ಡಿ ಬಾಸ್ ಅಂದ್ರೆ ಕ್ರೇಜ್ ಕಾ ಬಾಪ್ ಅನ್ನೋದು ಇದೇ ಕಾರಣಕ್ಕೆ.!

ರಾಬರ್ಟ್ ಬೈಕ್, ಲುಕ್.!

ರಾಬರ್ಟ್ ಥೀಮ್ ಪೋಸ್ಟರ್ ನಲ್ಲಿ ದರ್ಶನ್ ಅವರು ದುಬಾರಿ ಬೈಕ್ ಮೇಲೆ ಹಿಮ್ಮುಖವಾಗಿ ಕೂತಿದ್ದು, ಆ ಬೈಕ್ ಸಖತ್ ಆಕರ್ಷಣೆ ಮಾಡ್ತಿದೆ. ಅದರಲ್ಲೂ ಆ ಬೈಕ್ ನ ನಂಬರ್ ಪ್ಲೇಟ್ ಮೇಲಿರುವ ಡಿ ಬಾಸ್ ಶೈಲಿಯ ನಂಬರ್ ಈಗ ವೈರಲ್ ಆಗುತ್ತಿದ್ದು, ಅಭಿಮಾನಿಗಳು ಕೂಡ ಅದೇ ರೀತಿ ಬೈಕ್ ನಲ್ಲಿ ನಂಬರ್ ಪ್ಲೇಟ್ ಬಳಸುತ್ತಿದ್ದಾರೆ.

ಕಾರ್ ಮೇಲೆ ರಾಬರ್ಟ್ ಮಿಂಚು

ಇಲ್ಲೊಬ್ಬ ಅಭಿಮಾನಿ ತನ್ನ ಕಾರಿನ ಮೇಲೆ ರಾಬರ್ಟ್ ಚಿತ್ರದ ಹೆಸರು ಹಾಕಿಕೊಂಡಿದ್ದಾರೆ. ಕಾರಿ ಹಿಂಬದಿಯ ಗ್ಲಾಸ್ ಮೇಲೆ ರಾಬರ್ಟ್ ಥೀಮ್ ಪೋಸ್ಟರ್ ಹಾಕಿಕೊಂಡಿರುವ ಫೋಟೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡ್ತಿದೆ.

ರಾಬರ್ಟ್ ಟ್ಯಾಟೂ

ರಾಬರ್ಟ್ ಚಿತ್ರದಲ್ಲಿ ದರ್ಶನ್ ಅವರು ಬಳಸಿದಂತೆ ಬೈಕ್ ಡಿಸೈನ್ ಮಾಡಿಸುವುದು, ಗಾಡಿಗೆ ನಂಬರ್ ಪ್ಲೇಟ್ ಹಾಕುವುದರ ಜೊತೆಗೆ ಕೆಲವು ಅಭಿಮಾನಿಗಳು ತಮ್ಮ ದೇಹದ ಮೇಲೆ ರಾಬರ್ಟ್ ಎಂದು ಟ್ಯಾಟೂ ಹಾಕಿಸಿಕೊಂಡು ಅಭಿಮಾನ ಮೆರೆಯುತ್ತಿದ್ದಾರೆ.

ರಾಬರ್ಟ್ ನಂಬರ್ ಪ್ಲೇಟ್

ಬೈಕಿಗೆ ಅಥವಾ ಕಾರಿಗೆ ನಂಬರ್ ಪ್ಲೇಟ್ ಹೀಗೆ ಇರಬೇಕು, ಇದೇ ರೀತಿ ಹಾಕಬೇಕು ಎಂದು ಕಾನೂನು ಇದೆ. ಆದರೆ ರಾಬರ್ಟ್ ಚಿತ್ರದ ಕ್ರೇಜ್ ಹೇಗಿದೆ ಅಂದ್ರೆ ಕಾನೂನಿನ ಬಗ್ಗೆ ಯೋಚನೆ ಮಾಡದೆ ಬೈಕಿನ ನಂಬರ್ ಪ್ಲೇಟ್ ನಲ್ಲಿ ನಂಬರ್ ಇರಬೇಕಾದ ಜಾಗದಲ್ಲಿ ರಾಬರ್ಟ್ ಅಂತ ಹೆಸರು ಹಾಕಿದ್ದಾರೆ.