ದರ್ಶನ್ ಜೊತೆಗೆ ಊಟ ಮಾಡುತ್ತಿರುವ ಯುವತಿ ಯಾರು?

ಯಾರು ಆ ಯುವತಿ?

ದರ್ಶನ್ ಜೊತೆ ಅಷ್ಟೋಂದು ಆತ್ಮೀಯವಾಗಿದ್ದ ಮಹಿಳೆ ದರ್ಶನ್ ಅವರ ತಂಗಿ. ಹಾಗೆಂದ ಮಾತ್ರಕ್ಕೆ ಸ್ವಂತ ತಂಗಿಯೇ ಎಂದುಕೊಂಡರೆ ಅದು ತಪ್ಪು, ಸ್ವಂತ ತಂಗಿ ಅಲ್ಲದಿದ್ದರೂ ಅದಕ್ಕಿಂತಲೂ ಮಿಗಿಲಾದ ಸೋದರ ಬಾಂಧವ್ಯ ಇಬ್ಬರ ಮಧ್ಯೆ ಇದೆ.

ನಿರ್ಮಾಪಕ ರಮೇಶ್ ಮಗಳು ಆಕೆ

ಆ ಯುವತಿ, ನಿರ್ಮಾಪಕ ರಮೇಶ್ ಅವರ ಮಗಳು. ಮತ್ತೊಬ್ಬ ನಿರ್ಮಾಪಕ ಚೇತನ್ ರಾಜ್ ಪತ್ನಿ. ದರ್ಶನ್ ಊಟ ಮಾಡಿಸಿದ ಮಗು, ಅವರದ್ದೇ ಮಗು. ಅವರ ಪತಿ ಚೇತನ್ ರಾಜ್ ಸಹ ಆ ಸಂದರ್ಭದಲ್ಲಿ ಹಾಜರಿದ್ದರು. ದರ್ಶನ್ ಅಚ್ಚುಮೆಚ್ಚಿನ ತಂಗಿ ಆಗಿರುವ ಅವರ ಮನೆಗೆ ಆಗಾಗ್ಗೆ ಭೇಟಿ ಮಾಡುತ್ತಿರುತ್ತಾರೆ.

ಚೇತನ್ ರಾಜ್-ದರ್ಶನ್ ಬಹಳ ಆಪ್ತರು

ಜಯಮ್ಮನ ಮಗ, ಜೈ ಮಾರುತಿ 800, ಕೊಮರೊಟ್ಟು ಚೆಕ್‌ಪೋಸ್ಟ್‌ ಸಿನಿಮಾಗಳನ್ನು ನಿರ್ಮಿಸಿರುವ ಚೇತನ್ ರಾಜ್ ಹಾಗೂ ದರ್ಶನ್ ಬಹಳ ಆಪ್ತ ಗೆಳೆಯರು. ಚೇತನ್ ರಾಜ್ ಪತ್ನಿ ದರ್ಶನ್‌ ಗೆ ಸ್ವಂತ ಸಹೋದರಿಯಂತೆ. ಹಾಗಾಗಿಯೇ ಈ ಆತ್ಮೀಯತೆ.

ಮಾಂಸಾಹಾರ ಸವಿದ ದರ್ಶನ್

ಇತ್ತೀಚೆಗೆ ಅವರ ಮನೆಗೆ ಭೇಟಿ ನೀಡಿದ್ದ ದರ್ಶನ್, ಇಷ್ಟದ ಮಾಂಸಾಹಾರ ಊಟ ಸವಿದಿದ್ದಾರೆ. ಚೇತನ್ ರಾಜ್ ಮಗುವಿನೊಂದಿಗೆ ಆಟವಾಡಿದ್ದಾರೆ. ತಂಗಿಯೊಂದಿಗೂ ಸುಂದರ ಕ್ಷಣಗಳನ್ನು ಕಳೆದಿದ್ದಾರೆ. ಈ ಚಿತ್ರಗಳು, ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿವೆ.