'ಪಾಪ್ ಕಾರ್ನ್' ಪೈರಸಿ: ಕೌಂಟರ್ ಕೊಟ್ಟ ಡಾಲಿ ಧನಂಜಯ್

ಮಂಕಿ ಟೈಗರ್ ಪೈರಸಿ

ನಟಸಾರ್ವಭೌಮ, ಯಜಮಾನ, ಪೈಲ್ವಾನ್ ಅಂತಹ ದೊಡ್ಡ ಚಿತ್ರಗಳು ಪೈರಸಿಯಾಗಿತ್ತು. ಇದೀಗ, ಧನಂಜಯ್ ನಟನೆಯ 'ಪಾಪ್ ಕಾರ್ನ್ ಮಂಕಿ ಟೈಗರ್' ಸಿನಿಮಾ ಪೈರಸಿಯಾಗಿದೆ. ಈ ಕುರಿತು ಧನಂಜಯ್ ಬೇಸರಗೊಂಡಿದ್ದಾರೆ.

ಯಾರು ಯಾರ ಓಟಾನು ನಿಲ್ಸಕ್ಕಾಗಲ್ಲ

''ಎಷ್ಟು ಕಷ್ಟಪಟ್ಟು ಸಿನಿಮಾ ಮಾಡಿದ್ರು, ಎಂತ ಪಾತ್ರಗಳನ್ನ ಜೀವಿಸಿದರು..! ಅದ್ಭುತ, ಅಮೋಘ, ಜೈ ಕರ್ನಾಟಕ ಮಾತೆ. ನಿಮ್ಮಂತವರು ಬೇಕು ಇಲ್ಲಾಂದ್ರೆ ಬೇಗ life bore ಆಗಿಬಿಡತ್ತೆ. ಇದರ ಮಧ್ಯ houseful shows ಕೊಡ್ತ ಇರೋದು ನಿಜ. ಸಿನಿಮಾ ಪ್ರೇಮಿಗಳಿಗೆ ನನ್ನ ಕೃತಜ್ಞತೆ. ಯಾರು ಯಾರ ಓಟಾನು ನಿಲ್ಸಕ್ಕಾಗಲ್ಲ'' ಎಂದು ಡಾಲಿ ಟ್ವೀಟ್ ಮಾಡಿದ್ದಾರೆ.

ಡಾಲಿ ಬೆಂಬಲಕ್ಕೆ ನಿಂತ ಫ್ಯಾನ್ಸ್

ಪಾಪ್ ಕಾರ್ನ್ ಮಂಕಿ ಟೈಗರ್ ಸಿನಿಮಾ ಪೈರಸಿ ವಿಚಾರದಲ್ಲಿ ಧನಂಜಯ್ ಬೆಂಬಲಕ್ಕೆ ಅಭಿಮಾನಿಗಳು ನಿಂತಿದ್ದಾರೆ. ಡಾಲಿ ಟ್ವೀಟ್ ಗೆ ಅಭಿಮಾನಿಗಳು ಬೆಂಬಲ ನೀಡುತ್ತಿದ್ದು, ''ನಾವು ಥಿಯೇಟರ್ ನಲ್ಲೇ ಸಿನಿಮಾ ನೋಡೋದು. ಇದರ ಬಗ್ಗೆ ಯೋಚಿಸಬೇಡಿ'' ಎಂದು ಸಪೋರ್ಟ್ ಮಾಡ್ತಿದ್ದಾರೆ.

ಮೊದಲ ದಿನದ ಗಳಿಕೆ ಎಷ್ಟು?

ಪಾಪ್ ಕಾರ್ನ್ ಮಂಕಿ ಟೈಗರ್ ಸಿನಿಮಾ ಮೊದಲ ದಿನ ಬಾಕ್ಸ್ ಆಫೀಸ್ ನಲ್ಲಿ ಭರ್ಜರಿ ಬಿಸಿನೆಸ್ ಮಾಡಿದೆ ಎಂಬ ಮಾಹಿತಿ ಹೊರಬಿದ್ದಿದೆ. ಮೂಲಗಳ ಪ್ರಕಾರ ಮೊದಲ ದಿನ 2.53 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ ಎನ್ನಲಾಗಿದೆ.