ಹೋಟೆಲ್, ಆಟೋ, ಬೈಕ್ ಎಲ್ಲೆಲ್ಲೂ ದರ್ಶನ್ 'ಕುರುಕ್ಷೇತ್ರ'

ಹೋಟೆಲ್ ನಲ್ಲಿ ಕುರುಕ್ಷೇತ್ರ

ಅಭಿಮಾನಿಯೊಬ್ಬರು ತಮ್ಮ ಹೋಟೆಲ್ ಗೆ ದರ್ಶನ್ ಎಂದು ಹೆಸರಿಟ್ಟಿದ್ದಾರೆ. ಅಷ್ಟೇ ಅಲ್ಲದೆ ಹೋಟೆಲ್ ತುಂಬೆಲ್ಲಾ ದರ್ಶನ್ ಅವರ 'ಕುರುಕ್ಷೇತ್ರ'ದ ಪೋಸ್ಟರ್ ಅಂಟಿಸಿ ಪ್ರಚಾರ ಮಾಡುತ್ತಿದ್ದಾರೆ. ಸದ್ಯ ಆ ಪೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಬೈಕ್ ಗಳ ಮೇಲೆ ಕುರುಕ್ಷೇತ್ರ

ಕನ್ನಡ ಸಿನಿಮಾದ ಹೆಸರುಗಳನ್ನ ಬೈಕ್ ಹಳೆ ಸೀಟ್ ಕವರ್ ಗಳ ಮೇಲೆ ಹಾಕಿಕೊಳ್ಳೊದು ನೋಡಿರಬಹುದು. ಈಗ ಬೈಕ್ ಬಂಪರ್ ಪ್ಲೇಟ್ ಹಾಗೂ ಮುಂದೆ ಹೆಡ್ ಲೈಟ್ ಮಾಸ್ಕ್ ಗಳ ಮುಂದೆ ಕುರುಕ್ಷೇತ್ರ ಚಿತ್ರದ ಫಸ್ಟ್ ಲುಕ್ ಸ್ಟಿಕ್ಕರ್ ಗಳು ರಾರಾಜಿಸುತ್ತಿವೆ.

ಆಟೋಗಳಲ್ಲಿ ಚಾಲೆಂಜಿಂಗ್ ಸ್ಟಾರ್

ಕೇವಲ ಹೋಟೆಲ್, ಬೈಕ್ ಗಳಲ್ಲಿ ಮಾತ್ರವಲ್ಲದೆ ಆಟೋಗಳಲ್ಲಿಯೂ 'ಕುರುಕ್ಷೇತ್ರ' ಚಿತ್ರದ ಫೋಟೋಗಳನ್ನ ಅಭಿಮಾನಿಗಳು ಹಾಕಿಕೊಂಡಿದ್ದಾರೆ. ಅಭಿಮಾನಿಯೊಬ್ಬರು ಚಿಕ್ಕ ಸ್ಟ್ಯಾಂಡಿ ರೀತಿಯಲ್ಲಿ ದರ್ಶನ್ ಅಭಿನಯದ ಕುರುಕ್ಷೇತ್ರದ ಫೋಟೋವನ್ನ ತಮ್ಮ ಆಟೋದಲ್ಲಿ ಹಾಕಿಕೊಂಡಿರುವ ಫೋಟೋ ಸಖತ್ ಫೇಮಸ್ ಆಗಿದೆ.

ಎಲ್ಲೆಡೆ ದರ್ಶನ್ ಕುರುಕ್ಷೇತ್ರದ್ದೇ ಸುದ್ದಿ

ಕುರುಕ್ಷೇತ್ರ ಸಿನಿಮಾದ ಸುದ್ದಿ ಸಖತ್ ವೈರಲ್ ಆಗ್ತಿದೆ. ಕನ್ನಡ ಸಿನಿಮಾರಂಗದಲ್ಲಿ ಐತಿಹಾಸಿಕ ಸಿನಿಮಾಗಳೇ ಕಡಿಮೆ. ಆಗೊಂದು ಹೀಗೊಂದು ಬರುವ ಚಿತ್ರಗಳಿಗಾಗಿ ಅಭಿಮಾನಿಗಳು ಕಾತುರದಿಂದ ಕಾದಿರುತ್ತಾರೆ. ಸದ್ಯ, ಕನ್ನಡ ಸಿನಿ ರಸಿಕರು ಕಾದಿರುವುದು ಮುನಿರತ್ನ ನಿರ್ಮಾಣದ 'ಕುರುಕ್ಷೇತ್ರ' ಚಿತ್ರಕ್ಕಾಗಿ. ಚಿತ್ರೀಕರಣದ ಕೊನೆಯ ಹಂತ ತಲುಪಿರುವ 'ಕುರುಕ್ಷೇತ್ರ'ದ ಫಸ್ಟ್ ಲುಕ್ ಎಲ್ಲೆಡೆ ವೈರಲ್ ಆಗಿದೆ.