ಡಿ ಬಾಸ್ ಜೊತೆ ಕಾಳಗಕ್ಕೆ ಇಳಿದ ಟಗರು ಡಾಲಿ

ಡಿ ಬಾಸ್ ಜೊತೆ ಡಾಲಿ

ಚಾಲೆಂಜಿಂಗ್ ಸ್ಟಾರ್ ಅಭಿನಯದ ಪಿ ಕುಮಾರ್ ನಿರ್ದೇಶನದ ಶೈಲಜಾ ನಾಗ್ ನಿರ್ಮಾಣದ ಸಿನಿಮಾದಲ್ಲಿ ಧನಂಜಯ ಅಭಿನಯಿಸುತ್ತಿದ್ದಾರೆ. ಇನ್ನು ಹೆಸರಿಡದ ಚಿತ್ರದಲ್ಲಿ ಧನಂಜಯ ವಿಲನ್ ಆಗಿ ಮಿಂಚಲಿದ್ದಾರಂತೆ.

ಹೊಸ ಪಾತ್ರಗಳಲ್ಲಿ ಧನಂಜಯ

ಸ್ಪೆಷಲ್ ಸ್ಟಾರ್ ಆಗಿ ಸಿನಿಮಾರಂಗದಲ್ಲಿ ಗುರುತಿಸಿಕೊಂಡಿರುವ ಧನಂಜಯ ಟಗರು ಸಿನಿಮಾದಲ್ಲಿ ಖಳನಾಯಕನಾಗಿ ಕಾಣಿಸಿಕೊಂಡು ಅಭಿಮಾನಿಗಳ ಮನಸ್ಸಿನಲ್ಲಿ ಆಶ್ಚರ್ಯ ಮೂಡುವಂತೆ ಮಾಡಿದ್ದರು. ಈಗ ಮತ್ತೊಮ್ಮೆ ಧನಂಜಯ ಅವರನ್ನ ವಿಭಿನ್ನ ಪಾತ್ರದಲ್ಲಿ ನೋಡುವ ಅವಕಾಶ ಸಿಕ್ಕಿದೆ.

ಡಾಲಿ ನೋಡಲು ಕಾದಿರುವ ಪ್ರೇಕ್ಷಕ

ಟಗರು ಸಿನಿಮಾದ ಟೀಸರ್ ನಲ್ಲಿ ಡಾಲಿ ಪಾತ್ರದ ಚಿಕ್ಕ ಸೀನ್ ಗಳನ್ನ ತೋರಿಸಲಾಗಿದೆ. ಅದರ ಜೊತೆಯಲ್ಲಿ ಧನಂಜಯ ಇರುವ ಹಾಡನ್ನು ಬಿಡುಗಡೆ ಮಾಡಲಾಗಿದೆ. ಇವೆಲ್ಲವನ್ನೂ ನೋಡಿರುವ ಪ್ರೇಕ್ಷಕ ತೆರೆ ಮೇಲೆ ಡಾಲಿ ಅಭಿನಯವನ್ನ ನೋಡಲು ಕಾತುರರಾಗಿದ್ದಾರೆ.

ಡಾಲಿ ಲುಕ್ ಗೆ ಮನಸೋತ ಪ್ರೇಕ್ಷಕ

ಸ್ಪೆಷಲ್ ಸ್ಟಾರ್ ನ ಸ್ಟೈಲಿಗೆ ಮನಸೋತಿದ್ದ ಸಿನಿಮಾ ಪ್ರೇಕ್ಷಕರು ಟಗರು ಚಿತ್ರದ ಡಾಲಿ ಲುಕ್ ನೋಡಿ ಫಿದಾ ಆಗಿದ್ದಾರೆ. ನೀಲಿ ಕಣ್ಣಿನ ಖಳನಾಯನ ಕಟ್ಟುಮಸ್ತಾದ ದೇಹಕ್ಕೆ ಇಂಪ್ರೆಸ್ ಆಗಿದ್ದಾರೆ. ಯಾವಾಗ ಟಗರು ಚಿತ್ರ ಬಿಡುಗಡೆ ಆಗುತ್ತೆ ಅಂತ ಕಾಯುತ್ತಿದ್ದಾರೆ.