ಕ್ಯಾನ್ಸರ್ ಕಾಯಿಲೆ ಇರೋ ಈ ಅಭಿಮಾನಿಯ ಕೊನೆಯ ಆಸೆ ಈಡೇರಿಸುತ್ತಾರ ದಾಸ ದರ್ಶನ್

ಕ್ಯಾನ್ಸರ್ ನಿಂದ ಬಳಲುತ್ತಿರುವ ದರ್ಶನ್ ಅಭಿಮಾನಿ

ಚಾಲೆಂಜಿಂಗ್ ಸ್ಟಾರ್ ಅವರ ಕಟ್ಟಾ ಅಭಿಮಾನಿ ಸದ್ಯ ಕ್ಯಾನ್ಸರ್ ನಿಂದ ಬಳಲುತ್ತಿದ್ದಾರೆ. ಶಿವಮೊಗ್ಗ ಮೂಲದ ರೇವಂತ್ ಕ್ಯಾನ್ಸರ್ ರೋಗಕ್ಕೆ ತುತ್ತಾಗಿರುವವರು. ತನ್ನ 20ನೇ ವಯಸ್ಸಿಗೆ ಕ್ಯಾನ್ಸರ್ ನಿಂದ ನೋವು ಅನುಭವಿಸುತ್ತಿರುವ ರೇವಂತ್ ಅವರಿಗೆ ತಮ್ಮ, ಅಕ್ಕ ಹಾಗೂ‌ ಅಪ್ಪ ಅಮ್ಮ ಇದ್ದಾರೆ.

ಶಿವಮೊಗ್ಗದ ಅಭಿಮಾನಿ‌

ಶಿವಮೊಗ್ಗದಲ್ಲಿ ವಾಸವಿರುವ ರೇವಂತ್ ಸಾಕಷ್ಟು ದಿನಗಳ ಹಿಂದೆ ಕ್ಯಾನ್ಸರ್ ರೋಗಕ್ಕೆ ತುತ್ತಾಗಿದ್ದರು. ಮೂಳೆ ಕ್ಯಾನ್ಸರ್ ನಿಂದ ಬಳಲುತ್ತಿದ್ದ ರೇವಂತ್ ಬೆಂಗಳೂರಿಗೆ ಬಂದು ಚಿಕಿತ್ಸೆಯನ್ನು ಪಡೆದು ಹೋಗಿದ್ದರು. ಆದರೆ ಮತ್ತೆ ಕಾಣಿಸಿಕೊಂಡಿರುವ ಕ್ಯಾನ್ಸರ್ ಈ ಭಾರಿ ರೇವಂತ್ ಅವರನ್ನು ಬಿಡುವಂತೆ ಕಾಣುತ್ತಿಲ್ಲ.

ಹುಟ್ಟುಹಬ್ಬವನ್ನ ಆಚರಿಸಲಾಗದ ಸಂದರ್ಭ

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಹಾಗೂ ರೇವಂತ್ ಇಬ್ಬರ ಹುಟ್ಟುಹಬ್ಬವೂ ಇದೇ ತಿಂಗಳು. ಪ್ರತಿ ವರ್ಷ ದರ್ಶನ್ ಅವರ ಹುಟ್ಟುಹಬ್ಬಕ್ಕೆ ಶಿವಮೊಗ್ಗದಿಂದ ಬಂದು‌ ಶುಭ ಹಾರೈಸುತ್ತಿದ್ದ ಅಭಿಮಾನಿ ಇನ್ಮುಂದೆ ದರ್ಶನ್ ಭೇಟಿ ಆಗಲು ಬರುವುದಕ್ಕೆ ಆಗುವುದಿಲ್ಲ. ಎಲ್ಲಾ ಅಭಿಮಾನಿಗಳು ಸಂಭ್ರಮದಲ್ಲಿ‌ಹುಟ್ಟುಹಬ್ಬ ಆಚರಣೆ ಮಾಡಿದರೆ ರೇವಂತ್ ಮಾತ್ರ ದುಖಃದಲ್ಲಿ ಇದ್ದಾರೆ.

ಅಭಿಮಾನಿಯ ಕೊನೆಯ ಆಸೆ ದರ್ಶನ್ ನೋಡುವುದು

ವೈದ್ಯರು ಇನ್ನು ಮುಂದೆ ನಮ್ಮಿಂದ ಏನು ಮಾಡಲು ಸಾಧ್ಯವಿಲ್ಲ ಎಂದು‌ ಕೈ ಚೆಲ್ಲಿದ್ದಾರೆ. ಇಂತಹ ಸ್ಥಿತಿಯಲ್ಲಿರುವ ರೇವಂತ್ ಅವರ ಕಡೆಯ ಆಸೆ ದರ್ಶನ್ ಅವರನ್ನು ನೋಡುವುದು. ಅದ್ದರಿಂದ ತಮ್ಮ ಪ್ರೀತಿಯ ಅಭಿಮಾನಿಯ ಕೊನೆ ಆಸೆಯನ್ನು ದಾಸ ದರ್ಶನ್ ಪೂರೈಸುತ್ತಾರಾ ನೋಡಬೇಕಾಗಿದೆ.