ಬಾಕ್ಸಾಫೀಸ್‌ನಲ್ಲಿ ಮೊದಲನೇ ದಿನ ದರ್ಶನ್ 'ಕ್ರಾಂತಿ'ಗೆ ಬಂಪರ್.. 2ನೇ ದಿನ ಎಷ್ಟು?

'ಕ್ರಾಂತಿ' 2ನೇ ದಿನದ ರಿಪೋರ್ಟ್ ಏನು?

ಚಾಲೆಂಜಿಂಗ್ ಸ್ಟಾರ್ ದರ್ಶನ್ 'ಕ್ರಾಂತಿ' ಹವಾ ಮೊದಲನೇ ದಿನ ಇದ್ದಷ್ಟು ಎರಡನೇ ದಿನ ಇಲ್ಲ. ಶೋಗಳ ಸಂಖ್ಯೆಯಲ್ಲಿ ಹಾಗೂ ಕಲೆಕ್ಷನ್ ವಿಚಾರದಲ್ಲಿ ಡ್ರಾಪ್ ಆಗಿದೆ ಅನ್ನೋದು ವಿತರಕರ ವಲಯದಲ್ಲಿ ಹರಿದಾಡುತ್ತಿರೋ ಸುದ್ದಿ. ಎರಡನೇ ದಿನದ 'ಕ್ರಾಂತಿ' ಕಲೆಕ್ಷನ್ ಬಗ್ಗೆ ಡಿಸ್ಟ್ರಿಬ್ಯೂಷನ್ ಸೆಕ್ಟರ್‌ನಿಂದ ಸಿಗುತ್ತಿರೋ ಸಂಖ್ಯೆ 6 ಕೋಟಿ ರೂ. ಮೊದಲ ದಿನಕ್ಕೆ ಹೋಲಿಕೆ ಮಾಡಿದರೆ, ಇದು ತೀರಾ ಕಡಿಮೆನೇ. ಆದರೆ, ಸೋಶಿಯಲ್ ಮೀಡಿಯಾದಲ್ಲಿ ಓಡಾಡುತ್ತಿರುವ ಬಾಕ್ಸಾಫೀಸ್‌ ಕಲೆಕ್ಷನ್ ಬೇರೆನೇ ಇದೆ.

ಸೋಶಿಯಲ್ ಮೀಡಿಯಾ ಪ್ರಕಾರ ಕಲೆಕ್ಷನ್ ಎಷ್ಟು?

'ಕ್ರಾಂತಿ' ಎರಡನೇ ದಿನದ ಬಗ್ಗೆ ಅಧಿಕೃತವಾದ ಮಾಹಿತಿ ಚಿತ್ರತಂಡ ಇನ್ನೂ ಕೊಟ್ಟಿಲ್ಲ. ನಾಲ್ಕು ದಿನಗಳ ಕಲೆಕ್ಷನ್ ನೋಡಿದ ಬಳಿಕ ಇಡೀ ತಂಡ ಮಾಹಿತಿ ಹಂಚಿಕೊಳ್ಳುವ ಸಾಧ್ಯತೆಯಿದೆ. ಸದ್ಯ ಸ್ಯಾಂಡಲ್‌ವುಡ್‌ನಲ್ಲಿ ಎರಡನೇ ದಿನದ ಕಲೆಕ್ಷನ್ 19.7 ಕೋಟಿ ರೂ. ಎಂದು ಓಡಾಡುತ್ತಿದೆ. ಆದರೆ, ವಿತರಕರ ವಲಯದ ಮಾಹಿತಿ ಪ್ರಕಾರ, ಮೊದಲ ದಿನ ಕಲೆಕ್ಷನ್‌ನ ಶೇ.25ರಷ್ಟು ಅಷ್ಟೇ ಆಗಿದೆ ಎಂದು ಹೇಳುತ್ತಿದ್ದಾರೆ.

ಮೊದಲ ದಿನದ ಕಲೆಕ್ಷನ್‌ನಲ್ಲೂ ಗೊಂದಲ

'ಕ್ರಾಂತಿ' ಅಡ್ವಾನ್ಸ್ ಬುಕಿಂಗ್ ಅದ್ಭುತವಾಗಿತ್ತು. ರಿಲೀಸ್‌ಗೂ ಮುನ್ನವೇ ಸಿನಿಮಾ 6 ಕೋಟಿ ರೂ.ಗೂ ಅಧಿಕ ಕಲೆಕ್ಷನ್ ಮಾಡಿತ್ತು ಎಂದು ವರದಿಯಾಗಿತ್ತು. ಕೆಲವು ಮೂಲಗಳ ಪ್ರಕಾರ, ಮೊದಲ ದಿನ 11 ಕೋಟಿ ರೂ. ಕಲೆಕ್ಷನ್ ಮಾಡಿದೆ. ವಿತರಕರ ವಲಯದಲ್ಲಿ 15.99 ಕೋಟಿ ರೂ. ಸೋಶಿಯಲ್ ಮೀಡಿಯಾದಲ್ಲಿ 35.3 ಕೋಟಿ ರೂ. ಕಲೆಕ್ಷನ್ ಮಾಡಿದೆ ಎನ್ನುತ್ತಿದೆ. ಹೀಗಾಗಿ ಫಸ್ಟ್‌ ಡೇ ಕಲೆಕ್ಷನ್ ಬಗ್ಗೆ ಗೊಂದಲವಿದೆ.

ವಾರಾಂತ್ಯಕ್ಕೆ ಕಲೆಕ್ಷನ್ ಲೆಕ್ಕಾಚಾರವೇನು?

2ನೇ ದಿನ 'ಕ್ರಾಂತಿ' ಹಿನ್ನೆಡೆ ವರ್ಕಿಂಗ್ ಡೇ ಕಾರಣನೂ ಇರಬಹುದು. ಗಣರಾಜ್ಯೋತ್ಸವ ಮುಗಿಸಿ ಕೆಲಸಗಳಿಗೆ ತೆರಳಬೇಕಿದ್ದರಿಂದ ಥಿಯೇಟರ್‌ಗಳಿಗೆ ಹೆಚ್ಚು ಜನ ಬಂದಿಲ್ಲ ಅನ್ನೋ ಮಾತುಗಳು ಕೇಳಿ ಬರುತ್ತಿವೆ. ಹೀಗಾಗಿ ಶನಿವಾರ (ಜನವರಿ 28) ಹಾಗೂ ಭಾನುವಾರ (ಜನವರಿ 29) ಈ ಎರಡೂ ದಿನ ಉತ್ತಮ ಗಳಿಕೆ ಕಂಡರೆ, 'ಕ್ರಾಂತಿ' ಸಿನಿಮಾ ಗೆದ್ದಂತೆ ಎಂದು ವಿತರಕರ ವಲಯಗಳಲ್ಲಿ ಮಾತುಕತೆ ನಡೆಯುತ್ತಿದೆ.