ಅವರೇ ಸಾರಥಿಯಾಗಲಿದ್ದಾರೆ. ಏಕಂದ್ರೆ, ಈ ಹಿಂದೆ ಯಜಮಾನ ಸಿನಿಮಾ ನಿರ್ದೇಶನದ ಅನುಭವ ಮತ್ತು ಯಶಸ್ಸಿನ ಕಾಂಬಿನೇಷನ್ ಮುಂದುವರಿಸಲು ನಿರ್ಮಾಪಕರು ನಿರ್ಧರಿಸಿದ್ದಾರೆ ಎಂದು ಫಿಲ್ಮಿಬೀಟ್‌ಗೆ ಮಾಹಿತಿ ಲಭ್ಯವಾಗಿದೆ.

ಒಂದೇ ಮಾರ್ಗದಲ್ಲಿ ಜೋಡೆತ್ತು: ಯಶ್ ಮುಂದಿನ ಸಿನಿಮಾ ಬಗ್ಗೆ ಥ್ರಿಲ್ಲಿಂಗ್ ಸುದ್ದಿ

ಯಾವ ಜಾನರ್ ಎಂಬ ಕುತೂಹಲ?

ದರ್ಶನ್ 55ನೇ ಸಿನಿಮಾ ಯಾವ ಜಾನರ್ ಆಗಿರುತ್ತದೆ, ಡಿ ಬಾಸ್ ಪಾತ್ರ ಏನಾಗಿರುತ್ತದೆ, ಯಾರೆಲ್ಲಾ ನಟಿಸಬಹುದು ಎಂಬ ಕುತೂಹಲ ಡಿ ಅಭಿಮಾನಿಗಳಲ್ಲಿ ಹೆಚ್ಚಿದೆ. ಆದರೆ, ಈ ಕುತೂಹಲಕ್ಕೆ ಸದ್ಯಕ್ಕೆ ಉತ್ತರ ಇಲ್ಲ. ಮತ್ತಷ್ಟು ದಿನ ಕಾಯಬೇಕಿದೆ.

Recommended Video

25 ಕೋಟಿ ವಂಚನೆ ಪ್ರಕರಣದಲ್ಲಿ ಡಿ ಬಾಸ್ ಬೆಂಬಲಕ್ಕೆ ನಿಂತ ನಾಗವರ್ಧನ್ ಯಾರು..? | Filmibeat Kannada

ದರ್ಶನ್ ಮುಂದಿನ ಸಿನಿಮಾಗಳು

'ಕುರುಕ್ಷೇತ್ರ' ದರ್ಶನ್ ಅವರ 50ನೇ ಸಿನಿಮಾ, 'ಒಡೆಯ' 51ನೇ ಸಿನಿಮಾ, 'ರಾಬರ್ಟ್' 52ನೇ ಚಿತ್ರ, 'ಗಂಡುಗಲಿ ಮದಕರಿ ನಾಯಕ' 53ನೇ ಚಿತ್ರ, ಶೈಲಜಾ ನಾಗ್ ಅವರದ್ದು 55ನೇ ಪ್ರಾಜೆಕ್ಟ್. ಹಾಗಾದ್ರೆ, 54ನೇ ಸಿನಿಮಾ ಯಾವುದು ಎನ್ನುವುದಕ್ಕೆ ಅಧಿಕೃತ ಮಾಹಿತಿ ಇಲ್ಲ. ಆದರೆ, ರಾಕ್‌ಲೈನ್ ಜೊತೆ ಸಿನಿಮಾ (ಗೋಲ್ಡ್‌ರಿಂಗ್) ಮಾಡಲಿದ್ದು, ಅದಕ್ಕೆ ತಯಾರಿ ನಡೆದಿದೆ ಎಂದು ವರದಿಯಾಗಿದೆ.