ದರ್ಶನ್ 'D56' ಚಿತ್ರದಲ್ಲಿ ಘಟಾನುಘಟಿಗಳು: ಇಲ್ಲಿದೆ ನೋಡಿ ಕಂಪ್ಲೀಟ್ ಲಿಸ್ಟ್

'D56' ಸಿನಿಮಾ ತಾರಾಗಣ

ನಾಯಕಿಯಾಗಿ ರಾಧನಾ ರಾಮ್ ನಟಿಸಿದರೆ ತೆಲುಗಿನ ಜಗಪತಿ ಬಾಬು ಖಡಕ್ ರೋಲ್‌ನಲ್ಲಿ ಅಬ್ಬರಿಸಲಿದ್ದಾರೆ. ಈ ಹಿಂದೆ 'ರಾಬರ್ಟ್' ಚಿತ್ರದಲ್ಲಿ ವಿಲನ್ ನಾನಭಾಯ್ ಆಗಿ ಅವರು ಕಾಣಿಸಿಕೊಂಡಿದ್ದರು. ಇನ್ನು ಕಾಮಿಡಿ ಅಧ್ಯಕ್ಷ ಶರಣ್ ಕೂಡ 'D56' ಚಿತ್ರಕ್ಕಾಗಿ ಬಣ್ಣ ಹಚ್ಚಿದ್ದಾರೆ. ಶರಣ್ ಈ ಹಿಂದೆ ಕೂಡ ದರ್ಶನ್ ಜೊತೆ ಸ್ಕ್ರೀನ್ ಶೇರ್ ಮಾಡಿಕೊಂಡಿದ್ದರು. ಇನ್ನು ನಟ, ನಿರ್ದೇಶಕ ಕುಮಾರ್ ಗೋವಿಂದ್ ಕೂಡ 'D56' ತಂಡದಲ್ಲಿದ್ದಾರೆ. ಕೆಲ ದಿನಗಳ ಹಿಂದೆ ಶರಣ್ ಹಾಗೂ ಕುಮಾರ್ ಗೋವಿಂದ್ 'D56' ಸೆಟ್‌ನಿಂದ ಫೋಟೊ ಕ್ಲಿಕ್ಕಿಸಿ ಶೇರ್ ಮಾಡಿದ್ದರು.

'ರಾಬರ್ಟ್' ತಂತ್ರಜ್ಞರ ತಂಡ

ಇಂಟ್ರೆಸ್ಟಿಂಗ್ ಅಂದರೆ ಶರಣ್ ತಂಗಿ ಶೃತಿ ಕೂಡ ಈ ಚಿತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅಣ್ಣ ತಂಗಿ ಇಬ್ಬರು ದರ್ಶನ್ ಸಿನಿಮಾದಲ್ಲಿ ನಟಿಸುತ್ತಿರುವುದು ಇದೇ ಮೊದಲು. ಇನ್ನು 'ರಾಬರ್ಟ್' ಚಿತ್ರವನ್ನು ಸೊಗಸಾಗಿ ಸೆರೆಹಿಡಿದು ಭೇಷ್ ಎನ್ನಿಸಿಕೊಂಡಿದ್ದ ಸುಧಾಕರ್ ಈ ಚಿತ್ರದ ಛಾಯಾಗ್ರಹಣ ಜವಾಬ್ದಾರಿ ವಹಿಸಿಕೊಂಡಿದ್ದಾರೆ. ಅರ್ಜುನ್ ಜನ್ಯಾ ಹಾಗೂ ವಿ. ಹರಿಕೃಷ್ಣ ಬದಲು ಈ ಬಾರಿ 'D56' ಚಿತ್ರಕ್ಕೆ ಬೇರೆ ಯಾರಾದರೂ ಸಂಗೀತ ಸಂಯೋಜನೆ ಮಾಡಬಹುದು ಎನ್ನಲಾಗ್ತಿದೆ.

70ರ ದಶಕದ ಕಥೆ 'D56'

ಹಂಪಿಯಲ್ಲಿ ನಡೆದ ಕೆಲ ನೈಜ ಘಟನೆಗಳನ್ನು ಆಧರಿಸಿ 'D56' ಚಿತ್ರಕ್ಕೆ ಕಥೆ ಚಿತ್ರಕಥೆ ಬರೆಯಲಾಗಿದೆ ಎನ್ನುವ ಮಾತುಗಳು ಕೇಳಿಬರ್ತಿದೆ. 70ರ ದಶಕದ ಕಥೆಯನ್ನು ಚಿತ್ರದಲ್ಲಿ ಹೇಳುತ್ತಿದ್ದಾರಂತೆ. 'ಗುರು ಶಿಷ್ಯರು' ಸಿನಿಮಾ ನಿರ್ದೇಶಕ ಜಡೇಶ್ ಹಂಪಿ ಹಾಗೂ ತರುಣ್ ಸುಧೀರ್ ಸೇರಿ ಲಾಕ್‌ಡೌನ್ ಸಮಯದಲ್ಲಿ ಈ ಕಥೆಯನ್ನು ಸಿದ್ಧಪಡಿಸಿದ್ದರು. ಒಟ್ನಲ್ಲಿ 'D56' ಕಥೆ ಬಗ್ಗೆ ಭಾರೀ ನಿರೀಕ್ಷೆ ಇದೆ.

ಹೊಸ ಅವತಾರದಲ್ಲಿ ದರ್ಶನ್

'ರಾಬರ್ಟ್' ಚಿತ್ರದಲ್ಲಿ ಸ್ನೇಹಿತನನ್ನು ಬಹಳ ವಿಭಿನ್ನವಾಗಿ ತೋರಿಸಿ ನಿರ್ದೇಶಕ ತರುಣ್ ಸುಧೀರ್ ಗೆದ್ದಿದ್ದರು. ಈ ಬಾರಿ ಕೂಡ ಅಂಥದ್ದೇ ಪ್ರಯತ್ನ ಮಾಡುತ್ತಿದ್ದಾರೆ. ಸಿನಿಮಾ ಬಗ್ಗೆ ದರ್ಶನ್ ಲುಕ್ ಬಗ್ಗೆ ರಹಸ್ಯ ಕಾಪಾಡಿಕೊಂಡಿದೆ ಚಿತ್ರತಂಡ. ದರ್ಶನ್ ಹುಟ್ಟುಹಬ್ಬದ ದಿನ ಪೋಸ್ಟರ್‌ನಲ್ಲಿ ಟೈಟಲ್ ಜೊತೆಗೆ ದರ್ಶನ್ ಲುಕ್ ರಿವೀಲ್ ಆಗಲಿದೆ. ರಾಕ್‌ಲೈನ್‌ ವೆಂಕಟೇಶ್ ಚಿತ್ರವನ್ನು ಬಹಳ ಅದ್ಧೂರಿಯಾಗಿ ನಿರ್ಮಾಣ ಮಾಡುತ್ತಿದ್ದಾರೆ.