ಅಭಿಮಾನಿಗಳು ಹಾಗೂ ಹುಟ್ಟುಹಬ್ಬದ ಬಗ್ಗೆ ದರ್ಶನ್ ಅಭಿಪ್ರಾಯ ಹೀಗಿದೆ

ಅಭಿಮಾನಿಗಳು ಇಲ್ಲಾ ಅಂದರೆ ನಾನು ಝೀರೋ

ಹುಟ್ಟುಹಬ್ಬದ ಸಂದರ್ಭದಲ್ಲಿ ಅಭಿಮಾನಿಗಳ ಬಗ್ಗೆ ದರ್ಶನ್ ತಮ್ಮ ಅಭಿಪ್ರಾಯವನ್ನ ವ್ಯಕ್ತ ಪಡಿಸಿದ್ದಾರೆ. "ಅವರ ಪ್ರೀತಿಯ ಮುಂದೆ ನಾನು ಏನು ಇಲ್ಲ. ಡಿ ಉತ್ಸವ ಎನ್ನುವ ಹೆಸರಿನಲ್ಲಿ ಹುಟ್ಟುಹಬ್ಬದ ಆಚರಣೆ ನಡೆಯುತ್ತಿದೆ. ಅದು ಅಭಿಮಾನಿಗಳು ಹಾಕಿದ ಭಿಕ್ಷೆ" ಎಂದಿದ್ದಾರೆ.

ಹಚ್ಚೆ ಹಾಕಿದವರನ್ನ ಭೇಟಿ ಮಾಡಲು ಇಷ್ಟವಿಲ್ಲ

ಇದೇ ಸಮಯದಲ್ಲಿ ಮೈ ತುಂಬಾ ಹಚ್ಚೆ ಹಾಕಿಸಿಕೊಂಡವರನ್ನ ಭೇಟಿ ಮಾಡಲು ಇಷ್ಟ ಪಡುವುದಿಲ್ಲ ಎಂದು ದರ್ಶನ್ ತಿಳಿಸಿದ್ದಾರೆ. ನೋವು ಮಾಡಿಕೊಂಡು ನನ್ನನ್ನು ಖುಷಿ ಪಡಿಸುವ ಅಗತ್ಯವಿಲ್ಲ ಎಂದು ಪರೋಕ್ಷವಾಗಿ ತಿಳಿಸಿದ್ದಾರೆ ಡಿ ಬಾಸ್.

ಸಾವಿಗೀಡಾದ ಅಭಿಮಾನಿಯ ಬಗ್ಗೆ ಬೇಸರ

ಶಿವಮೊಗ್ಗದಲ್ಲಿ ಕ್ಯಾನ್ಸರ್ ರೋಗಕ್ಕೆ ತುತ್ತಾಗಿ ಸಾವನ್ನಪ್ಪಿದ ರೇವಂತ್ ಅವರನ್ನ ನೆನಪು ಮಾಡಿಕೊಂಡು ದರ್ಶನ್ ಬೇಸರ ವ್ಯಕ್ತ ಪಡಿಸಿದ್ದಾರೆ. ಮನೆಯ ಬಳಿ ಬಂದಾಗ ರೇವಂತ್ ಅವರನ್ನು ಭೇಟಿ ಮಾಡಲು ಸಾಧ್ಯವಾಗಲಿಲ್ಲ. ಅವರ ಆತ್ಮಕ್ಕೆ ದೇವರು ಶಾಂತಿ ನೀಡಲಿ ಎಂದಿದ್ದಾರೆ.

ಯಾರಿಗೂ ತೊಂದರೆ ಆಗಬಾರದು

ಅಭಿಮಾನಿಗಳೆಲ್ಲರೂ ಸೇರಿ ಡಿ ಉತ್ಸವ ಹೆಸರಿನಲ್ಲಿ ಈ ಬಾರಿ ಹುಟ್ಟುಹಬ್ಬ ಆಚರಣೆ ಮಾಡುತ್ತಿರುವ ಮುಖ್ಯ ಉದ್ದೇಶ ಅಕ್ಕ ಪಕ್ಕದ ಮನೆಯವರಿಗೆ ಯಾವುದೇ ರೀತಿ ತೊಂದರೆ ಆಗಬಾರದು ಎಂದು. ಅಷ್ಟೇ ಅಲ್ಲದೆ ನೆರೆ ಮನೆಯವರ ಆಸ್ತಿಗಳಿಗೆ ಹಾನಿ ಮಾಡದಂತೆ ಖುದ್ದು ದರ್ಶನ್ ಜವಾಬ್ದಾರಿಯಿಂದ ನೋಡಿಕೊಳ್ಳುತ್ತಿದ್ದಾರಂತೆ.