ಡಿ ಬಾಸ್ ಹೊಂದಿರುವ ಪರಿಸರ ಕಾಳಜಿಗೆ ಶಹಭಾಸ್ ಎನ್ನಲೇಬೇಕು

ದರ್ಶನ್ ಪರಿಸರ ಕಾಳಜಿ ಮೆಚ್ಚಲೇಬೇಕು

ಪ್ರಾಣಿಗಳನ್ನು ಮತ್ತು ಪಕ್ಷಿಗಳನ್ನು ಹೆಚ್ಚಾಗಿ ಪ್ರೀತಿ ಮಾಡುವ ದರ್ಶನ್ ಪರಿಸರವನ್ನು ಅದೇ ರೀತಿಯಲ್ಲಿ ಪ್ರೀತಿ ಮಾಡುತ್ತಾರೆ ಎನ್ನುವ ವಿಚಾರ ಯಾರಿಗೂ ತಿಳಿದಿಲ್ಲ. ಹೌದು, ದರ್ಶನ್ ತಮ್ಮ ಫಾರ್ಮ್ ಹೌಸ್ ನಲ್ಲಿ ಸಾಕಷ್ಟು ಬಗೆಯ ಗಿಡಗಳಿನ್ನು ನೆಡಲು ನಿರ್ಧಾರ ಮಾಡಿದ್ದಾರೆ.

ಹಸಿರಿನಿಂದ ಕಂಗೊಳಿಸಲಿದೆ ದರ್ಶನ್ ಫಾರ್ಮ್ ಹೌಸ್

ದರ್ಶನ್ ಅವರ ಫಾರ್ಮ್ ಹೌಸ್ ನಲ್ಲಿ ಸುಮಾರು 1800 ಈ ವಿವಿಧ ಜಾತಿಯ ಹಾಗೂ ಅಪರೂಪದ ಗಿಡಗಳು ತಲೆ ಎತ್ತಲಿವೆ. ಈ ಮೂಲಕ ದರ್ಶನ್ ಪರಿಸರ ಪ್ರೇಮಿಯಾಗಿ ಸಾವಿರಾರು ಜನರಿಗೆ ಸ್ಫೂರ್ತಿ ಆಗಲಿದ್ದಾರೆ.

ಪರಿಸರ ಉಳಿವಿಗಾಗಿ ದರ್ಶನ್ ಧ್ವನಿ

ದರ್ಶನ್ ಅರಣ್ಯ ಇಲಾಖೆಯ ರಾಯಭಾರಿ ಆಗಿರುವ ಕಾರಣದಿಂದಷ್ಟೆ ಡಿ ಬಾಸ್ ಈ ರೀತಿ ಕೆಲಸ ಮಾಡುತ್ತಿಲ್ಲ. ಅರಣ್ಯ ಇಲಾಖೆಯವರು ದರ್ಶನ್ ಅವರನ್ನು ಸಂಪರ್ಕ ಮಾಡುವ ಮುಂಚೆಯೇ ತಮ್ಮ ಫಾರ್ಮ್ ಹೌಸ್ ನಲ್ಲಿ ವಿವಿಧ ರೀತಿಯ ಗಿಡಗಳನ್ನು ನಡೆಸಲು ದರ್ಶನ್ ನಿರ್ಧಾರ ಮಾಡಿದ್ದರು.

ಒಂದು ದಿನಕ್ಕೆ ಸೀಮಿತವಾಗದಿರಲಿ

''ಪರಿಸರ ಕಾಳಜಿ ಒಂದು ದಿನಕ್ಕೆ ಮಾತ್ರ ಮೀಸಲಾಗದೇ ಪ್ರತಿ ದಿನವೂ ನಮ್ಮ ಸುತ್ತಮುತ್ತಲಿನ ಪರಿಸರ ಹಾಗೂ ಪ್ರಕೃತಿಯನ್ನು ಕಾಪಾಡುವುದು ನಮ್ಮ ಹೊಣೆಯಾಗಿರುತ್ತದೆ. ಮುಂದಿನ ಯುವ ಪೀಳಿಗೆಗಳು ಪುಸ್ತಕದಲ್ಲಿ ಅಥವಾ ಟಿವಿಗಳಲ್ಲಿ ಪ್ರಾಣಿ, ಪಕ್ಷಿ ಹಾಗೂ ಮರಗಳನ್ನು ನೋಡಿ ತಿಳಿದುಕೊಳ್ಳುವಂತಾಗುವುದನ್ನು ನಾವು ಮಾಡುವ ಪರಿಸರ ಕಾಳಜಿಯಿಂದಾಗಿ ನಿಲ್ಲಿಸಬಹುದು'' ಎನ್ನುವುದು ದರ್ಶನ್ ಅವರ ಅಭಿಪ್ರಾಯ.