ಆಸ್ಪತ್ರೆಯಿಂದ ದೇವರಾಜ್ ಮತ್ತು ಪ್ರಜ್ವಲ್ ಡಿಸ್ಚಾರ್ಜ್: ಅಪಘಾತದ ಬಗ್ಗೆ ಏನಂದ್ರು.?

ಸ್ನೇಹಿತರ ಮನೆಗೆ ಹೋಗಿದ್ವಿ

ಬರ್ತಡೇ ಪಾರ್ಟಿ ಎಲ್ಲ ಮಧ್ಯಾಹ್ನವೇ ಮುಗಿದು ಹೋಗಿತ್ತು. ಸ್ನೇಹಿತರೊಬ್ಬರ ಮನೆಗೆ ಊಟಕ್ಕೆ ಹೋಗಿದ್ವಿ. ಬನ್ನಿ ಊಟ ಮಾಡೋಣ ಅಂತ ಕರೆದಿದ್ದರು. ಅದಕ್ಕೆ ಅಲ್ಲಿ ಹೋಗಿ ಬಂದ್ವಿ'' ಎಂದು ಹಿರಿಯ ನಟ ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆದ ಬಳಿಕ ತಿಳಿಸಿದರು.

ಆಸ್ಪತ್ರೆಯಲ್ಲಿ ದರ್ಶನ್ ಫೋಟೋ ತೆಗೆದ ಅಭಿಮಾನಿಯ ಮೊಬೈಲ್ ಪುಡಿ ಪುಡಿ.!

ನಾವು ಹಿಂದೆ ಕೂತಿದ್ವಿ

ರಾಯ್ ಆಂಟೋನಿ ಕಾರು ಚಾಲನೆ ಮಾಡುತ್ತಿದ್ದರು. ದರ್ಶನ್ ಮುಂದೆ ಕೂತಿದ್ದರು. ನಾನು ಮತ್ತು ಪ್ರಜ್ವಲ್ ಹಿಂದೆ ಕೂತಿದ್ವಿ ಎಂದು ದೇವರಾಜ್ ಅವರು ಮಾಧ್ಯಮಗಳ ಜೊತೆ ಹೇಳಿದ್ದಾರೆ. ಅಲ್ಲಿಗೆ ಕಾರು ಯಾರೂ ಚಾಲನೆ ಮಾಡುತ್ತಿದ್ದರು ಎಂಬುದರ ಬಗ್ಗೆ ಸ್ವತಃ ದೇವರಾಜ್ ಅವರೇ ಖಚಿತಪಡಿಸಿದ್ದಾರೆ.

ಅಪಘಾತ ಪ್ರಕರಣಕ್ಕೆ ತಿರುವು: ದರ್ಶನ್ ಜೊತೆಗಿದ್ದ ರಾಯ್ ಅಂಟೋನಿಗೆ ಈಗ ಕಂಟಕ

ದರ್ಶನ್ ಜೊತೆ ಮಾತಾಡಿದೆ

ಅಪಘಾತವಾದ ಬಳಿಕ ನಾಲ್ಕು ಜನ ಮೈಸೂರಿನ ಕೊಲಂಬಿಯಾ ಏಷ್ಯಾ ಆಸ್ಪತ್ರೆಗೆ ದಾಖಲಾಗಿದ್ದರು. ಮೂರಿಗೂ ಗಾಯಗಳಾಗಿದೆ. 'ದರ್ಶನ್ ಕೂಡ ಆರಾಮಾಗಿದ್ದಾರೆ. ಅವರ ಜೊತೆ ಮಾತಾನಾಡಿದ್ವಿ. ಏನೂ ಮಾಡೋಕೆ ಆಗಲ್ಲ. ಬ್ಯಾಡ್ ಟೈಂ ಅಂತ ಅನ್ಕೊಂಡ್ವಿ ಅಷ್ಟೇ' ಎಂದರು.

ಸ್ಕಿಡ್ ಆಗಿ ಅಪಘಾತ

ಅಪಘಾತವಾಗಲು ಬೇರೆ ಕಾರಣವಿರಬಹುದು. ಬೇರೆ ಏನೋ ನಡೆದಿರಬಹುದು ಎಂಬ ಅನುಮಾನಗಳು ವ್ಯಕ್ತವಾಗುತ್ತಿದೆ. ಇದರ ಬಗ್ಗೆ ದೇವರಾಜ್ ಅವರು ಪ್ರತಿಕ್ರಯಿಸಿದ್ದು, ಸ್ಕಿಡ್ ಆಗಿ ಅಪಘಾತವಾಯಿತು ಅಷ್ಟೇ ಎಂದಿದ್ದಾರೆ. ಅಲ್ಲಿಗೆ ಒಂದು ಮಟ್ಟದ ಅನುಮಾನ ಬಗೆಹರಿದಿದೆ. ಆದ್ರೆ, ಅಪಘಾತದ ನಂತರವಾದ ಬೆಳವಣಿಗೆಗಳು ಕೆಲವು ಪ್ರಶ್ನೆಗಳನ್ನ ಹುಟ್ಟುಹಾಕಿದೆ.

ಅಪಘಾತಕ್ಕೂ ಮುಂಚೆ ದರ್ಶನ್-ದೇವರಾಜ್ ಪಾರ್ಟಿ ಫೋಟೋಗಳು