ಟಿವಿಯಲ್ಲೂ ದರ್ಶನ್ ಕಿಂಗ್: ಹೆಚ್ಚು ಮಂದಿ ನೋಡಿದ್ದು ಈ ಸಿನಿಮಾವನ್ನು

ಐತಿಹಾಸಿಕ ಸಿನಿಮಾಕ್ಕೆ ಮೊದಲ ಸ್ಥಾನ

ಏಪ್ರಿಲ್ 18 ರಿಂದ ಏಪ್ರಿಲ್ 24 ರ ವರೆಗೆ ಪ್ರಸಾರವಾದ ಟಿವಿ ಕಾರ್ಯಕ್ರಮಗಳು, ಸಿನಿಮಾಗಳ ಪೈಕಿ ದರ್ಶನ್ ಅಭಿನಯದ 'ಕುರುಕ್ಷೇತ್ರ' ಸಿನಿಮಾವನ್ನು ಅತಿ ಹೆಚ್ಚು ಮಂದಿ ನೋಡಿದ್ದಾರೆ. 4809 ಇಂಪ್ರೆಶನ್ಸ್ ಕುರುಕ್ಷೇತ್ರ ಸಿನಿಮಾಕ್ಕೆ ದಾಖಲಾಗಿದೆ.

ಎರಡನೇ ಸ್ಥಾನವೂ ಸಹ ದರ್ಶನ್ ಸಿನಿಮಾಕ್ಕೆ ದೊರೆತಿದೆ

ಟಾಪ್‌ 5 ನಲ್ಲಿ ಮೊದಲೆರಡು ಸ್ಥಾನಗಳು ದರ್ಶನ್ ಅವರ ಸಿನಿಮಾಕ್ಕೆ ದೊರೆತಿರುವುದು ವಿಶೇಷ. ಮತ್ತೊಂದು ಕನ್ನಡ ಚಾನೆಲ್ ನಲ್ಲಿ ಪ್ರಸಾರವಾದ ಮಿ.ಐರಾವತ ಸಿನಿಮಾವನ್ನು ಸಹ ಹೆಚ್ಚು ಮಂದಿ ವೀಕ್ಷಿಸಿದ್ದು, ಟಾಪ್ ಐದರಲ್ಲಿ ಎರಡನೇ ಸ್ಥಾನ ಪಡೆದುಕೊಂಡಿದೆ.

ನಟಸಾರ್ವಭೌಮ ಸಿನಿಮಾಕ್ಕೆ ಮೂರನೇ ಸ್ಥಾನ

ಪುನೀತ್ ರಾಜ್‌ಕುಮಾರ್ ಅಭಿನಯದ ನಟಸಾರ್ವಭೌಮ ಸಿನಿಮಾಕ್ಕೆ ಮೂರನೇ ಸ್ಥಾನ ಲಭಿಸಿದೆ. ಈ ಸಿನಿಮಾಕ್ಕೆ ಬಾರ್ಕ್ ಇಂಡಿಯಾ ಪ್ರಕಾರ 4065 ಇಂಪ್ರೆಶನ್ಸ್ ದೊರೆತಿದೆ.

ನಾಲ್ಕನೇ ಸ್ಥಾನದಲ್ಲಿದೆ ಧಾರಾವಾಹಿ

ಧಾರಾವಾಹಿ 'ಗಟ್ಟಿಮೇಳ' ನಾಲ್ಕನೇ ಸ್ಥಾನದಲ್ಲಿದೆ. ಟಾಪ್ ಐದು ಪಟ್ಟಿಯಲ್ಲಿ ನಾಲ್ಕು ಸಿನಿಮಾಗಳಿವೆ. ಇದರ ಮಧ್ಯೆ ಧಾರಾವಾಹಿಯೊಂದು ಸ್ಥಾನ ಪಡೆದುಕೊಂಡಿರುವುದು ವಿಶೇಷ.

ಐದನೇ ಸ್ಥಾನದಲ್ಲಿದೆ ಶರಣ್ ಚಿತ್ರ

ನಟ ಶರಣ್ ಅಭಿನಯದ ವಿಕ್ಟರಿ-2 ಸಿನಿಮಾ ಐದನೇ ಸ್ಥಾನವನ್ನು ಪಡೆದುಕೊಂಡಿದೆ. ಈ ಪಟ್ಟಿಯು ಕೇವಲ ಏಪ್ರಿಲ್ 18 ರಿಂದ ಏಪ್ರಿಲ್ 24 ರ ವರೆಗೆ ಪ್ರಸಾರವಾದ ಕಾರ್ಯಕ್ರಮಗಳದ್ದಾಗಿದೆ.