ಜನವರಿ ತಿಂಗಳಲ್ಲಿ ದರ್ಶನ್ ಅಭಿನಯದ ಎರಡು ಸಿನಿಮಾ ಆರಂಭ.!

ಮದಕರಿ ನಾಯಕ ಶುರು

ಈಗಾಗಲೇ ಗಂಡುಗಲಿ ಮದಕರಿ ನಾಯಕ ಚಿತ್ರದ ಪ್ರಿ-ಪ್ರೊಡಕ್ಷನ್ ಕೆಲಸ ಮುಗಿಸಿರುವ ರಾಕ್ ಲೈನ್ ಅಂಡ್ ಟೀಂ ಜನವರಿ ತಿಂಗಳಲ್ಲಿ ಸಿನಿಮಾ ಮುಹೂರ್ತ ಮಾಡುವ ಯೋಜನೆ ಹಾಕಿಕೊಂಡಿದ್ದಾರೆ. ಸಂಕ್ರಾಂತಿ ಹಬ್ಬದ ಪ್ರಯುಕ್ತ ಈ ಮೆಗಾಸಿನಿಮಾಗೆ ಚಾಲನೆ ನೀಡಲು ದರ್ಶನ್ ಕೂಡ ನಿರ್ಧರಿಸಿದ್ದಾರಂತೆ.

D-53 ಗೂ ಗ್ರೀನ್ ಸಿಗ್ನಲ್

ಇನ್ನು ದರ್ಶನ್ ಮತ್ತು ತರುಣ್ ಸುಧೀರ್ ಕಾಂಬಿನೇಷನ್ ನಲ್ಲಿ ಬರಲಿರುವ ಚಿತ್ರದ ಪ್ರಿ-ಪ್ರೊಡಕ್ಷನ್ ಕೆಲಸನೂ ಮುಗಿದಿದೆ. ಈ ಹಿಂದೆಯೇ ಈ ಚಿತ್ರದ ಸ್ಕ್ರಿಪ್ಟ್ ಪೂಜೆ ಕೂಡ ಮುಗಿಸಿದ್ದರು. ಸದ್ಯದ ಮಾಹಿತಿ ಪ್ರಕಾರ ಈ ಚಿತ್ರವೂ ಜನವರಿ ತಿಂಗಳಲ್ಲೇ ಆರಂಭವಾಗುವ ಸಾಧ್ಯತೆ ಇದೆ. ದರ್ಶನ್ 53ನೇ ಸಿನಿಮಾ ಎಂದು ಗುರುತಿಸಿಕೊಂಡಿರುವ ಈ ಚಿತ್ರವನ್ನ ಹೆಬ್ಬುಲಿ ಖ್ಯಾತಿಯ ಉಮಾಪತಿ ನಿರ್ಮಾಣ ಮಾಡ್ತಿದ್ದಾರೆ.

'ಒಡೆಯ' ನಡೆಯುತ್ತಿದೆ

ಕುರುಕ್ಷೇತ್ರ ಮತ್ತು ಯಜಮಾನ ಚಿತ್ರದ ಕಂಪ್ಲೀಟ್ ಟಾಕಿ ಪೋಷನ್ ಮುಗಿಸಿರುವ ದರ್ಶನ್ ಸಂದೇಶ್ ನಾಗರಾಜ್ ನಿರ್ಮಾಣದ 'ಒಡೆಯ' ಚಿತ್ರವನ್ನ ಆರಂಭಿಸಿದ್ದಾರೆ. ಈಗಾಗಲೇ ಮೈಸೂರು ಸುತ್ತಮುತ್ತ ಈ ಸಿನಿಮಾದ ಶೂಟಿಂಗ್ ಆರಂಭವಾಗಿದೆಯಂತೆ.

ದರ್ಶನ್ ಮೊದಲೇ ಹೇಳಿದ್ದರು

ದರ್ಶನ್ ಸತತವಾಗಿ ಸಿನಿಮಾ ಮಾಡ್ತಿದ್ದಾರೆ. ಇದೆಲ್ಲ ಯಾವಾಗ ರಿಲೀಸ್ ಆಗಲಿದೆ. ಹೇಗೆ ಶೂಟಿಂಗ್ ಬ್ಯಾಲೆನ್ಸ್ ಮಾಡಲಿದ್ದಾರೆ, ಮದಕರಿ ಚಿತ್ರವನ್ನ ಹೇಗೆ ತೆಗೆದುಕೊಂಡು ಹೋಗ್ತಾರೆ ಎಂಬ ಕುತೂಹಲ ಕಾಡುತ್ತೆ. ಆದ್ರೆ, ದರ್ಶನ್ ಈ ಹಿಂದೆಯೇ ಹೇಳಿದ್ದರು, ಐತಿಹಾಸಿಕ ಹಾಗೂ ಪೌರಾಣಿಕ ಚಿತ್ರಗಳು ಬಂದ್ರೆ, ಅದಕ್ಕೆ ಮೊದಲ ಮಾನ್ಯತೆ ನೀಡುತ್ತೇನೆ ಎಂದು. ಬಹುಶಃ ಈಗಲೂ ಅದನ್ನೆ ಮಾಡ್ತಿರಬಹುದು.