ಮುಂದಿನ ಸಿನಿಮಾ ತಯಾರಿ ಆರಂಭ: ರೀಮೇಕ್‌ ಗೆ ಹೊರಳಿದ ಧ್ರುವ ಸರ್ಜಾ

ನಂದ ಕಿಶೋರ್ ನಿರ್ದೇಶಿಸಲಿದ್ದಾರೆ ಧ್ರುವ ಸರ್ಜಾ ಮುಂದಿನ ಸಿನಿಮಾ

ಪೊಗರು ಸಿನಿಮಾ ನಿರ್ದೇಶಿಸಿರುವ ನಂದ ಕಿಶೋರ್ ಅವರೇ ಧ್ರುವ ಸರ್ಜಾ ಮುಂದಿನ ಚಿತ್ರವನ್ನೂ ನಿರ್ದೇಶಿಸಲಿದ್ದಾರೆ. ಪೀಪಲ್ಸ್ ಮೀಡಿಯಾ ಫ್ಯಾಕ್ಟೆರಿ ಈ ಸಿನಿಮಾವನ್ನು ನಿರ್ಮಿಸಲಿದೆ. ಚಿತ್ರದ ಮಾತುಕತೆ ಹಂತ ಈಗಾಗಲೇ ಮುಗಿದಿದೆ ಎನ್ನಲಾಗಿದೆ.

ಅಧ್ಯಕ್ಷ ಇನ್ ಅಮೆರಿಕ ನಿರ್ಮಿಸಿದ್ದ ಸಂಸ್ಥೆ

ಪೀಪಲ್ಸ್ ಮೀಡಿಯಾ ಫ್ಯಾಕ್ಟೆರಿ ಸಂಸ್ಥೆಯು ಕನ್ನಡದಲ್ಲಿ 'ಅಧ್ಯಕ್ಷ ಇನ್ ಅಮೆರಿಕ' ಸಿನಿಮಾ ನಿರ್ಮಿಸಿತ್ತು. ತೆಲುಗಿನಲ್ಲಿ 'ನಿನ್ನು ಕೋರಿ' ಸಿನಿಮಾ ನಿರ್ಮಿಸಿತ್ತು. ಇದು ಹಿಟ್ ಆಗಿತ್ತು. ಇದೇ ಸಿನಿಮಾವನ್ನು ಕನ್ನಡಕ್ಕೆ ತರುತ್ತಿದ್ದಾರಾ ಎಂಬ ಅನುಮಾನವೂ ಇದೆ.

ರೀಮೇಕ್ ಸಿನಿಮಾದಲ್ಲಿ ನಟಿಸುತ್ತಿರುವ ಧ್ರುವ ಸರ್ಜಾ

ರೀಮೇಕ್ ಸಿನಿಮಾದಲ್ಲಿ ನಟಿಸುತ್ತಿರುವ ಬಗ್ಗೆ ಧ್ರುವ ಸರ್ಜಾ ಅಧಿಕೃತವಾಗಿ ಘೋಷಣೆ ಮಾಡಿಲ್ಲ. ಪೀಪಲ್ಸ್ ಮೀಡಿಯಾ ಫ್ಯಾಕ್ಟೆರಿ ಸಂಸ್ಥೆ ಸಹ ಈ ಬಗ್ಗೆ ಹೇಳಿಲ್ಲ. ಆದರೆ ಕೆಲವೇ ದಿನಗಳಲ್ಲಿ ಅಧಿಕೃತ ಘೋಷಣೆ ಹೊರಬೀಳಲಿದೆ ಎನ್ನಲಾಗಿದೆ.

ಪೊಗರಿನೊಂದಿಗೆ ಬರಲು ಧ್ರುವ ತಯಾರು

ಧ್ರುವ ಸರ್ಜಾ ಅವರ ಪೊಗರು ಸಿನಿಮಾ ಭಾರಿ ಕುತೂಹಲ ಮೂಡಿಸಿದ್ದು, ಮಾರ್ಚ್ 27 ಕ್ಕೆ ಮೊದಲ ಹಾಡು 'ಖರಾಬ್' ಬಿಡುಗಡೆ ಆಗಲಿದೆ. ಸಿನಿಮಾಕ್ಕೆ ಚಂದನ್ ಶೆಟ್ಟಿ ಸಂಗೀತ ಸಂಯೋಜನೆ ಮಾಡಿದ್ದಾರೆ.