ದರ್ಶನ್ ವಿಶ್ ಮಾಡಿಲ್ಲ ಅಂದ್ರೆ ಸುಮಲತಾ ಬರ್ತಡೇ ಪೂರ್ಣವಾಗಲ್ವಂತೆ

ಸುಮಲತಾ ಜನುಮದಿನಕ್ಕೆ ಶುಭಕೋರಿದ ದಾಸ

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಿರಿಯ ನಟಿ ಸುಮಲತಾ ಅವರ ಹುಟ್ಟುಹಬ್ಬಕ್ಕೆ ಶುಭ ಕೋರಿದ್ದಾರೆ. ''ನನ್ನ ನೆಚ್ಚಿನ ಮದರ್ ಇಂಡಿಯಾಗೆ ಹುಟ್ಟುಹಬ್ಬದ ಶುಭಾಶಯಗಳು. ಇನ್ನೊಂದು ವರ್ಷವನ್ನ ಆಚರಿಸಿಕೊಳ್ಳುತ್ತಿದ್ದೀರಾ. ನೀವು ನನ್ನ ಪಾಲಿಗೆ ಸದಾ ಅದ್ಭುತವೆನಿಸುವ ವ್ಯಕ್ತಿ ಎನ್ನುವುದು ನಿಮಗೆ ಗೊತ್ತಿದೆ. ನಿಮ್ಮ ಎಲ್ಲ ಆಸೆಗಳು ಈಡೇರಲಿ'' ಎಂದು ದರ್ಶನ್ ಟ್ವೀಟ್ ಮಾಡಿದ್ದಾರೆ.

ನೀನು ವಿಶ್ ಮಾಡಿಲ್ಲ ಬರ್ತಡೇ ಪೂರ್ಣವಾಗಲ್ಲ

ದಾಸನ ಶುಭಾಶಯಕ್ಕೆ ಪ್ರತಿಕ್ರಿಯಿಸಿರುವ ಸುಮಲತಾ ಅವರು ''ಥ್ಯಾಂಕ್ ಯೂ ಮೈ ಡಾರ್ಲಿಂಗ್ ದರ್ಶನ್. ನಿನ್ನ ವಿಶ್ ಇಲ್ಲದೇ ನನ್ನ ಹುಟ್ಟುಹಬ್ಬ ಯವಾಗಲೂ ಪೂರ್ಣವಾಗಲ್ಲ'' ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ.

ವಿಶ್ ಮಾಡಿದ ಸುದೀಪ್

ಸುಮಲತಾ ಅವರ ಹುಟ್ಟುಹಬ್ಬ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಕೂಡ ವಿಶ್ ಮಾಡಿದ್ದು, ''ಅದ್ಬುತ ವ್ಯಕ್ತಿ ಸುಮಲತಾ ಅವರಿಗೆ ಹುಟ್ಟುಹಬ್ಬದ ಶುಭಾಶಯಗಳು. ನಿಮ್ಮ ನಗು ನಮಗೆ ಎಂದಿಗೂ ಸ್ಫೂರ್ತಿ ನೀಡುತ್ತದೆ. ಜೀವನದ ಒತ್ತಡವನ್ನು ಹೇಗೆ ನಿಯಂತ್ರಿಸಬೇಕು ಎಂಬುದನ್ನು ನಿಮ್ಮಿಂದ ಕಲಿತಿದ್ದೇವೆ. ನನ್ನ ಜೀವನದ ಭಾಗ ಆಗಿರುವುದಕ್ಕೆ ಧನ್ಯವಾದ ಅಕ್ಕ. ಈ ವರ್ಷ ನಿಮಗೆ ಹರ್ಷದಾಯಕವಾಗಿರಲಿ'' ಎಂದಿದ್ದಾರೆ.

ಎರಡು ಸಿನಿಮಾದಲ್ಲಿ ನಟನೆ

'ತಾಯಿಗೆ ತಕ್ಕ ಮಗ' ಚಿತ್ರದಲ್ಲಿ ಅಜಯ್ ರಾವ್ ತಾಯಿಯ ಪಾತ್ರದಲ್ಲಿ ಹಾಗೂ 'ಡಾಟರ್ ಆಫ್ ಪಾರ್ವತಮ್ಮ' ಸಿನಿಮಾದಲ್ಲಿ ಹರಿಪ್ರಿಯಾ ಅವರ ಅಮ್ಮನಾಗಿ ಸುಮಲತಾ ಕಾಣಿಸಿಕೊಳ್ಳುತ್ತಿದ್ದಾರೆ.